Да Карынфян 1-е Пасланне святога Апостала Паўла, глава 6

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 6
6:1	Як сме́е хто з вас, маючы цяжбу з іншым бра́там,  судзíцца ў няпра́ведных, а не ў святых?
6:2 См.: 🔗Прем. 3:8 🔗Мф. 19:28 🔗Отк. 20:4	Хіба́ не ведаеце, што святыя будуць судзíць свет? Дык калі вы будзе судзíць свет, то няўжо вы не варты судзíць значна ме́ншае?
6:3	Хіба́ не ведаеце, што мы будзем судзíць ангелаў, то ці не тым больш нешта жыццёвае?
6:4	А вы, калі маеце суды жыццёвыя цяжбы, дык аддаяце́ іх на суд тым, якія нічога не значаць у царкве.
6:5	На сорам вам кажу: няўжо няма сярод вас ніводнага мудрага, які мог бы рассудзíць братоў сваіх?
6:6	А то брат з братам су́дзіцца, ды яшчэ ў няве́рных.
6:7 См.: 🔗Мф. 5:40 🔗Лк. 6:29 🔗Рым. 12:19 🔗1Фес. 5:15	Ужо тое ўвогуле га́ньба для вас, што вы су́дзіцеся адзін з адным. Ці не лепш было б вам пацярпець крыўду́ ці не лепш было б пане́сці страту?
6:8	А вы самі крыўдзіце і адбіраеце, прычым у братоў.
6:9 См.: 🔗Гал. 5:21 🔗Эф. 5:5	Хіба́ не ведаеце, што няправедныя Царства Божага не ўнасле́дуюць? Не ашуквайце саміх сябе: ні блуднікí, ні ідалапаклоннікі, ні пралюбадзеі, ні рукаблу́днікі, ні мужаложнікі,
6:10	ні зладзеі, ні хціўцы, ні п’яніцы, ні ліхасловы, ні рабаўнікі не ўнасле́дуюць Царства Божага.
6:11 См.: 🔗Эф. 2:2 🔗Ціт. 3:3	І такімі былі некаторыя з вас; але амыліся, але асвяціліся, але апраўдаліся імем Госпада нашага Іісуса Хрыста і Духам Бога нашага.
6:12 См.: 🔗Сир. 37:31 🔗1Кар. 10:23	Усё мне дазволена, але не ўсё карысна; усё мне дазволена, але нішто не павінна валодаць мною.
6:13 См.: 🔗Мф. 22:30 🔗Рым. 6:13	Ежа для чэрава, і чэрава для ежы; але Бог знішчыць і адно, і другое. Цела ж не для блуду, а для Госпада, і Гасподзь для цела.
6:14 См.: 🔗2Кар. 4:14 🔗1Фес. 4:14	Бог уваскрасіў Госпада, уваскрасіць і нас сілаю Сваёю.
6:15 См.: 🔗Эф. 5:30	Хіба́ вы не ведаеце, што целы вашы — гэта члены Хрыстовы? Дык што, забяру я члены ў Хрыста, каб зрабіць іх членамі блудніцы? Ні ў якім разе.
6:16 См.: 🔗Быт. 2:24 🔗Мф. 19:5 🔗Мк. 10:7 🔗Эф. 5:31	Хіба́ не ведаеце, што той, хто злучаецца з блудніцай, становіцца адным це́лам з ёю́ бо ска́зана: “двое будуць адной плоццю”.
6:17	А хто злучаецца з Госпадам, той — адзін дух з Госпадам.
6:18	Пазбягайце блуду; усякі грэх, які робіць чалавек, ёсць па – за целам, а блуднік грашыць супраць уласнага цела.
6:19 См.: 🔗1Пят. 2:5 🔗1Кар. 3:16 🔗2Кар. 6:16	Хіба́ не ведаеце, што целы вашы — гэта храм Духа Святога, Які жыве ў вас, Якога маеце ад Бога, і вы не свае́
6:20 См.: 🔗Дзеян. 20:28 🔗1Пят. 1:19 🔗Гал. 3:13	бо вы куплены дарагою цаною. Таму праслаўляйце Бога і ў це́лах вашых, і ў ду́шах вашых, якія належаць Богу.