Да Рымлян Пасланне святога Апостала Паўла, глава 8

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 8
8:1 См.: 🔗Рым. 5:1	nbsp; Дык вось, цяпер няма ніякага асуджэння тым, хто ў Хрысце Іісусе жыве́ не паводле плоці, а паводле духу,
8:2 См.: 🔗Iн. 6:63 🔗Iн. 8:36 🔗1Кар. 15:45 🔗2Кар. 3:7	таму што закон духу жыцця ў Хрысце Іісусе вы́зваліў мяне ад закону граху і смерці.
8:3 См.: 🔗2Кар. 5:21 🔗Гал. 3:13 🔗Яўр. 7:18	Паколькі закон, асла́блены плоццю, быў бяссільны, то Бог Сына Свайго паслаў у падабенстве плоці грахоўнай  як ахвяру за грэх і асудзíў грэх у плоці,
8:4	каб праведнасць, прадпíсаная законам, здзе́йснілася ў нас, якія жывём не паводле плоці,  а паводле духу.
8:5 См.: 🔗Iн. 3:6 🔗1Кар. 2:14	Бо тыя, што жывуць паводле плоці, думаюць пра плоцкае, а тыя, што паводле духу, — пра духоўнае.
8:6 См.: 🔗Рым. 6:21	Думкі плоцкія — гэта смерць, а думкі духоўныя — гэта жыццё і мір,
8:7 См.: 🔗Іак. 4:4	таму што думкі плоцкія — гэта варожасць супраць Бога, паколькі закону Божаму яны не падпарадко́ўваюцца, ды і не могуць.
8:8 См.: 🔗Яўр. 11:6	Таму тыя, што жывуць паводле плоці, Богу дагадзíць не могуць.
8:9 См.: 🔗1Кар. 3:16	Але вы не паводле плоці жывяце́, а паводле духу, калі толькі Дух Божы жыве ў вас. А калі хто Духа Хрыстовага не ма́е, той і не Ягоны.
8:10	Калі ж Хрыстос у вас, то цела мёртвае праз грэх, а дух жывы праз праведнасць.
8:11 См.: 🔗Рым. 6:4	Калі ж Дух Таго, Хто ўваскрасіў з мёртвых Іісуса, жыве ў вас, дык Той, Хто ўваскрасіў Хрыста з мёртвых, ажы́віць і вашы смяротныя целы Духам Сваім, Які жыве ў вас.
8:12 См.: 🔗Рым. 6:7	Такім чынам, браты, мы не даўжнікі плоці, каб жыць паводле плоці;
8:13 См.: 🔗Гал. 5:19	бо, калі жывяце́ паводле плоці, то ма́еце паме́рці, а калі духам умярцвя́еце дзе́янні плоцкія, то будзеце жыць.
8:14 См.: 🔗Гал. 5:18	Таму што ўсе тыя, каго вядзе Дух Божы, гэта сыны Божыя;
8:15 См.: 🔗1Iн. 4:18 🔗1Кар. 2:12 🔗Яўр. 2:15	бо вы не прынялí духу рабства, пры якім жылі б зноў у страху, а прынялí Духа ўсынаўле́ння, у Якім усклікаем: “Авва, Ойча!”
8:16 См.: 🔗Эф. 4:30	Сам гэты Дух сведчыць духу нашаму, што мы — дзеці Божыя.
8:17 См.: 🔗Гал. 4:7	А калі дзеці, то і наследнікі: наследнікі Божыя, сунаследнікі ж Хрыстовы, калі толькі разам з Ім пакутуем, каб разам з Ім і прасла́ўленымі быць.
8:18 См.: 🔗1Пят. 4:13	Бо я лічу, што цяперашнія часовыя пакуты нічога не ва́рты ў параўнанні з тою славаю, якая адкрыецца ў нас.
8:19 См.: 🔗2Пят. 3:13	Бо стварэнне з надзеяй чакае выяўле́ння сыноў Божых, —
8:20	таму што стварэнне падпарадкавалася марнасці не па сваёй волі, а па волі Таго, Хто падпарадкаваў яго, — у надзеі,
8:21	што і само стварэнне будзе вы́звалена з рабства тлення на свабоду славы дзяцей Божых.
8:22	Бо мы ведаем, што ўсё стварэнне разам стогне і пакутуе дагэтуль;
8:23 См.: 🔗Лк. 21:28 🔗1Iн. 3:2 🔗2Кар. 5:4 🔗Эф. 4:30	ды не толькі яно, але і мы самі, маючы пачатак Духа, і мы самі стогнем у сабе, чакаючы ўсынаўле́ння, выкупле́ння це́ла нашага.
8:24 См.: 🔗Яўр. 11:1	Бо мы спасёны ў надзеі. Надзея ж, калі яна ба́чная, гэта не надзея, бо калі хто бачыць, то на што яму і спадзява́цца?
8:25	А калі спадзяёмся на тое, чаго не бачым, тады цярпліва чакаем.
8:26	Таксама і Дух дапамага́е нам пры не́мачах нашых; бо мы не ведаем, аб чым маліцца так, як нале́жыць, а Сам Дух хада́йнічае за нас уздыха́ннямі невымо́ўнымі.
8:27 См.: 🔗1Цар. 16:7 🔗Iн. 14:17	Той жа, Хто дасле́дуе сэ́рцы, ведае, якая думка ў Духа, таму што Ён па волі Божай, хадайнічае за святых.
8:28 См.: 🔗Эф. 1:4	А мы ведаем, што тым, хто лю́біць Бога, хто паклíканы паводле Яго прадустанаўле́ння, усё садзе́йнічае на дабро;
8:29 См.: 🔗2Кар. 3:18 🔗Кал. 1:18	бо каго Ён прадуве́даў, тым і прадвы́значыў быць падобнымі да вобраза Сына Свайго, каб Ён быў першародным сярод многіх братоў;
8:30 См.: 🔗Рым. 5:9 🔗Рым. 9:24	а каго Ён прадвы́значыў, тых і паклíкаў; а каго паклíкаў, тых і апраўда́ў; а каго апраўда́ў, тых і праславіў.
8:31 См.: 🔗Пс. 55:12	Што ж мы скажам на гэта? Калі Бог за нас, то хто су́праць нас?
8:32 См.: 🔗Iн. 3:16	Той, Хто нават Сына Свайго не пашкадаваў, а аддаў Яго за ўсіх нас, як жа з Ім не дасць нам і ўсяго?
8:33 См.: 🔗Ис. 50:9 🔗Отк. 12:10	Хто стане абвінава́чваць абра́ных Божых? Бог апра́ўдвае іх.
8:34 См.: 🔗1Iн. 2:1	Хто асу́дзіць? Хрыстос Іісус памёр, але і ўваскрэс: Ён і знахо́дзіцца правару́ч Бога, Ён і хадайнічае за нас.
8:35 См.: 🔗1Iн. 2:28 🔗2Кар. 12:10	Хто адлу́чыць нас ад любові Хрыстовай: гора, ці ўціск, ці ганенне, ці голад, ці галеча, ці небяспека, ці меч? як напісана:
8:36 См.: 🔗Пс. 43:23	“за Цябе нас умярцвя́юць кожны дзень; лічаць нас авечкамі для закла́ння”.
8:37 См.: 🔗1Iн. 5:5 🔗1Кар. 15:57 🔗Отк. 12:11	Але ўсё гэта мы поўнасцю перамагаем сілаю Таго, Хто ўзлюбіў нас.
8:38 См.: 🔗Эф. 6:12	Бо я ўпэўнены, што ні смерць, ні жыццё, ні Ангелы, ні Пачаткі, ні Сілы, ні цяперашняе, ні будучае,
8:39	ні вышыня́, ні глыбіня́, ні якое стварэ́нне іншае не зможа адлучы́ць нас ад любові Божай у Хрысце Іісусе, Госпадзе нашым.