Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 1 | |
1:1 | Павел, воляю Божаю Апостал Іісуса Хрыста, паводле абяца́ння жыцця ў Хрысце Іісусе, |
1:2 | Цімафею, узлю́бленаму сыну: благадаць, міласць, мір ад Бога Айца і Хрыста Іісуса, Госпада нашага. |
1:3 См.: 🔗Флп. 3:3 | Дзякую Богу, Якому служу ад продкаў у чыстым сумленні, што не перастаю́ паміна́ць цябе ў малітвах маіх уночы і ўдзень; |
1:4 | па́мятаючы слёзы твае, я пра́гну ўбачыць цябе, каб мне напоўніцца радасцю; |
1:5 | прыга́дваю сабе тваю некрываду́шную веру, якую раней ме́ла бабуля твая Лаíда і маці твая Яўнíкія; упэўнены, што і ты маеш яе. |
1:6 См.: 🔗Дзеян. 6:6 | З гэтай прычыны напаміна́ю, каб ты падтры́мліваў у сабе агонь да́ру Божага, які ў табе праз усклада́нне рук маіх; |
1:7 См.: 🔗Рым. 8:15 🔗Яўр. 2:15 | бо даў нам Бог не дух баязлíвасці, а дух сілы, і любові, і разва́жнасці. |
1:8 См.: 🔗Мф. 10:33 | Таму не саромейся ні све́дчання пра Госпада нашага Іісуса Хрыста, ні мяне, вязня Яго; а пакутуй разам са мною за дабравесце Хрыстова сілаю Бога, |
1:9 | Які спас нас і паклікаў паклíканнем святым не паводле спраў нашых, а паводле Свайго прадустанаўле́ння і благадаці, да́дзенай нам у Хрысце Іісусе раней часоў адвечных, |
1:10 | а цяпер адкрытай яўле́ннем Спасіцеля нашага Іісуса Хрыста, Які знішчыў смерць і асвятлíў жыццё і нятле́ннасць дабравесцем, |
1:11 См.: 🔗1Цім. 2:7 | для якога я пастаўлены прапаведнікам, і Апосталам, і настаўнікам язычнікаў. |
1:12 | З гэтай прычыны я і пакутую так; але не саромеюся. Бо ведаю, у Каго я ўвераваў, і ўпэ́ўнены, што Ён ма́е сілу залог мой захаваць на той дзень. |
1:13 См.: 🔗1Iн. 2:24 🔗Рым. 6:17 | Узору здаровага вучэ́ння, якое ты чуў ад мяне, трымайся з вераю і любоўю ў Хрысце Іісусе. |
1:14 См.: 🔗1Цім. 6:20 🔗Отк. 3:11 | Захоўвай добры залог сілаю nbsp;Духа Святога, Які жыве ў нас. |
1:15 | Ты ведаеш, што ўсе Асійцы адвярнуліся ад мяне; сярод іх Фíгел і Ермаген. |
1:16 См.: 🔗2Цім. 4:19 | Няхай дасць Гасподзь міласць дому Анісíфара за тое, што ён шмат разоў падтры́мліваў мяне і не пасаромеўся аковаў маіх, |
1:17 | а калі быў у Рыме, з вялікім стараннем шукаў мяне і знайшоў. |
1:18 См.: 🔗Мф. 25:34 | Няхай дасць яму Гасподзь знайсці міласць у Госпада ў той дзень; а колькі ён паслужыў мне ў Эфэсе, ты лепш ведаеш. |