Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 15 | |
15:1 См.: 🔗Рым. 14:1 🔗1Кар. 9:22 | Мы, моцныя, павінны немачы сла́бых насіць, а не сабе дагаджа́ць: |
15:2 См.: 🔗1Кар. 10:24 | кожны з нас павінен дагаджаць бліжняму на дабро, для ўмацавання. |
15:3 См.: 🔗Пс. 68:10 | Бо і Хрыстос не Сабе дагаджа́ў, а як напісана: “знявагі тых, што зневажа́юць Цябе, па́лі на Мяне”. |
15:4 См.: 🔗Рым. 4:23 | А ўсё, што было напíсана раней, для нашага настаўлення напíсана, каб мы праз цярпенне і суцяшэнне з Пісанняў захоўвалі надзею. |
15:5 См.: 🔗1Кар. 1:10 🔗Флп. 2:2 | Бог жа цярпення і суцяшэння няхай дасць вам быць у аднадумстве паміж сабою па Хрысту Іісусу, |
15:6 | каб вы аднадушна, адзінымі вуснамі славілі Бога і Айца Госпада нашага Іісуса Хрыста. |
15:7 См.: 🔗Iн. 17:24 | Таму прымайце адзін аднаго, як і Хрыстос прыняў вас у славу Божую. |
15:8 См.: 🔗Дзеян. 3:25 🔗Рым. 3:30 | Бо кажу я, што Іісус Хрыстос стаў служыцелем для абрэзаных — дзеля ісціны Божай, каб сцве́рдзіць абяцанае айцам, |
15:9 См.: 🔗Пс. 17:50 🔗2Цар. 22:50 | а для язычнікаў — па міласці, каб яны славілі Бога, як напісана: “за гэта буду славіць Цябе сярод язычнікаў і буду спяваць íмені Твайму”. |
15:10 См.: 🔗Втор. 32:43 | І яшчэ ска́зана: “узвесяліцеся, язычнікі, з народам Яго”. |
15:11 См.: 🔗Пс. 116:1 | І яшчэ: “хваліце Госпада, усе язычнікі, і ўсхваляйце Яго, усе народы”. |
15:12 См.: 🔗Ис. 11:10 🔗Отк. 5:5 | І яшчэ Ісаія кажа: “будзе корань Іесе́еў і Той, Хто ўздымецца, каб валодаць язычнікамі; на Яго язычнікі спадзявацца будуць”. |
15:13 См.: 🔗Рым. 12:12 🔗Рым. 14:17 | Бог жа надзеі няхай напоўніць вас ўсякаю радасцю і мірам у веры, каб вы, сілаю Духа Святога, узбагаціліся надзеяй. |
15:14 | Я і сам упэўнены ў вас, браты мае́, што і вы поўныя добрасці, напоўненыя ўсякімі ведамі і можаце настаўляць адзін аднаго; |
15:15 | але напісаў я вам, браты, з некато́рай смеласцю, як бы ў напамін вам, паводле дадзенай мне Богам благадаці |
15:16 | быць служыцелем Іісуса Хрыста сярод язычнікаў, свяшчэннадзе́ючы дабравесце Божае, каб язычнікі сталі прынашэннем, угодным Богу, асвячонае Духам Святым. |
15:17 | Дык я магу пахвалíцца ў Хрысце Іісусе сваім служэннем Богу, |
15:18 | бо не адважуся гаварыць ні пра што такое, чаго не здзейсніў Хрыстос праз мяне для паслушэнства язычнікаў, словам і справаю, |
15:19 | сілаю знаме́нняў і цудаў, сілаю Духа Божага, так што ад Іерусаліма і яго наваколляў да Іліры́ка я распаўсюдзіў дабравесце Хрыстова. |
15:20 См.: 🔗1Кар. 3:10 🔗2Кар. 10:15 | Прытым я лічы́ў за гонар дабраве́сціць не там, дзе ўжо было вядома імя́ Хрыстова, каб не будаваць на чужым падмурку, |
15:21 См.: 🔗Ис. 52:15 | а як напісана: “каму не было абвешчана пра Яго, тыя ўбачаць, і хто не чуў, тыя зразумеюць”. |
15:22 См.: 🔗Рым. 1:13 | Гэта шмат разоў перашкаджала мне прыйсці да вас. |
15:23 См.: 🔗1Фес. 3:10 | Цяпер жа, не маючы больш поля дзейнасці ў тых краях, а многія гады жадаючы прыйсці да вас, |
15:24 | як толькі вы́праўлюся ў Іспанію, прыду да вас. Бо спадзяюся, што, праходзячы, пабачуся з вамі і што вы праведзяце́ мяне туды, пасля таго як я нацешуся вамі, хоць трохі. |
15:25 См.: 🔗Дзеян. 24:17 | А цяпер я іду ў Іерусалім, каб паслужы́ць святым, |
15:26 См.: 🔗1Кар. 16:1 🔗2Кар. 8:4 | бо Македонія і Ахаія пажадалі сабраць нейкія сродкі для дапамогі бедным сярод святых у Іерусаліме. |
15:27 См.: 🔗1Кар. 9:11 | Пажадалі, аднак яны і даўжнікі перад імі. Бо калі язычнікі сталі іх супольнікамі ў духоўным, то павінны і ў цялесным паслужы́ць ім. |
15:28 | Вы́канаўшы гэта і ў цэласці перадаўшы ім сабра́нае, я пайду праз вашы мясціны ў Іспанію, |
15:29 См.: 🔗Рым. 1:11 | і ведаю, што калі прыйду да вас, дык прыйду з паўнатою благаславення дабраве́сця Хрыстовага. |
15:30 См.: 🔗2Кар. 1:11 | Але прашу вас, браты, дзеля Госпада нашага Іісуса Хрыста і дзеля любові Духа, аказаць мне падтрымку ў малітвах Богу за мяне, |
15:31 См.: 🔗Дзеян. 20:23 | каб мне быць збаўленым ад няверуючых у Іудзеі, і каб служэнне маё ў Іерусаліме было добра прыня́та святымі, |
15:32 См.: 🔗Рым. 1:10 | каб я з радасцю прыйшоў да вас, калі на гэта воля Божая, і адпачыў разам з вамі. |
15:33 См.: 🔗Рым. 16:20 🔗1Кар. 14:33 | Бог жа міру няхай будзе з усімі вамі. Амінь. |