Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 11 | |
11:1 См.: 🔗Рым. 8:24 | Вера ж — гэта перакана́насць у спадзява́ным і ўпэ́ўненасць у рэ́чах нябачных. |
11:2 | Праз яе атрымалі сведчанне продкі. |
11:3 | Вераю спазнаём, што сусвет ўладкава́ны словам Божым, так што з няба́чнага ўзнікла ба́чнае. |
11:4 См.: 🔗Быт. 4:4 🔗Мф. 23:35 | Вераю Авель прынёс Богу ахвяру лепшую, чым Каін; праз яе ён атрыма́ў све́дчанне, што ён праведны, як засве́дчыў Бог пра дары яго; ёю і пасля смерці ён праця́гвае гаварыць. |
11:5 | Вераю Яно́х перане́сены быў, так што не ўбачыў смерці; і не знайшлі яго, таму што Бог перанёс яго. Бо раней, чым ён быў перане́сены, атрыма́ў ён све́дчанне, што дагадзіў Богу. |
11:6 | А без веры дагадзіць Богу немагчыма; бо той, хто прыхо́дзіць да Бога, павінен верыць, што Ён ёсць, і тым, хто шукае Яго, Ён дае ўзнагароду. |
11:7 | Вераю Ной, будучы апаве́шчаны пра яшчэ нябачнае, з богабая́знасцю збудава́ў каўчэг для выратава́ння дому свайго; ёю асудзіў ён свет і стаў спадкае́мцам пра́веднасці па веры. |
11:8 См.: 🔗Быт. 12:4 | Вераю Аўраам паслу́хаўся паклікання ісці ў краіну, якую нале́жала яму атрымаць у спа́дчыну, і пайшоў, не ведаючы, куды ідзе. |
11:9 | Вераю пасяліўся ён на зямлі абетава́най, як на чужой, і жыў у шатрах з Ісаакам і Іакавам, сунасле́днікамі таго ж абетава́ння; |
11:10 См.: 🔗Яўр. 12:22 | бо ён чакаў горада, які ма́е трыва́лыя падму́ркі, горада, майстар і ствара́льнік якога — Бог. |
11:11 | Вераю і сама Сарра, будучы бясплоднаю, атрымала здольнасць зача́ць і насуперак свайму ўзросту нарадзіла, бо ведала, што верны Той, Хто абяцаў. |
11:12 См.: 🔗Быт. 15:5 🔗Быт. 22:17 | А таму ад аднаго, і прытым амярцве́лага, нарадзілася так многа, як зорак на небе і як пяску незлічонага на беразе мора. |
11:13 См.: 🔗Быт. 23:4 🔗Быт. 47:9 | Усе яны памерлі ў веры, не атрымаўшы абяцанага, а толькі здалёк бачылі яго, і віта́лі, і казалі пра сябе, што яны чужынцы і вандроўнікі на зямлі; |
11:14 | бо тыя, хто так гаворыць, ясна паказваюць, што шукаюць бацькаўшчыну. |
11:15 | І калі б яны мелі ў думках тую, з якой выйшлі, то ў іх была б магчымасць вярнуцца; |
11:16 См.: 🔗Исх. 3:15 🔗Мф. 22:32 | але цяпер яны імкнуцца да лепшага, гэта значыць, да нябеснага; таму і Бог не саромеецца іх, называючы Сябе іх Богам: бо Ён падрыхтаваў ім горад. |
11:17 См.: 🔗Быт. 22:9 | Вераю Аўраам, праходзячы выпрабава́нне, прынёс у ахвяру Ісаака, і прыносіў адзінароднага ён, які атрыма́ў абетава́нні |
11:18 См.: 🔗Быт. 21:12 🔗Рым. 9:7 | і якому было́ ска́зана: “у Ісааку будзе назва́на тваё патомства”; |
11:19 | бо ён думаў, што Бог мае сілу і з мёртвых уваскраша́ць, таму і атрымаў яго як вобраз уваскрасе́ння. |
11:20 См.: 🔗Быт. 27:27 | Вераю ў будучыню Ісаак благаславіў Іакава і Ісава. |
11:21 См.: 🔗Быт. 47:31 🔗Быт. 48:14 | Вераю Іакаў, паміра́ючы, благаславіў кожнага з сыноў Іосіфа і пакланіўся, абапіра́ючыся на верх жазла́ свайго. |
11:22 См.: 🔗Быт. 50:24 | Вераю Іосіф пры сконе нагада́ў пра выхад сыноў Ізраілевых і даў наказ наконт касце́й сваіх. |
11:23 См.: 🔗Исх. 2:2 🔗Дзеян. 7:20 | Вераю Маісей пасля нараджэння быў хава́ны тры месяцы бацька́мі сваімі; бо яны бачылі, што дзіця́ прыгожае, і не пабая́ліся царскага загаду. |
11:24 См.: 🔗Исх. 2:11 | Вераю Маісей, стаўшы дарослым, адмовіўся называцца сы́нам дачкі фараонавай, |
11:25 | і пажада́ў лепш пакутаваць з народам Божым, чым мець часовае грахоўнае задавальне́нне, |
11:26 | і палічыў, што цярпець знявагі дзеля Хрыста — бо́льшае багацце, чым егіпецкія скарбы; бо ён глядзеў на будучую ўзнагароду. |
11:27 См.: 🔗Исх. 10:29 🔗Исх. 13:17 | Вераю пакінуў ён Егіпет, не пабаяўшыся гневу царскага; бо ён, бы́ццам бачачы Нябачнага, быў цвёрдым. |
11:28 См.: 🔗Исх. 12:3 | Вераю здзейсніў ён пасху і акрапленне крывёю, каб вынішчальнік першынцаў не крануў іх. |
11:29 См.: 🔗Исх. 14:21 | Вераю перайшлі яны Чырвонае мора, як па сушы, што паспрабавалі зрабіць Егіпцяне — і патанулі. |
11:30 См.: 🔗Нав. 6:19 | Вераю рухнулі сцены Іерыхонскія пасля сямідзённага абходу вакол іх. |
11:31 См.: 🔗Нав. 2:1 🔗Нав. 6:24 | Вераю Рааў – блудніца, з мірам прыняўшы выведнікаў (і правёўшы іх іншай дарогаю), не загінула з нявернымі. |
11:32 | І што яшчэ скажу? Не хопіць мне часу, каб расказваць пра Гедэона, Варака і Самсона, пра Іефая, Давіда і Самуіла, і іншых прарокаў, |
11:33 См.: 🔗Дан. 6:22 | якія вераю скара́лі царствы, вяршы́лі справядлівасць, атры́млівалі абяцанае, закрыва́лі пашчы львам, |
11:34 | гасíлі сілу агню, пазбяга́лі вастрыя́ мяча, станавіліся дужымі пасля немачы, былі моцнымі на вайне, праганялі войскі чужы́нцаў; |
11:35 См.: 🔗3Цар. 17:22 🔗4Цар. 4:36 | жанчыны атры́млівалі паме́рлых сваіх уваскрэ́слымі; а іншыя заму́чаны былí, адмовіўшыся ад вызвале́ння, каб дасягну́ць уваскрасе́ння ў лепшае жыццё; |
11:36 | іншыя перане́слі здзекі і пабоі, а таксама зняво́ленне і цямнíцу, |
11:37 | былі пабіты камянямі, былі перапілава́ны, катава́ны, паміралі, забітыя мячом, блука́лі ў авечых і казіных скурах, цярпелі няста́чы, уціск, злобу; |
11:38 См.: 🔗1Цар. 22:1 🔗3Цар. 17:3 | тыя, каго не варты быў увесь свет, блука́лі па пусты́нях, і гарах, і пячорах, і цяснíнах зямных. |
11:39 См.: 🔗Лк. 10:24 | І ўсе яны, хоць і заслужы́лі пахвалу́ за веру, не атрыма́лі абяца́нага, |
11:40 | таму што Бог прадугле́дзеў для нас нешта лепшае, каб яны не без нас дасягну́лі даскана́ласці. |