Да Карынфян 1-е Пасланне святога Апостала Паўла, глава 1

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 1
1:1 См.: 🔗Дзеян. 18:17 🔗Рым. 1:1	Павел, воляю Божаю паклíканы Апостал Іісуса Хрыста, і Сасфе́н брат, —
1:2 См.: 🔗Iн. 17:19 🔗Дзеян. 15:9 🔗1Фес. 4:7 🔗2Цім. 2:19	Царкве Божай, якая ў Карынфе, асвячоным у Хрысце Іісусе, пакліканым святым, з усімі, хто прызывае імя́ Госпада нашага Іісуса Хрыста ў кожным месцы, у іх і ў нас:
1:3 См.: 🔗1Пят. 1:2	благадаць вам і мір ад Бога Айца нашага і Госпада Іісуса Хрыста.
1:4 См.: 🔗2Фес. 1:3	Дзякую заўсёды Богу майму за вас, за благадаць Божую, дадзеную вам ў Хрысце Іісусе,
1:5 См.: 🔗Кал. 1:9	таму што ў Ім вы ўзбагаціліся ўсім, усякім словам і ўсякім пазнаннем,
1:6 См.: 🔗1Кар. 2:2	паколькі сведчанне Хрыстова ўмацавалася ў вас,
1:7 См.: 🔗1Кар. 12:11 🔗Флп. 3:20 🔗Ціт. 2:13	так што вы не маеце нястачы ні ў якім дары, чакаючы адкравення Госпада нашага Іісуса Хрыста,
1:8 См.: 🔗1Фес. 3:13	Які і ўмацуе вас да канца, каб вы былí беззаганнымі ў дзень Госпада нашага Іісуса Хрыста.
1:9 См.: 🔗1Фес. 5:24	Верны Бог, Якім вы пакліканы да супольнасці з Сынам Яго Іісусам Хрыстом, Госпадам нашым.
1:10 См.: 🔗Рым. 15:5 🔗Флп. 2:2	Малю́ вас, браты, імем Госпада нашага Іісуса Хрыста, каб усе вы гаварылі адно і не было паміж вамі падзе́лаў, але каб вы былі злучаны адным разуменнем і адною думкаю.
1:11	Бо ад дамашніх Хлоі стала мне вядома пра вас, браты мае́, што паміж вамі ёсць
1:12 См.: 🔗Дзеян. 18:24	Кажу я так, бо кожны з вас гаворыць: я Паўлаў; а я Апалосаў; а я Кіфаў; а я Хрыстоў.
1:13 См.: 🔗Эф. 4:5	Няўжо раздзяліўся Хрыстос? хіба́ Павел быў распя́ты за вас? ці ў імя Паўла вы хрысціліся?
1:14 См.: 🔗Дзеян. 18:8	Дзякую Богу, што я нікога з вас не хрысціў, акрамя Крыспа і Гаія,
1:15	каб хто не сказаў, што я хрысціў у сваё імя́.
1:16	Хрысціў я таксама дом Сцяфанаў; а больш не ведаю, ці хрысціў каго іншага.
1:17 См.: 🔗2Пят. 1:16 🔗1Кар. 2:13	Бо Хрыстос мяне паслаў не хрысцíць, а дабраве́сціць, і то не ў мудрасці слова, каб не зрабіць марным крыж Хрыстоў.
1:18 См.: 🔗Дзеян. 17:18 🔗Рым. 1:16	Бо слова пра крыж для тых, якія гінуць, — гэта неразумнасць, а для нас, якія спасаемся, — сіла Божая.
1:19 См.: 🔗Ис. 29:14	Бо напісана: “загублю мудрасць мудрацоў, і розум разумных адкіну”.
1:20 См.: 🔗Ис. 33:18 🔗Ис. 44:25	Дзе мудрэц? дзе кніжнік? дзе знаўца веку гэтага́ Ці не ператварыў Бог мудрасць свету гэтага ў неразумнасць?
1:21 См.: 🔗Мф. 11:25	Паколькі ж свет сваёю мудрасцю не пазнаў Бога ў прамудрасці Божай, то пажадаў Бог праз “неразумнасць” пропаведзі спасці веруючых.
1:22 См.: 🔗Мф. 12:38 🔗Мф. 16:1	Бо і Іудзеі патрабуюць цудаў, і Эліны шукаюць мудрасці;
1:23 См.: 🔗Ис. 8:14 🔗Дзеян. 17:18 🔗Рым. 9:32	а мы прапаведуем Хрыста распятага: для Іудзеяў спакусу, для Элінаў неразумнасць,
1:24 См.: 🔗Рым. 1:16 🔗Кал. 2:3	для саміх жа пакліканых — як Іудзеяў, так і Элінаў — Хрыста, Божую сілу і Божую прамудрасць;
1:25	таму што “неразумнае” Божае мудрэйшае за людзей і “слабае” Божае мацнейшае за людзей.
1:26 См.: 🔗Iн. 7:48 🔗Іак. 2:5	Паглядзіце ж, браты, хто вы, паклíканыя: не многа сярод вас мудрых па плоці, не многа магутных, не многа высакародных;
1:27 См.: 🔗2Кар. 10:5	але Бог вы́браў неразумнае свету, каб пасароміць мудрых, і слабае свету выбраў Бог, каб пасароміць моцнае;
1:28	і бязроднае свету, і прыніжанае, і нязначнае выбраў Бог, каб пазбавіць сілы значнае, —
1:29 См.: 🔗Рым. 3:27 🔗Эф. 2:9	каб ніякая плоць не хвалілася перад Богам.
1:30 См.: 🔗Иер. 23:5 🔗Iн. 17:19 🔗1Пят. 1:18 🔗Кал. 2:3	Ад Яго ж і вы ў Хрысце Іісусе, Які стаў прамудрасцю для нас ад Бога, і праведнасцю, і асвячэннем, і адкупленнем,
1:31 См.: 🔗Иер. 9:24 🔗2Кар. 10:17	каб было, як напісана: “хто хва́ліцца, няхай Госпадам хва́ліцца”.