Святое Дабравесце паводле Iаана, глава 15

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 15
15:1	Я — сапраўдная вiнаградная Лаза, а Айцец Мой — Вiнаградар;
15:2 См.: 🔗Мф. 15:13 🔗Гал. 5:22	усякую галiну на Мне, якая не прыносіць плоду, Ён адсякае; i ўсякую, што прыносіць плод, ачышчае, каб большы плод прыносіла.
15:3 См.: 🔗Iн. 13:10 🔗1Iн. 2:7	Вы ўжо ачышчаны праз слова, якое Я гаварыў вам.
15:4	Будзьце ўва Мне, i Я ў вас. Як галiна не можа прыносіць плоду сама па сабе, калi не будзе на лазе, так i вы, калi ўва Мне не будзеце.
15:5 См.: 🔗Дзеян. 4:12	Я — вінаградная Лаза, вы — галiны; хто знаходзіцца ўва Мне, а Я ў iм, той прыносiць многа плоду, бо без Мяне не можаце рабiць нiчога;
15:6 См.: 🔗Иез. 15:4 🔗Мф. 3:10 🔗Мф. 7:19	хто не будзе ўва Мне, той будзе выкiнуты вон, як галiна, i засохне; і збiраюць іх, i кiдаюць у агонь, i яны згараюць;
15:7 См.: 🔗Iн. 14:13 🔗Iн. 16:23 🔗1Iн. 3:22	калi будзеце ўва Мне i словы Мае ў вас будуць, тады чаго хочаце прасіце, i будзе вам;
15:8	тым праславiцца Айцец Мой, калi вы многа плоду прынесяце i будзеце Маiмi вучнямi.
15:9	Як узлюбiў Мяне Айцец, так і Я ўзлюбiў вас; будзьце ў любовi Маёй;
15:10	калi вы запаведзi Мае выканаеце, то будзеце ў любовi Маёй, як i Я запаведзі Айца Майго выканаў i знаходжуся ў Яго любовi;
15:11	гэта сказаў Я вам, каб радасць Мая ў вас была i каб радасць ваша была поўная;
15:12 См.: 🔗Iн. 13:34 🔗1Iн. 3:11 🔗1Iн. 4:21 🔗Эф. 5:2 🔗1Фес. 4:9	вось запаведзь Мая: каб вы любілі адзін аднаго, як Я ўзлюбіў вас;
15:13	большай любові ні ў кога няма, як тая, калi хто душу сваю паложыць за сяброў сваiх.
15:14	Вы сябры Мае, калi робіце тое, што Я запаведую вам;
15:15 См.: 🔗Эф. 1:9 🔗Эф. 3:5	Я ўжо не называю вас рабамі, бо раб не ведае, што робiць гаспадар яго; а Я назваў вас сябрамі, бо ўсё, што чуў ад Айца Майго, Я паведаў вам;
15:16 См.: 🔗Мк. 16:15	не вы Мяне выбралi, а Я вас выбраў i паставiў вас, каб вы iшлi i плод прыносiлi, i плод ваш заставаўся; каб, чаго ні папросiце ў Айца ў iмя Маё, Ён даў вам.
15:17	Гэта запаведую вам: каб любілі адзiн аднаго;
15:18 См.: 🔗1Iн. 3:13	калi свет вас ненавiдзiць, ведайце, што Мяне ён перш чым вас узненавiдзеў;
15:19	калi б вы ад свету былi, то свет любiў бы сваё; але паколькі вы не ад свету, а Я выбраў вас ад свету, таму ненавiдзiць вас свет.
15:20 См.: 🔗Мф. 10:24 🔗Мф. 24:9 🔗Мк. 13:9 🔗Лк. 21:12 🔗Iн. 13:16	Памятайце слова, якое Я сказаў вам: раб не большы за гаспадара свайго; калi Мяне гналі, і вас будуць гнаць; калi Маё слова выконвалі, i ваша будуць выконваць;
15:21 См.: 🔗Iн. 16:3	але ўсё гэта будуць рабіць вам за iмя Маё, бо не ведаюць Таго, Хто паслаў Мяне;
15:22	калi б Я не прыйшоў i не гаварыў iм, то не мелi б граху; а цяпер не маюць апраўдання за грэх свой;
15:23	хто ненавідзіць Мяне, той і Айца Майго ненавідзіць;
15:24	калі б Я сярод іх не зрабіў спраў, якіх ніхто іншы не рабіў, то граху не мелi б яны; цяпер жа i бачылi, i ўзненавiдзелi Мяне i Айца Майго;
15:25 См.: 🔗Пс. 68:5 🔗Пс. 34:19	але няхай збудзецца слова, напiсанае ў законе iх: «узненавiдзелi Мяне без прычыны».
15:26 См.: 🔗Лк. 24:49 🔗Iн. 14:26	Калi ж прыйдзе Уцяшыцель, Якога Я пашлю вам ад Айца, Дух Ісціны, Якi ад Айца зыходзiць, Ён будзе сведчыць пра Мяне,
15:27 См.: 🔗Дзеян. 1:8 🔗Дзеян. 2:32 🔗1Пят. 5:1	і вы сведчыце, таму што вы ад пачатку са Мною.