Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 16 | |
16:1 | Прадстаўляю вам Фіву, сястру нашу, дыяканісу Царквы Кенхрэйскай, |
16:2 | каб вы прынялí яе дзеля Госпада, як належыць святым, і дапамаглі ёй ва ўсякай справе, калі яна будзе мець патрэбу ў вас, бо і яна была памочніцаю многім і мне самому. |
16:3 См.: 🔗Дзеян. 18:2 | Віта́йце Прыскілу і Акілу, сурабо́тнікаў маіх у Хрысце Іісусе, |
16:4 См.: 🔗Мф. 18:20 | якія галовы свае клалі за душу́ маю́, якім не адзін я ўдзячны, але і ўсе Цэрквы з язычнікаў, вітайце і дамашнюю іх Царкву. |
16:5 | Вітайце ўзлю́бленага майго Эпенета, які стаў пе́ршынцам Ахаіі для Хрыста. |
16:6 | Вітайце Марыям, якая шмат працавала для нас. |
16:7 | Вітайце Андранíка і Ю́нію — сваякоў маіх, якія былí вязнямі разам са мною, яны добра вядомы сярод Апосталаў і яшчэ раней за мяне ўверавалі ў Хрыста. |
16:8 | Вітайце Амплíя, узлю́бленага майго ў Госпадзе. |
16:9 | Вітайце Урва́на, сурабо́тніка нашага ў Хрысце, і Стахíя, узлю́бленага майго. |
16:10 | Вітайце Апе́лія, вы́прабаванага ў Хрысце. Вітайце веруючых з дому Арыставу́ла. |
16:11 | Вітайце Ірадыёна, сваяка майго. Вітайце дамашніх Наркíса, якія ў Госпадзе. |
16:12 | Вітайце Трыфе́ну і Трыфо́су, што працуюць дзеля Госпада. Вітайце Персíду ўзлюбленую, якая шмат працавала дзеля Госпада. |
16:13 | Вітайце Руфа, абранага ў Госпадзе, і маці яго і маю́. |
16:14 | Вітайце Асінкры́та, Фле́ганта, Е́рма, Патро́ва, Ермíя і іншых з імі братоў. |
16:15 | Вітайце Філало́га і Ю́лію, Нірэ́я і сястру яго, і Алімпа́на, і ўсіх з імі святых. |
16:16 | Вітайце адзін аднаго святым пацалункам. Вітаюць вас усе Цэрквы Хрыстовы. |
16:17 | Сцеражы́цеся тых, што разлады і спакусы учыняюць, насуперак вучэнню, якое вы спазналі, і ўхіляйцеся ад іх; |
16:18 См.: 🔗Флп. 3:18 | бо яны служаць не Госпаду нашаму Іісусу Хрысту, а свайму чэраву, ды красамоўствам і салодкімі словамі падманваюць сэрцы прастадушных. |
16:19 | Ваша паслушэнства веры ўсім вядома; таму я радуюся за вас, але жадаю, каб вы былі му́дрымі на дабро і бясхітраснымі на зло. |
16:20 См.: 🔗Отк. 12:10 | А Бог міру звергне сатану пад ногі вашы неўзабаве. Благадаць Госпада нашага Іісуса Хрыста з вамі! Амінь. |
16:21 См.: 🔗Дзеян. 16:1 🔗Флп. 2:19 | Вітаюць вас Цімафей, сурабо́тнік мой, і Лукíй, і Іа́сан, і Сасіпа́тр, сваякі мае́. |
16:22 | Вітаю вас у Госпадзе і я, Тэ́рцый, які запісаў гэтае пасланне. |
16:23 | Вітае вас Га́ій, гасцінны да мяне і да ўсёй Царквы. Вітае вас Эра́ст, гарадскі скарбнік, і брат Ква́рт. |
16:24 | Благадаць Госпада нашага Іісуса Хрыста з усімі вамі! Амінь. |