Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 4 | |
4:1 См.: 🔗Флп. 1:27 | Нарэшце, браты, просім вас і молім Госпадам Іісусам, каб вы, пераня́ўшы ад нас тое як нале́жыць вам жыць і дагаджа́ць Богу, — што вы і робіце, — у гэтым яшчэ больш удаскана́льваліся, |
4:2 | вы ж ведаеце, якія наказы мы далі вам ад Госпада Іісуса. |
4:3 См.: 🔗Рым. 6:22 🔗Рым. 12:2 | Бо воля Божая — асвячэ́нне ваша, каб вы ўстрымліваліся ад распусты; |
4:4 См.: 🔗1Кар. 6:18 | каб ведаў кожны з вас, як захоўваць свой сасуд у святасці і годнасці, |
4:5 | а не ў запа́ле пажа́длівасці, падобна язы́чнікам, якія не ведаюць Бога; |
4:6 См.: 🔗1Цім. 6:10 | каб вы не парушалі закону і не падма́нвалі ў гэтым брата свайго, бо кара́е Гасподзь за ўсё гэта, як і казалі мы вам раней і сведчылі. |
4:7 См.: 🔗1Кар. 1:2 🔗Эф. 1:4 | Таму што паклікаў нас Бог не да нечыстаты́, а да святасці. |
4:8 См.: 🔗Лк. 10:16 🔗1Кар. 2:10 | Дык вось, хто не прызнае́ гэтага, той не чалавека не прызнае́, а Бога, Які і даў нам Духа Свайго Святога. |
4:9 | Пра браталюбства ж няма патрэбы пісаць вам, таму што вы самі наву́чаны Богам любíць адно аднаго; |
4:10 | бо вы так і ста́віцеся да усіх братоў ва ўсёй Македоніі. Закліка́ем жа вас, браты, яшчэ больш удаскана́львацца |
4:11 См.: 🔗Эф. 4:28 🔗2Фес. 3:10 | і намага́цца жыць спакойна, рабіць сваю справу і працаваць сваімі рукамі, як мы наказвалі вам; |
4:12 См.: 🔗Рым. 13:13 | каб вы паводзілі сябе добрапрысто́йна перад зне́шнімі і ні ў чым не мелі нястачы. |
4:13 | Не хачу ж, браты, пакінуць вас у няве́данні пра паме́рлых, каб вы не смуткава́лі, як іншыя, якія не маюць надзеі. |
4:14 См.: 🔗1Кар. 15:20 | Бо калі мы веруем, што Іісус памёр і ўваскрэс, то і памерлых у Іісусе Бог прывядзе з Ім. |
4:15 См.: 🔗1Кар. 15:51 | Бо гэта кажам вам словам Гасподнім, што мы, жывыя, якія засталіся да прышэ́сця Гасподняга, не апярэ́дзім памерлых, |
4:16 См.: 🔗Мф. 24:31 🔗2Фес. 1:7 | таму што Сам Гасподзь пры за́кліку, пры голасе Архангела і гу́ку трубы́ Божай, сы́дзе з неба, і мёртвыя ў Хрысце ўваскрэснуць першымі; |
4:17 См.: 🔗Iн. 14:3 🔗Iн. 17:24 | потым мы, хто застане́цца жывы, разам з імі ўзяты будзем на воблакі на сустрэчу Госпада ў паветры, і так заўсёды з Госпадам будзем. |
4:18 | Дык вось, суцяша́йце адно аднаго гэтымі словамі. |