Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 11 | |
11:1 | nbsp; Дык я кажу́: хіба́ адмо́віўся Бог ад народа Свайго? — Ні ў якім разе. Бо і я Ізраільця́нін, з се́мені Аўраа́мавага, з кале́на Веніамінавага. |
11:2 | Не адмо́віўся Бог ад народа Свайго, які Ён наперад знаў. Ці ж вы не ве́даеце, што́ гаворыць Пісанне пра Ілію́ як ён скардзіцца Богу на Ізраіль, кажучы: |
11:3 См.: 🔗3Цар. 19:14 | “Госпадзі! прарокаў Тваіх пазабівалі, ахвярнікі Твае паразбуралі; я застаўся адзін, і шукаюць душу́ маю́”. |
11:4 См.: 🔗3Цар. 19:18 | Што ж гаворыць яму Божы адказ? — “Я пакінуў Сабе сем тысяч чалавек, якія не схілілі каленяў перад Ваалам”. |
11:5 | Так і ў цяперашні час, паводле абрання благадаці, захаваўся астатак. |
11:6 | А калі паводле благадаці, то не паводле спраў; інакш благадаць не была б ужо благадаццю. Калі ж паводле спраў, то гэта ўжо не благадаць; інакш справа — гэта ўжо не справа. |
11:7 | Дык што ж? Ізраіль чаго шукаў, таго не атрымаў; абраныя ж атрымалі, а астатнія зрабіліся бясчу́лымі, |
11:8 | як напíсана: “Бог даў ім дух здранцве́ласці, вочы, якімі не бачаць, і вушы, якімі не чуюць, аж па сённяшні дзень”. |
11:9 | І Давід кажа: “няхай будзе трапе́за іх па́сткаю, і сіло́м, і капка́нам, і адпла́таю ім; |
11:10 См.: 🔗Пс. 68:23 | няхай зацьмя́цца вочы іх, каб не бачылі, і спіна іх няхай сагне́цца назаўжды́”. |
11:11 См.: 🔗Дзеян. 13:47 🔗Рым. 10:19 | Дык я пытаюся: няўжо яны спатыкнуліся, каб зусім упасці? — Ні ў якім разе. Але ад іх падзення — спасенне язычнікам, каб абудзіць у іх раўнівасць. |
11:12 | Калі ж іх падзенне — багацце для свету, і іх заняпа́д — багацце для язычнікаў, дык наколькі ж большая паўната іх! |
11:13 | Вам кажу, язычнікам: будучы Апосталам язычнікаў, я праслаўляю служэнне маё; |
11:14 См.: 🔗1Кар. 9:22 | можа не́як абуджу́ я раўнівасць у суродзічах маіх і спасу некаторых з іх? |
11:15 См.: 🔗2Кар. 5:19 | Бо калі адвяржэнне іх — прымірэнне свету, дык чым будзе прыняцце, калі не жыццём з мёртвых? |
11:16 | Калі рошчына святая, такое ж і цеста; і калі корань святы, такія ж і галіны. |
11:17 См.: 🔗Иер. 11:16 🔗Эф. 2:12 | Калі ж некаторыя з галін адламаліся, а ты, будучы дзікай аліваю, быў прышчэплены замест іх і стаў супольнікам кораня і соку алівы, |
11:18 См.: 🔗Ис. 66:2 🔗Рым. 12:16 | то не ганарыся перад галінамі; а калі ганарышся, дык па́мятай, што не ты корань трымаеш, а корань — цябе. |
11:19 | Ты скажаш: галіны адламаліся, каб мне быць прышчэпленым. |
11:20 | Добра. Яны адламаліся з – за нявер’я, а ты трымаешся вераю: не ганарыся, а бойся. |
11:21 | Бо калі Бог не пашкадаваў прыродных галін, то можа і цябе не пашкадаваць. |
11:22 См.: 🔗Iн. 15:2 | Дык убач добрасць і строгасць Божую: строгасць да тых, якія адпа́лі, а добрасць Божую да цябе, калі застане́шся ў Яго добрасці; інакш і ты будзеш адсе́чаны. |
11:23 | Але і тыя, калі не застану́цца ў нявер’і, будуць прышчэ́плены, таму што Бог ма́е сілу зноў прышчапіць іх. |
11:24 | Бо калі ты быў адсе́чаны ад дзікай па прыродзе алівы і, насуперак прыродзе, прышчэплены да добрай алівы, дык тым больш гэтыя прыродныя будуць прышчэплены да сваёй алівы. |
11:25 См.: 🔗Лк. 21:24 | Не хачу я, браты, пакінуць вас у няведанні пра тайну гэтую, каб вы не лічылі самі сябе мудрымі: ажарсцвенне сталася з часткаю Ізраіля да таго, пакуль не ўвойдзе паўната язычнікаў, |
11:26 | і тады ўвесь Ізраіль спасёны будзе, як напíсана: “прыйдзе з Сіёна Збавіцель і адверне бязбожнасць ад Іакава; |
11:27 | і гэта ім ад Мяне запавет, калі здыму грахі іх”. |
11:28 | Адносна дабравесця — яны ворагі Богу дзеля вас, але адносна абра́ння — яны ўзлюбленыя Богам дзеля айцоў. |
11:29 См.: 🔗Чис. 23:19 | Бо дары́ і паклíканне Божае неадме́нныя. |
11:30 См.: 🔗Ціт. 3:5 | Бо як і вы калісьці былí непаслухмянымі Богу, а цяпер памілаваны праз іх непаслухмянасць, |
11:31 | так і яны цяпер непаслухмяныя дзеля вашага памілавання, каб і самім ім быць памíлаванымі. |
11:32 См.: 🔗Рым. 3:9 🔗Гал. 3:22 | Бо ўсіх замкнуў Бог у непаслухмянасць, каб усіх памілаваць. |
11:33 См.: 🔗Иов. 9:10 🔗Иов. 36:23 | О, бяздонне багацця, і прамудрасці, і ведання Божага! Якія неспасціжныя суды́ Яго і нязве́даныя шляхí Яго! |
11:34 | Бо хто спазна́ў розум Гасподні? Альбо хто быў дара́дцам Яго? |
11:35 См.: 🔗Иов. 35:7 | Альбо хто папярэдне даў Яму, каб атрымаць адпла́ту? |
11:36 | Таму што ўсё — з Яго, і праз Яго, і дзеля Яго. Яму і слава на ве́кі. Амінь. |