Да Рымлян Пасланне святога Апостала Паўла, глава 12

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 12
12:1 См.: 🔗1Кар. 3:17	nbsp; Дык я прашу вас, браты, міласэрнасцю Божаю аддаць целы вашы ў ахвяру жывую, святую, угодную Богу, на разумнае служэнне ваша;
12:2 См.: 🔗Эф. 1:18 🔗Эф. 5:10	і не прыстасоўвайцеся да веку гэтага, а пераўтвара́йцеся абнаўле́ннем розуму вашага, каб распазнава́ць вам, у чым воля Божая добрая, і ўгодная, і дасканалая.
12:3 См.: 🔗Эф. 4:7	Па благадаці, да́дзенай мне, кажу кожнаму з вас: не думайце пра сябе вышэй, чым нале́жыць думаць, а, думайце са сціпласцю, у адпаведнасці з тою мераю веры, якую кожнаму вызначыў Бог.
12:4 См.: 🔗1Кар. 12:12	Бо, як у адным целе ў нас многа членаў, але не ўсе члены выконваюць аднолькавае дзе́янне,
12:5	так і мы многія — адно цела ў Хрысце, а паасобку адзін для аднаго — члены.
12:6 См.: 🔗Мф. 25:15 🔗1Пят. 4:10 🔗1Кар. 12:4	І паколькі па благадаці, да́дзенай нам, мы маем розныя дары, то калі маеш прароцтва, дык прароч згодна з вераю;
12:7	калі маеш служэнне, дык будзь у служэнні; калі навучаеш — дык у навучанні;
12:8 См.: 🔗Мф. 6:2	калі суцяшаеш — дык у суцяшэнні; калі даеш — дык шчыра; калі начальствуеш — дык дбайна; калі мíлуеш — дык з радасцю.
12:9 См.: 🔗Пс. 96:10 🔗Ам. 5:15	Любоў няхай будзе некрываду́шнаю; ухіля́йцеся ад зла, імкніцеся да дабра;
12:10 См.: 🔗1Пят. 2:17 🔗Эф. 4:2	любíце адзін аднаго братняю любоўю; пашанаю адзін аднаго апярэ́джвайце;
12:11	у руплівасці не спыняйцеся; духам палымнейце; Госпаду служы́це;
12:12 См.: 🔗Лк. 18:1	у надзеі радуйцеся; у прыгнечанасці будзьце стойкімі; у малітве — пастаяннымі;
12:13 См.: 🔗1Кар. 16:1 🔗Яўр. 13:2	дапамагайце святым у іх патрэбах; пра гасціннасць дбайце;
12:14 См.: 🔗Мф. 5:44	благаслаўляйце ганіцеляў вашых; благаслаўляйце, а не праклінайце.
12:15 См.: 🔗1Кар. 12:26	Радуйцеся з тымі, хто радуецца, і плачце з тымі, хто плача.
12:16 См.: 🔗Прит. 3:7 🔗Ис. 5:21 🔗Iн. 17:11	Будзьце аднадумнымі паміж сабою; не ўзносьце сябе ў думках, а імкніцеся за пакорлівымі; не лічы́це самі сябе мудрымі;
12:17 См.: 🔗Прит. 20:22 🔗2Кар. 8:21	нікому не плацíце злом за зло, а клапаціцеся пра дабро для ўсіх людзей.
12:18 См.: 🔗Яўр. 12:14	nbsp; Калі магчыма, наколькі гэта ад вас залежыць, з усімі людзьмі будзьце ў міры.
12:19 См.: 🔗Втор. 32:35 🔗Мф. 5:39 🔗Лк. 6:28 🔗1Кар. 6:7	Не помсціце за сябе, узлю́бленыя, а дайце месца гневу Божаму. Бо напíсана: “Мая помста, Я адплачу́, — кажа Гасподзь”.
12:20 См.: 🔗Прит. 25:21	Дык вось, калі вораг твой галодны, накармі яго; калі сма́гне, напаí яго; бо, робячы гэта, ты збярэш гара́чае вуголле на галаву яго.
12:21	Не будзь пераможаны злом, а перамагай зло дабром.