Святое Дабравесце паводле Iаана, глава 20

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 20
20:1 См.: 🔗Мф. 28:1 🔗Мк. 16:1 🔗Лк. 24:1	А ў першы дзень тыдня Марыя Магдалiна прыходзiць рана, калі было яшчэ цёмна, да магiлы i бачыць, што камень адвалены ад магiлы;
20:2	тады бяжыць яна i прыходзiць да Сімана Пятра i да другога вучня, якога любiў Іісус, i кажа iм: узялi Госпада з магiлы, i не ведаем, дзе паклалi Яго.
20:3	Выйшаў тады Пётр i другi вучань, i пайшлi да магiлы;
20:4	яны беглi абодва разам, але другi вучань бег хутчэй за Пятра i прыйшоў першым да магiлы,
20:5	i, нахiлiўшыся, бачыць, што ляжаць палотны; аднак не ўвайшоў.
20:6 См.: 🔗Лк. 24:12	Прыходзiць тады Сіман Пётр услед за iм i ўваходзiць у магiлу, і бачыць, што ляжаць палотны
20:7	i што хуста, якая была на галаве Яго, не з палотнамі ляжыць, а асобна скручаная на іншым месцы.
20:8	Тады ўвайшоў i другi вучань, што першым прыйшоў да магiлы, i ўбачыў ён, i ўвераваў;
20:9 См.: 🔗Пс. 15:10 🔗Ис. 53:11 🔗Ион. 2:1	бо яны яшчэ не ведалi з Пiсання, што належыць Яму з мёртвых уваскрэснуць.
20:10	Тады пайшлi вучнi зноў да сябе.
20:11 См.: 🔗Мф. 28:1 🔗Мк. 16:5	Марыя ж стаяла звонку каля магiлы, плачучы; i калі плакала, яна нахілілася да магiлы
20:12	і бачыць двух Ангелаў у белым адзеннi, якія сядзяць адзiн у галавах, другi ў нагах, дзе ляжала было Цела Іісусава.
20:13	I яны кажуць ёй: жанчына! чаго ты плачаш? Яна кажа ім: узялi Госпада майго, i не ведаю, дзе палажылi Яго.
20:14 См.: 🔗Мф. 28:9 🔗Мк. 16:9	Сказаўшы гэта, яна абярнулася назад i ўбачыла, што стаiць Іісус, але не пазнала, што гэта Іісус.
20:15	Кажа ёй Іісус: жанчына! чаго ты плачаш? каго шукаеш? Яна, думаючы, што гэта садоўнiк, кажа Яму: гаспадар! калi ты ўзяў Яго, скажы мне, дзе ты паклаў Яго, i я вазьму Яго.
20:16	Кажа ёй Іісус: Марыя! Яна, абярнуўшыся, кажа Яму: Раввуні! (што значыць: Вучыцель!).
20:17 См.: 🔗Пс. 21:23 🔗Мф. 28:10 🔗Рым. 8:29 🔗Яўр. 2:11	Кажа ёй Іісус: не дакранайся да Мяне, бо Я яшчэ не ўзышоў да Айца Майго, але ідзi да братоў Маiх i скажы iм: узыходжу да Айца Майго i Айца вашага, i Бога Майго i Бога вашага.
20:18	Прыходзіць Марыя Магдалiна і абвяшчае вучням, што бачыла Госпада i што Ён гэта сказаў ёй.
20:19 См.: 🔗Мк. 16:14 🔗Лк. 24:36 🔗Дзеян. 13:31 🔗1Кар. 15:5	I ўвечары таго ж першага дня тыдня, калi дзверы там, дзе сабраліся вучнi, былi замкнёныя з – за страху перад Іудзеямі, прыйшоў Іісус i стаў пасярэдзiне, i кажа iм: мiр вам!
20:20 См.: 🔗Iн. 16:22	I, сказаўшы гэта, паказаў iм рукi і бок Свой. І ўзрадавалiся вучнi, убачыўшы Госпада.
20:21 См.: 🔗Iн. 17:18	Іісус жа зноў сказаў iм: мiр вам! як паслаў Мяне Айцец, так i Я пасылаю вас.
20:22	Сказаўшы гэта, дзьмухнуў i кажа iм: прымiце Духа Святога;
20:23 См.: 🔗Мф. 16:19 🔗Мф. 18:18	каму адпусцiце грахi, таму будуць адпушчаны; на кiм пакiнеце, на тым застануцца.
20:24	А Фама, адзiн з дванаццаці, называны Блiзнюк, не быў з iмi, калi прыходзiў Іісус;
20:25 См.: 🔗Iн. 19:34	казалi яму іншыя вучнi: мы бачылi Госпада. Але ён сказаў iм: калi не ўбачу на руках Яго ран ад цвікоў i не ўкладу пальца майго ў раны ад цвікоў, i не ўкладу рукi маёй у бок Яго, не паверу.
20:26	I праз восем дзён зноў былі ў доме вучнi Яго i Фама з iмi. Прыходзіць Іісус, калі дзверы былі замкнёныя; стаў пасярэдзiне i сказаў: мiр вам!
20:27	Потым кажа Фаме: дай палец твой сюды i паглядзi на рукi Мае; і дай руку тваю i ўкладзі ў бок Мой; i не будзь няверуючым, а будзь веруючым.
20:28	У адказ Фама сказаў Яму: Гасподзь мой i Бог мой!
20:29 См.: 🔗1Пят. 1:8 🔗2Кар. 5:7	Кажа яму Іісус: ты ўвераваў, таму што ўбачыў Мяне; блажэнныя тыя, якія не бачылі і ўверавалі.
20:30 См.: 🔗Iн. 21:25	Многа яшчэ зрабiў Іісус перад вучнямi Сваiмi і іншых цудаў, пра якiя не напiсана ў кнiзе гэтай;
20:31 См.: 🔗Iн. 3:15 🔗Рым. 15:4	а гэта напiсана, каб вы ўверавалі, што Іісус ёсць Хрыстос, Сын Божы, i каб, веруючы, жыццё мелi ў iмя Яго.