Да Рымлян Пасланне святога Апостала Паўла, глава 10

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 10
10:1	nbsp; Браты́! жада́нне майго сэрца і малітва да Бога за Ізраільця́н — каб яны спасліся.
10:2	Бо я све́дчу ім, што яны ма́юць руплíвасць да Бога, аднак не па розуму.
10:3 См.: 🔗Флп. 3:9	Бо, не разуме́ючы Божай пра́веднасці і намага́ючыся сцве́рдзіць сваю пра́веднасць, яны не скары́ліся пра́веднасці Божай;
10:4 См.: 🔗Гал. 3:24	таму што завяршэ́нне закона — Хрыстос, дзеля пра́веднасці кожнага ве́руючага.
10:5 См.: 🔗Лев. 18:5 🔗Иез. 20:11 🔗Гал. 3:12	бо Маісей піша аб пра́веднасці, якая паводле закону: “чалавек, які вы́канаў гэта, жывы́ будзе праз гэта”.
10:6 См.: 🔗Втор. 30:12	А пра́веднасць, якая паводле веры, гаво́рыць так: “не кажы́ ў сэ́рцы сваім: хто ўзы́дзе на неба?” — для таго, каб Хрыста́ зве́сці ўніз;
10:7	альбо: “хто сы́дзе ў бе́здань?” — для таго, каб Хрыста́ з мёртвых узве́сці.
10:8 См.: 🔗Втор. 30:14	А што гаво́рыць Піса́нне?е́ — “Блізка да цябе слова, яно ў ву́снах тваіх і ў сэ́рцы тваім”, — гэта значыць сло́ва веры, якое мы прапаве́дуем.
10:9 См.: 🔗Мф. 10:32	Бо калі ву́снамі тваімі ты будзеш вызнава́ць Іісуса Госпадам і ве́раваць сэ́рцам тваім, што Бог уваскрасіў яго з мёртвых, то спасёны будзеш,
10:10	таму што сэ́рцам ве́руюць дзе́ля пра́веднасці, а ву́снамі вызнаю́ць дзе́ля спасе́ння.
10:11 См.: 🔗Ис. 28:16	Бо Пісанне кажа: “кожны, хто веруе ў Яго, не будзе пасаро́млены”.
10:12 См.: 🔗Дзеян. 10:34 🔗Рым. 3:29	Тут няма ро́зніцы паміж Іудзеем і Элінам, таму што адзін Гасподзь для ўсіх, шчо́дры да ўсіх, хто прызыва́е Яго”.
10:13 См.: 🔗Иоил. 2:32 🔗Дзеян. 2:21	Бо “кожны, хто прызаве́ імя́ Гасподняе, спасёны будзе”.
10:14	Але як яны будуць прызыва́ць Таго, у Каго не ўве́равалі? Як будуць ве́раваць у Таго, пра Каго не чулі? Як пачу́юць без прапаве́дніка?
10:15 См.: 🔗Ис. 52:7 🔗Наум. 1:15	І як будуць прапаве́даваць, калі не будуць пасла́ны́ бо напíсана: “якія го́жыя но́гі ў тых, хто дабраве́сціць мір, хто дабраве́сціць добрае!”
10:16 См.: 🔗Ис. 53:1 🔗Iн. 12:38	Але не ўсе паслу́халіся дабраве́сця. Бо кажа Ісаія: “Госпадзі! хто паверыў пачу́таму ад нас?”
10:17	Дык вось, вера — ад пачу́тага, а пачу́тае — ад сло́ва Божага.
10:18 См.: 🔗Пс. 18:5 🔗Мф. 24:14 🔗Мф. 28:19	Але я кажу: хіба́ яны не чулі? Наадварот, “па ўсёй зямлі прайшоў голас іх, і да кра́ю сусве́ту — словы іх”.
10:19 См.: 🔗Втор. 32:21 🔗Рым. 11:11	Яшчэ кажу: хіба́ Ізраіль не ведаў? Першы Маісей гаво́рыць: “Я абуджу́ вашу раўнівасць праз не – народ, праз народ неразумны раздражню́ вас”.
10:20 См.: 🔗Ис. 65:1	А Ісаія смела кажа: “Мяне знайшлі тыя, што не шукалі Мяне, Я адкрыўся тым, што не пыта́ліся пра Мяне”.
10:21 См.: 🔗Ис. 65:2	Пра Ізра́іль жа ён кажа: “цэлы дзень Я праця́гваў ру́кі Мае́ да народа непакорнага і ўпартага”.