Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 2 | |
2:1 См.: 🔗Кал. 3:12 | Дык вось, калі маеце якую апору ў Хрысце, калі маеце якое суцяшэнне любові, калі маеце якую супольнасць духу, калі маеце якую міласэрнасць і спага́ду, |
2:2 См.: 🔗Рым. 15:5 🔗Флп. 3:16 | то зрабіце яшчэ паўнейшай маю́ радасць: трымайцеся адных думак, аднолькавую любоў маючы, будзьце аднадушнымі і аднадумнымі; |
2:3 См.: 🔗Лк. 14:11 🔗Рым. 12:10 | нічога не рабіце з самалюбства ці дзеля марнай славы, а ў пакорамудрасці лíчачы адны другіх вышэйшымі за сябе. |
2:4 См.: 🔗1Кар. 10:24 | Не пра саміх сябе клапаціцеся, але кожны і пра іншых. |
2:5 См.: 🔗Мф. 11:29 | Бо ў вас павінны быць тыя ж думкі, што і ў Хрысце Іісусе: |
2:6 См.: 🔗2Кар. 4:4 🔗Кал. 1:15 | Ён, існуючы ў вобразе Божым, не стаў трымацца за Сваю роўнасць з Богам, |
2:7 | а прынізіў Сябе Самога, прыня́ўшы вобраз раба, зрабіўшыся падобным да людзей і з выгляду стаўшы як чалавек; |
2:8 См.: 🔗Мф. 26:39 🔗Яўр. 2:17 | Ён упакорыў Сябе і быў паслухмяны нават да смерці — і смерці крыжовай. |
2:9 См.: 🔗Мф. 28:18 🔗Яўр. 1:4 | Таму і Бог найбольш узвы́сіў Яго і даў Яму імя́, вышэйшае за ўсякае імя́, |
2:10 | каб перад імем Іісуса схілілася ўсякае калена на небе, і на зямлі, і пад зямлёю |
2:11 См.: 🔗Iн. 13:13 🔗1Кар. 8:6 | і ўсякі язык вы́знаў, што Іісус Хрыстос — Гасподзь, на славу Бога Айца. |
2:12 | Дык вось, узлю́бленыя мае́, як вы заўсёды былі паслухмянымі, не толькі ў прысутнасці маёй, але яшчэ больш цяпер, у адсутнасці маёй, са страхам і трымценнем здзяйсняйце сваё спасенне, |
2:13 См.: 🔗2Кар. 3:5 🔗Яўр. 13:21 | таму што гэта Бог дзейнічае ў вас, каб вы і жадалі, і дзейнічалі паводле Яго добрай волі. |
2:14 См.: 🔗1Пят. 4:9 | Усё рабіце без наракання і сумнення, |
2:15 См.: 🔗Прит. 4:18 🔗Мф. 5:14 | каб былí вы бездакорнымі і чыстымі, дзецьмі Божымі беззаганнымі сярод роду сапсава́нага і разбэ́шчанага, у якім вы ззяеце, як свяцілы ў свеце, |
2:16 См.: 🔗Флп. 4:1 | захоўваючы слова жыцця, на пахвалу́ мне ў дзень Хрыстоў, што я не марна намагаўся і не марна працаваў. |
2:17 См.: 🔗2Цім. 4:6 | Але калі я і станаўлюся ахвярным узліваннем на ахвяру і служэнне веры вашай, то я радуюся і падзяляю радасць з усімі вамі; |
2:18 | гэтаму ж і вы радуйцеся і падзяляйце радасць са мною. |
2:19 См.: 🔗Дзеян. 16:1 | А я спадзяюся ў Госпадзе Іісусе неўзабаве паслаць да вас Цімафея, каб і мне ўсцешыцца духам, даведаўшыся пра вашы справы. |
2:20 | Таму што няма ў мяне нікога аднадушнага, хто па – сапраўднаму будзе дбаць пра вас; |
2:21 См.: 🔗1Кар. 10:24 | бо ўсе шукаюць свайго, а не таго, што ўгодна Хрысту Іісусу. |
2:22 См.: 🔗Дзеян. 16:2 | А вы́прабаванасць яго вы ведаеце, бо, як сын пры бацьку, служыў ён са мною справе дабравесця. |
2:23 | Дык вось яго я спадзяюся паслаць адразу ж, як толькі буду бачыць, што́ стане са мною. |
2:24 | Я ўпэўнены ў Госпадзе, што і сам хутка прыйду да вас. |
2:25 | Таксама палічыў я патрэбным паслаць да вас Эпафрадзіта, майго брата і супрацоўніка і паплечніка ў барацьбе, вашага ж пасланца́ і служыцеля ў патрэбе маёй, |
2:26 | бо ён вельмі імкнуўся да ўсіх вас і перажываў з – за таго, што вы дачуліся пра яго хваробу. |
2:27 | А ён сапраўды захварэў і быў пры смерці; аднак Бог памілаваў яго, ды не толькі яго, але і мяне, каб не дадалося мне смутку да смутку. |
2:28 | Таму я хутчэй паслаў яго, каб вы, убачыўшы яго зноў, узрадаваліся, і я быў менш засму́чаны. |
2:29 См.: 🔗1Фес. 5:12 | Прыміце ж яго ў Госпадзе з усёю радасцю, і такіх майце ў пашане, |
2:30 | бо ён за справу Хрыстову быў блізкі да смерці, рызыкуючы жыццём, каб запоўніць недастатковасць вашага служэння мне. |