Да Карынфян 1-е Пасланне святога Апостала Паўла, глава 15

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 15
15:1 См.: 🔗Гал. 1:11	Напамінаю вам, браты, тое Евангелле, якое я дабраве́сціў вам, якое і прынялí вы, у якім і ўмацаваліся,
15:2 См.: 🔗Рым. 1:16	праз якое і спаса́ецеся, калі трыма́ецеся таго, што я дабраве́сціў вам, калі толькі не марна ўверавалі.
15:3 См.: 🔗Пс. 21:7 🔗Ис. 53:5 🔗Дан. 9:24 🔗Зах. 13:7	Бо я найперш перадаў вам тое, што і сам прыня́ў: што Хрыстос памёр за грахі нашы, паводле Пісанняў,
15:4 См.: 🔗Пс. 15:10 🔗Ис. 53:11 🔗Ос. 6:2 🔗Ион. 2:1	і што Ён пахаваны быў, і што ўваскрэс на трэці дзень, паводле Пісанняў,
15:5 См.: 🔗Мф. 28:17 🔗Мк. 16:14 🔗Лк. 24:34	і што Ён явіўся Кіфе, потым — дванаццаці;
15:6	затым явіўся больш як пяцістам братам адначасова, многія з якіх жывыя дагэтуль, а некаторыя спачы́лі;
15:7	затым явіўся Іакаву, потым — усім Апосталам;
15:8 См.: 🔗Дзеян. 9:3	а пасля ўсіх явіўся і мне, як нейкаму неданоску.
15:9 См.: 🔗Дзеян. 8:3 🔗Эф. 3:8 🔗1Цім. 1:13	Бо я найменшы з Апосталаў, і не варты называцца Апосталам, бо я гнаў Царкву Божую.
15:10 См.: 🔗Мф. 10:20 🔗Мк. 16:20 🔗Эф. 3:7	Але па благадаці Божай я ёсць тое, што ёсць; і благадаць Яго ўва мне не была ма́рнаю, яж болей за ўсіх іх папрацаваў; не я, аднак, а благадаць Божая, якая са мною.
15:11	Дык вось, ці я, ці яны, — та́к мы прапаведуем, і та́к вы ўверавалі.
15:12 См.: 🔗Дзеян. 17:18 🔗2Цім. 2:18	Калі ж пра Хрыста прапаведуецца, што Ён уваскрэс з мёртвых, то як жа некаторыя з вас кажуць, што няма ўваскрасення мёртвых?
15:13 См.: 🔗Iн. 11:25 🔗Рым. 8:11	Бо калі няма ўваскрасення мёртвых, то і Хрыстос не ўваскрэс;
15:14	а калі Хрыстос не ўваскрэс, то ма́рная і пропаведзь наша, ма́рная і вера ваша.
15:15	Прытым мы аказваемся лжывымі сведкамі пра Бога, бо сведчылі пра Бога, што Ён уваскрасіў Хрыста, Якога Ён не ўваскрашаў, калі б было праўдай, што мёртвыя не ўваскрасаюць;
15:16	бо калі мёртвыя не ўваскрасаюць, то і Хрыстос не ўваскрэс;
15:17 См.: 🔗Дзеян. 13:38 🔗Рым. 4:25	а калі Хрыстос не ўваскрэс, то ма́рная вера ваша: вы яшчэ ў грахах вашых;
15:18	тады і памерлыя ў Хрысце загінулі.
15:19	Калі мы ў гэтым толькі жыцці спадзяёмся на Хрыста, то мы самыя няшчасныя з усіх людзей.
15:20 См.: 🔗Дзеян. 26:23 🔗Кал. 1:18 🔗Отк. 1:5	Але Хрыстос уваскрэс з мёртвых, пе́ршынец з паме́рлых.
15:21 См.: 🔗Быт. 2:17 🔗Быт. 3:19 🔗Iн. 6:39	Бо паколькі праз чалавека смерць, то праз чалавека і ўваскрасенне мёртвых.
15:22	Як у Адаме ўсе паміраюць, так у Хрысце ўсе ажыву́ць,
15:23 См.: 🔗1Фес. 4:15	але кожны сваёю чаргою: пе́ршынец Хрыстос, затым Хрыстовы,у прышэсце Яго.
15:24 См.: 🔗Дан. 7:14 🔗Мф. 28:18 🔗1Цім. 6:15	А потым канец: калі Ён перадасць Царства Богу і Айцу, калі скасуе ўсякае начальства і ўсякую ўладу і сілу;
15:25 См.: 🔗Пс. 109:1 🔗Дзеян. 2:34 🔗Яўр. 1:13	бо Яму належыць царстваваць, пакуль не пакладзе ўсіх ворагаў пад ногі Свае.
15:26 См.: 🔗Отк. 20:14	І апошні вораг будзе знішчаны — смерць,
15:27 См.: 🔗Пс. 8:7 🔗Яўр. 2:8	таму што Ён усё пакары́ў пад ногі Яго; калі ж скажа, што ўсё пако́рана Яму, то ясна, што акрамя Таго, Хто пакары́ў Яму ўсё.
15:28 См.: 🔗1Кар. 11:3	Калі ж Яму будзе пако́рана ўсё, тады і Сам Сын пако́рыцца Таму, Хто пакары́ў Яму ўсё, каб быў Бог усё ва ўсім.
15:29	Бо, інакш, што будуць рабіць тыя, хто прымае хрышчэнне дзеля мёртвых? Калі мёртвыя зусім не ўваскрасаюць, то навошта прымаюць хрышчэнне дзеля мёртвых?
15:30 См.: 🔗2Кар. 11:26	Чаму і мы ўвесь час падвярга́ем сябе небяспе́цы?
15:31 См.: 🔗Рым. 8:36	Я кожны дзень паміраю: прысяга́ю ў гэтым, браты, пахвало́ю вашаю, якую ма́ю ў Хрысце Іісусе, Госпадзе нашым.
15:32 См.: 🔗Прем. 2:6 🔗Ис. 22:13 🔗Лк. 12:19	Калі я з чалавечыхпамкненняў змагаўся са звярамі ў Эфесе, то якая мне карысць, калі мёртвыя не ўваскрасаюць? Давайце будзем есці і піць, бо заўтра памром!
15:33	Не ашуквайце сябе: кепскае асяроддзе псуе́ добрыя звы́чаі.
15:34 См.: 🔗Рым. 13:11	Ацверазіцеся як нале́жыць і не грашыце; бо некаторыя з вас не знаюць Бога,— на сорам вам кажу.
15:35	Але нехта скажа: як уваскрэснуць мёртвыя́ і ў якім целе прыйдуць?
15:36 См.: 🔗Iн. 12:24	Неразумны! тое, што ты сееш, не ажыве, калі не памрэ;
15:37	і калі ты сееш, то сееш не цела будучае, а голае зерне, будзь гэта пшанічнае ці якое іншае;
15:38	Бог жа дае яму цела, як Ён хоча, і кожнаму насенню — сваё цела.
15:39	Не кожная плоць — такая самая плоць; але адна плоць у людзей, другая плоць у скаціны, іншая — у рыб, іншая — у птушак.
15:40	Ёсць целы нябесныя і целы зямныя; але інакшая слава нябесных, інакшая — зямных;
15:41	адна слава сонца, а другая слава месяца, а іншая слава зорак; і зорка ад зоркіадрозніваецца славаю.
15:42 См.: 🔗Дан. 12:3	Так і пры ўваскрасенні мёртвых: сеецца ў тленні — паўстае́ ў нятленні;
15:43	сеецца ў бясчэсці — паўстае́ ў славе; сеецца ў слабасці — паўстае́ ў сіле;
15:44 См.: 🔗Мф. 22:30	сеецца цела душэўнае — паўстае́ цела духоўнае. Ёсць цела душэўнае і ёсць целадухоўнае.
15:45 См.: 🔗Рым. 5:18 🔗Быт. 2:7	Так і напісана: “першы чалавек Адам стаў душою жывою”, а апошні Адам — духам жыватворчым.
15:46	Але не духоўнае спачатку, а душэўнае, потым духоўнае.
15:47 См.: 🔗Быт. 2:7 🔗Iн. 3:31	Першы чалавек — з зямлі, зямны; другі чалавек — Гасподзь з неба.
15:48 См.: 🔗Iн. 3:6	Які зямны, такія і зямныя; і які нябесны, такія і нябесныя;
15:49 См.: 🔗Быт. 5:3 🔗Рым. 8:29	і  я́к мы насілі вобраз зямнога, будзем насіць вобраз і нябеснага.
15:50 См.: 🔗Iн. 1:13 🔗Iн. 3:3	Але тое скажу, браты, што плоць і кроў не могуць унаследаваць Царства Божага, і тленне не наследуе нятлення.
15:51 См.: 🔗1Фес. 4:17	Кажу вам тайну: не ўсе мы памром, але ўсе пераменімся
15:52 См.: 🔗Мф. 24:31 🔗Iн. 5:28 🔗1Фес. 4:16	раптам, у імгненне вока, пры гуку апошняй трубы: бо затру́біць, і мёртвыя ўваскрэснуць нятленнымі, а мы пераменімся;
15:53	бо тленнаму гэтаму належыць апрану́цца ў нятленне, і смяротнаму гэтаму — апрану́цца ў бессмяротнасць.
15:54 См.: 🔗Ис. 25:8	Калі ж тленнае гэтае апра́нецца ў нятленне і смяротнае гэтае апра́нецца ў бессмяротнасць, тады здзейсніцца слова напісанае: “паглыну́та смерць перамогаю”.
15:55 См.: 🔗Ос. 13:14	“Смерць! дзе тваё джала? пекла! дзе твая перамога?”
15:56 См.: 🔗Рым. 4:15	Джала смерці — грэх; а сіла граху — закон.
15:57 См.: 🔗1Iн. 5:4	Але дзякуем Богу, Які даў нам перамогу праз Госпада нашага Іісуса Хрыста!
15:58 См.: 🔗Кал. 1:23	Дык вось, браты мае́ ўзлю́бленыя, будзьце цвёрдымі, непахіснымі, цалкам адданымі справе Гасподняй заўсёды, ведаючы, што праца ваша не ма́рная перад Госпадам.