Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗2Кор. 6:4 | Тако нас да непщует человек, яко слуг Христовых и строителей таин Божиих: |
4:2 См.: 🔗Мф. 24:45 🔗Лк. 12:42 | а еже прочее ищется в строителех, да верен кто обрящется. |
4:3 | Мне же не велико есть, да от вас истяжуся, или от человеческаго дне: но ни сам себе востязую. |
4:4 | Ничесоже бо в себе свем, но ни о сем оправдаюся: востязуяй же мя Господь есть. |
4:5 | Темже прежде времене ничтоже судите, дондеже приидет Господь, Иже во свете приведет тайная тмы и объявит советы сердечныя, и тогда похвала будет комуждо от Бога. |
4:6 См.: 🔗Прит. 3:7 🔗Рим. 12:3 | Сия же, братие (моя), преобразих на себе и Аполлоса вас ради, да от наю научитеся не паче написанных мудрствовати, да не един по единому гордитеся на другаго. |
4:7 См.: 🔗Ин. 3:27 | Кто бо тя разсуждает? Что же имаши, егоже неси приял? Аще же и приял еси, что хвалишися яко не прием? |
4:8 | Се, сыти есте, се, обогатистеся, без нас воцаристеся: и о, дабы воцарилися есте, да и мы быхом с вами цартсвовали. |
4:9 | Мню бо, яко Бог ны посланники последния яви, яко насмертники: зане позор быхом миру и Ангелом и человеком. |
4:10 | Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни. |
4:11 | До нынешняго часа и алчем, и жаждем, и наготуем, и страждем, и скитаемся, |
4:12 | и труждаемся, делающе своими руками. Укоряеми, благословляем: гоними, терпим: |
4:13 | хулими, утешаемся: якоже отреби миру быхом, всем попрание доселе. |
4:14 | Не срамляя вас сия пишу, но якоже чада моя возлюбленная наказую. |
4:15 См.: 🔗Гал. 4:19 🔗Флм. 1:10 | Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих. |
4:16 | Молю же вас: подобни мне бывайте, якоже аз Христу. |
4:17 | Сего ради послах к вам Тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всяцей церкви учу. |
4:18 | Яко не грядущу ми к вам, разгордешася нецыи: |
4:19 См.: 🔗Деян. 18:21 🔗Иак. 4:15 | прииду же скоро к вам, аще Господь восхощет, и уразумею не слово разгордевшихся, но силу: |
4:20 См.: 🔗1Кор. 2:4 | не в словеси бо Царство Божие, но в силе. |
4:21 См.: 🔗2Кор. 13:10 | Что хощете? С палицею ли прииду к вам, или с любовию и духом кротости? |