Первое послание апостола Павла к Коринфянам, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	Смеет ли кто от вас, вещь имея ко иному, судитися от неправедных, а не от святых?
6:2 См.: 🔗Прем. 3:8 🔗Мф. 19:28 🔗Отк. 20:4	Не весте ли, яко святии мирови имут судити? И аще вами суд приимет мир, недостойни есте судищем худым?
6:3	Не весте ли, яко аггелов судити имамы, а не точию житейских?
6:4	Житейская бо судища аще имате, уничиженных в церкви, сих посаждаете.
6:5	К сраму вам глаголю: тако ли несть в вас мудр ни един, иже может разсудити между братий своих?
6:6	Но брат с братом судится, и то пред неверными.
6:7 См.: 🔗Мф. 5:40 🔗Лк. 6:29 🔗Рим. 12:19 🔗1Фес. 5:15	Уже убо отнюд вам срам есть, яко тяжбы имате между собою. Почто не паче обидими есте? Почто не паче лишени бываете?
6:8	Но вы (сами) обидите и лишаете, да еще братию.
6:9 См.: 🔗Гал. 5:21 🔗Еф. 5:5	Или не весте, яко неправедницы Царствия Божия не наследят? Не льстите себе: ни блудницы, ни идолослужителе, ни прелюбодее, (ни сквернителе,) ни малакии, ни мужеложницы,
6:10	ни лихоимцы, ни татие, ни пияницы, ни досадителе, ни хищницы Царствия Божия не наследят.
6:11 См.: 🔗Еф. 2:2 🔗Тит. 3:3	И сими (убо) нецыи бесте, но омыстеся, но освятистеся, но оправдистеся именем Господа нашего Иисуса Христа и Духом Бога нашего.
6:12 См.: 🔗Сир. 37:31 🔗1Кор. 10:23	Вся ми леть суть, но не вся на пользу: вся ми леть суть, но не аз обладан буду от чего.
6:13 См.: 🔗Мф. 22:30 🔗Рим. 6:13	Брашна чреву, и чрево брашном: Бог же и сие и сия упразднит. Тело же не блужению, но Господеви, и Господь телу.
6:14 См.: 🔗2Кор. 4:14 🔗1Фес. 4:14	Бог же и Господа воздвиже, и нас воздвигнет силою Своею.
6:15 См.: 🔗Еф. 5:30	Не весте ли, яко телеса ваша удове Христовы суть? Вземь ли убо уды Христовы, сотворю уды блудничи? Да не будет.
6:16 См.: 🔗Быт. 2:24 🔗Мф. 19:5 🔗Мк. 10:7 🔗Еф. 5:31	Или не весте, яко прилепляяйся сквернодейце едино тело есть (с блудодейцею)? Будета бо, рече, оба в плоть едину.
6:17	Прилепляяйся же Господеви един дух есть (с Господем).
6:18	Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает.
6:19 См.: 🔗1Пет. 2:5 🔗1Кор. 3:16 🔗2Кор. 6:16	Или не весте, яко телеса ваша храм живущаго в вас Святаго Духа суть, Егоже имате от Бога, и несте свои?
6:20 См.: 🔗Деян. 20:28 🔗1Пет. 1:19 🔗Гал. 3:13	Куплени бо есте ценою. Прославите убо Бога в телесех ваших и в душах ваших, яже суть Божия.