Первое послание апостола Павла к Фессалоникийцам (Солунянам), глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Флп. 1:27	[Зач. 269.] Тѣмже убо, братiе, просимъ вы и молимъ о Христѣ Иисусѣ, якоже прiясте от­ насъ, како подобаетъ вамъ ходити и угождати Богови, якоже и ходите, да избыточе­ст­вуете паче:
4:2	вѣсте бо, какова повелѣнiя дахомъ вамъ Господемъ Иисусомъ.
4:3 См.: 🔗Рим. 6:22 🔗Рим. 12:2	Сiя бо есть воля Божiя, святость ваша, хранити себе самѣхъ от­ блуда,
4:4 См.: 🔗1Кор. 6:18	[и] вѣдѣти комуждо от­ васъ свой сосудъ стяжавати во святыни и чести,
4:5	[а] не въ страсти похотнѣй, якоже и языцы не вѣдящiи Бога,
4:6 См.: 🔗1Тим. 6:10	[и] еже не преступати и лихо­им­ст­вовати въ вещи брата сво­его: зане мститель есть Господь о всѣхъ сихъ, якоже и прежде рекохомъ къ вамъ и засвидѣтел­ст­вовахомъ.
4:7 См.: 🔗1Кор. 1:2 🔗Еф. 1:4	Не при­­зва бо насъ Богъ на нечистоту, но во святость.
4:8 См.: 🔗Лк. 10:16 🔗1Кор. 2:10	Тѣмже убо от­метаяй не человѣка от­метаетъ, но Бога, Дав­шаго Духа Сво­его Святаго въ насъ.
4:9 См.: 🔗Ин. 13:34 🔗Ин. 15:12 🔗1Ин. 3:11	О братолюбiи же, не требуете, да пишет­ся къ вамъ, сами бо вы Богомъ учени есте, еже любити другъ друга:
4:10	ибо творите то ко всей братiи, сущей во всей Македонiи. Молимъ же вы, братiе, избыточе­с­т­вовати паче,
4:11 См.: 🔗Еф. 4:28 🔗2Фес. 3:10	и любезно при­­лѣжати, еже безмолв­ст­вовати и дѣяти своя и дѣлати сво­има рукама, якоже повелѣхомъ вамъ:
4:12 См.: 🔗Рим. 13:13	да ходите благообразно ко внѣшнимъ и ни чесогоже требуете.
4:13	[Зач. 270.] Не хощу же васъ, братiе, не вѣдѣти о умершихъ, да не скорбите, якоже и прочiи не имущiи упованiя.
4:14 См.: 🔗1Кор. 15:20	Аще бо вѣруемъ, яко Иисусъ умре и воскресе, тако и Богъ умершыя во Иисусѣ при­­ведетъ съ Нимъ.
4:15 См.: 🔗1Кор. 15:51	Сiе бо вамъ глаголемъ словомъ Господнимъ, яко мы живущiи, остав­шiи въ при­­ше­ст­вiе Господне, не имамы предварити умершихъ:
4:16 См.: 🔗Мф. 24:31 🔗2Фес. 1:7	яко Самъ Господь въ повелѣнiи, во гласѣ Архангеловѣ и въ трубѣ Божiи снидетъ съ небесе, и мертвiи о Христѣ воскреснутъ первѣе:
4:17 См.: 🔗Ин. 14:3 🔗Ин. 17:24	потомъ же мы, живущiи остав­шiи, купно съ ними восхищени будемъ на облацѣхъ въ срѣтенiе Господне на воз­дусѣ, и тако всегда съ Господемъ будемъ.
4:18	Тѣмже утѣшайте другъ друга въ словесѣхъ сихъ.