Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 10 | |
10:1 | Самъ же азъ Павелъ молю вы кротостiю и тихостiю Христовою, иже въ лице убо смиренъ въ васъ, не сый же у васъ дерзаю въ васъ. |
10:2 См.: 🔗2Кор. 2:17 | Молю же, да не присущъ дерзаю надѣянiемъ, имже помышляю смѣти на нѣкiя непщующыя насъ яко по плоти ходящихъ. |
10:3 См.: 🔗1Тим. 1:18 | Во плоти бо ходяще, не по плоти воинствуемъ: |
10:4 | оружiя бо воинства нашего не плотская, но сильна Богомъ на разоренiе твердемъ: помышленiя низлагающе, |
10:5 См.: 🔗1Кор. 1:19 🔗1Кор. 3:19 | и всяко возношенiе взимающееся на разумъ Божiй, и плѣняюще всякъ разумъ въ послушанiе Христово, |
10:6 | и въ готовости имуще отмстити всяко преслушанiе, егда исполнится ваше послушанiе. |
10:7 См.: 🔗Ин. 7:24 | Яже ли предъ лицемъ, зрите? [Зач. 190.] Аще кто надѣется себе Христова быти, да помышляетъ паки от себе, зане, якоже онъ Христовъ, такожде и мы Христовы. |
10:8 См.: 🔗2Кор. 13:10 | Аще бо и лишше что похвалюся о власти нашей, юже даде намъ Господь въ созданiе, а не на разоренiе ваше, не постыжуся. |
10:9 | [Но] да не явлюся, яко страшя васъ посланьми. |
10:10 См.: 🔗2Кор. 11:6 | Яко посланiя убо, рече, тяжка и крѣпка, а пришествiе тѣла немощно, и слово уничиженно: |
10:11 | сiе да помышляетъ таковый, яко яцы же есмы словомъ посланiй, отстояще, таковіи и ту суще есмы дѣломъ. |
10:12 | Не смѣемъ бо судити {присовокупляти}, или прикладовати себе инымъ хвалящымъ себе самѣхъ: но сами въ себѣ себе измѣряюще, и прилагающе себе самимъ себѣ, не разумѣваютъ. |
10:13 См.: 🔗2Кор. 12:5 | Мы же не въ безмѣрная похвалимся, но по мѣрѣ правила, егоже раздѣли намъ Богъ мѣру, достизати даже и до васъ. |
10:14 | Не яко бо не досяжуще до васъ, паче простираемъ себе, даже бо и до васъ достигохомъ благовѣстiемъ Христовымъ: |
10:15 См.: 🔗Рим. 15:20 | не въ безмѣрная хвалящеся въ чуждихъ трудѣхъ, упованiе же имуще, растущей вѣрѣ вашей, въ васъ величатися по правилу нашему изобилно, |
10:16 | во еже и въ дальшихъ васъ [странахъ] благовѣстити, не чужимъ правиломъ въ готовыхъ похвалитися. |
10:17 См.: 🔗Иер. 9:24 🔗1Кор. 1:31 | Хваляйся же, о Господѣ да хвалится: |
10:18 См.: 🔗Прит. 27:2 🔗1Кор. 4:5 | не хваляй бо себе сей искусенъ, но егоже Богъ восхваляетъ. |