Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗2Кор. 1:12 | Зачинаем ли паки нас самех извещавати вам? Или требуем, якоже нецыи, извещавательных посланий к вам, или от вас известительных? |
3:2 См.: 🔗1Кор. 9:2 | Послание бо наше вы есте, написаное в сердцах наших, знаемое и прочитаемое от всех человек: |
3:3 См.: 🔗Иез. 11:19 🔗Евр. 8:10 | являеми, яко есте послание Христово служеное нами, написано не чернилом, но Духом Бога жива, не на скрижалех каменных, но на скрижалех сердца плотяных. |
3:4 | Надеяние же таково имамы Христом к Богу, |
3:5 См.: 🔗Ин. 15:5 🔗1Кор. 15:10 | не яко довольни есмы от себе помыслити что, яко от себе, но доволство наше от Бога: |
3:6 См.: 🔗Иер. 31:33 🔗Ин. 6:63 | иже и удоволи нас служители быти Нову Завету, не писмени, но духу: писмя бо убивает, а дух животворит. |
3:7 См.: 🔗Исх. 34:30 | Аще ли служение смерти писмены, образовано в каменех, бысть в славу, яко не мощи взирати сыном Израилевым на лице Моисеово, славы ради лица его престающия. |
3:8 | Како не множае паче служение духа будет в славе? |
3:9 | Аще бо служение осуждения, слава, много паче избыточествует служение правды в славе. |
3:10 | Ибо не прославися прославленное в части сей, за превосходящую славу. |
3:11 | Аще бо престающее, славою: много паче пребывающее, в славе. |
3:12 | Имуще убо таково упование, многим дерзновением действуем, |
3:13 См.: 🔗Рим. 10:4 | и не якоже Моисей полагаше покрывало на лицы своем, за еже не мощи взирати сыном Израилевым на конец престающаго. |
3:14 См.: 🔗Ис. 6:10 🔗1Кор. 2:8 | Но ослепишася помышления их: даже бо до сего дне тожде покрывало во чтении Ветхаго Завета пребывает не откровено, зане о Христе престает. |
3:15 | Но даже до днесь, внегда чтется Моисей, покрывало на сердце их лежит: |
3:16 См.: 🔗Исх. 34:34 | внегда же обратятся ко Господу, взимается покрывало. |
3:17 См.: 🔗Ин. 4:24 | Господь же Дух есть: а идеже Дух Господень, ту свобода. |
3:18 См.: 🔗1Кор. 15:49 🔗2Кор. 4:6 | Мы же вси откровенным лицем славу Господню взирающе, в тойже образ преобразуемся от славы в славу, якоже от Господня Духа. |