Второе послание апостола Павла к Тимофею, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Ин. 5:22 🔗Деян. 10:42	Засвидѣтел­ст­вую убо азъ предъ Богомъ и Господемъ нашимъ Иисусъ Христомъ, хотящимъ судити живымъ и мертвымъ въ явленiи Его и Цар­ст­вiи Его:
4:2 См.: 🔗2Тим. 2:24 🔗2Тим. 3:16	проповѣдуй слово, настой благовремен­нѣ и безвремен­нѣ, обличи, запрети, умоли со всякимъ долготерпѣнiемъ и ученiемъ.
4:3	Будетъ бо время, егда здраваго ученiя не послушаютъ, но по сво­ихъ похотехъ изберутъ себѣ учители, чешеми слухомъ:
4:4	и от­ истины слухъ от­вратятъ, и къ баснемъ уклонят­ся.
4:5	[Зач. 298.] Ты же трезвися о всемъ, злопостражди, дѣло сотвори благовѣст­ника, служенiе твое извѣстно сотвори.
4:6 См.: 🔗Флп. 2:17	Азъ бо уже жренъ бываю, и время мо­его от­ше­ст­вiя наста:
4:7 См.: 🔗Флп. 3:14 🔗1Тим. 6:12	подвигомъ добрымъ подвизахся, теченiе скончахъ, вѣру соблюдохъ:
4:8 См.: 🔗1Кор. 9:25 🔗Отк. 2:10	прочее убо соблюдает­ся мнѣ вѣнецъ правды, егоже воз­дастъ ми Господь въ день онъ, праведный Судiя: не токмо же мнѣ, но и всѣмъ воз­любльшымъ явленiе Его.
4:9	[Зач. 299.] Потщися скоро прiити ко мнѣ.
4:10 См.: 🔗Кол. 4:14	Димасъ бо мене остави, воз­любивъ нынѣшнiй вѣкъ, и иде въ Солунь: Крискентъ въ Галатію, Титъ въ Далматiю: Лука единъ есть со мною.
4:11	Марка по­емь при­­веди съ собою, есть бо ми благопотребенъ въ службу.
4:12 См.: 🔗Деян. 20:4	Тихика же послахъ во Ефесъ.
4:13	Фелонъ, егоже оставихъ въ Троадѣ у Карпа, грядый при­­неси, и книги, паче же кожаныя.
4:14 См.: 🔗1Тим. 1:20	Александръ ковачь многа ми зла сотвори: да воз­дастъ ему Господь по дѣломъ его:
4:15	от­ негоже и ты себе блюди, зѣло бо противит­ся словесемъ нашымъ.
4:16	Въ первый мой от­вѣтъ никтоже бысть со мною, но вси мя оставиша: да не вмѣнит­ся имъ.
4:17 См.: 🔗Деян. 23:11 🔗1Тим. 1:12	Господь же мнѣ предста и укрѣпи мя, да мною проповѣданiе извѣстно будетъ, и услышатъ вси языцы: и избавленъ быхъ от­ устъ львовъ.
4:18 См.: 🔗Рим. 14:26 🔗1Тим. 6:16	И избавитъ мя Господь от­ всякаго дѣла лукава и спасетъ во Цар­ст­вiе Свое Небесно­е: Емуже слава во вѣки вѣковъ. Аминь.
4:19 См.: 🔗2Тим. 1:16	Цѣлуй Прискиллу и Акилу и Онисифоровъ домъ.
4:20	Ерастъ оста въ Коринѳѣ: Трофима же оставихъ въ Милитѣ боляща.
4:21	Потщися прежде зимы прiити. Цѣлуетъ тя Еввулъ и Пудъ, и Линъ и Клавдіа и братiя вся.
4:22 См.: 🔗Флм. 1:25	Господь Иисусъ Христосъ со духомъ тво­имъ. Благодать съ вами. Аминь. Конецъ второму посланiю еже къ Тимоѳею святаго апостола Павла: имать въ себѣ главы 4, зачалъ же церковныхъ 10.