Да Эфесян Пасланне святога Апостала Паўла, глава 6

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 6
6:1 См.: 🔗Втор. 5:16 🔗Прит. 23:22 🔗Мф. 15:4 🔗Мк. 7:10 🔗Кал. 3:20	Дзеці, слухайцеся ў Госпадзе бацькоў вашых, бо гэта праведна.
6:2	«Шануй бацьку твайго і маці» — гэта першая запаведзь з абяцаннем:
6:3 См.: 🔗Исх. 20:12	«каб добра табе было і ты доўга жыў на зямлі».
6:4 См.: 🔗Прит. 13:25	І вы, бацькі, не раздражня́йце дзяцей вашых, а выхоўвайце іх у вучэнні і настаўле́нні Гасподнім.
6:5 См.: 🔗1Пят. 2:18 🔗Кал. 3:22 🔗Ціт. 2:9	Рабы, слухайцеся гаспадароў сваіх па плоці са стра́хам і трымце́ннем, у прастаце́ сэрца вашага, як Хрыста,
6:6	слу́жачы не напака́з, як чалавекаўго́днікі, а як рабы́ Хрыста, выко́нваючы волю Божую ад душы,
6:7	шчыра слу́жачы, як Госпаду, а не як лю́дзям,
6:8 См.: 🔗2Кар. 5:10	ведаючы, што кожны, ці то раб, ці свабодны, калі зробіць нешта добрае, тое ж атрымае ад Госпада.
6:9 См.: 🔗Втор. 10:17 🔗2Пар. 19:7 🔗Иов. 34:19 🔗Прем. 6:7 🔗Сир. 35:12 🔗Гал. 2:6	І вы, гаспадары, рабіце ім тое самае, стрымлівайце суровасць, ведаючы, што і над вамі самімі, і над імі ёсць на нябёсах Гасподзь, Які не зважа́е на асобы.
6:10	Нарэшце, браты мае, умацоўвайцеся ў Госпадзе і ў магутнасці сілы Яго;
6:11 См.: 🔗Рым. 13:12 🔗1Фес. 5:8	апранíцеся ва ўсе даспехі Божыя, каб маглі вы супрацьстая́ць кава́рству дыявала;
6:12 См.: 🔗Iн. 12:31 🔗Iн. 14:30 🔗Эф. 2:2	бо змаганне наша не супраць крыві і плоці, а супраць начальстваў, супраць улад, супраць сусветных уладароў цемры веку гэтага, супраць злых духаў паднябесных.
6:13	Дзеля гэтага вазьміце ўсе даспехі Божыя, каб маглі вы супрацьста́ць у дзень ліхі і, усё адолеўшы, выстаяць.
6:14 См.: 🔗Лк. 12:35 🔗1Пят. 1:13	Так што станьце, падпераза́ўшы сябе ісцінай і апрануўшы браню праведнасці,
6:15	і абуўшы ногі ў гатоўнасць дабраве́сціць мір;
6:16	а перш за ўсё вазьміце шчыт веры, якім вы зможаце пагасіць усе распа́леныя стрэлы злога;
6:17 См.: 🔗Ис. 59:17 🔗1Фес. 5:8 🔗Яўр. 4:12	і шлем спасення вазьміце, і меч духоўны, які ёсць слова Божае;
6:18 См.: 🔗Лк. 18:1 🔗Кал. 4:2	усякаю малітваю і прашэннем маліцеся ва ўсякую пару́ духам і пра гэта дбайце з усёй цярплівасцю і прашэннем за ўсіх святых
6:19 См.: 🔗2Фес. 3:1	і за мяне, каб мне да́дзена было́ слова — вуснамі маімі з адвагаю не́сці тайну дабраве́сця,
6:20 См.: 🔗Дзеян. 21:11	паслом якога я з'яўляюся ў аковах, каб я адважна прапаведаваў, як мне і належыць.
6:21 См.: 🔗Дзеян. 20:4 🔗Кал. 4:7	А каб і вы ведалі, што́ са мною і што́ я раблю, усё паведаміць вам Ціхік, узлю́блены брат і верны ў Госпадзе служыцель,
6:22	якога я і паслаў да вас дзеля таго, каб вы даведаліся пра нас і каб ён суце́шыў сэ́рцы вашы.
6:23	Мір братам і любоў з вераю ад Бога Айца і Госпада Іісуса Хрыста.
6:24	Благадаць з усімі, хто любіць Госпада нашага Іісуса Хрыста непарушна. Амінь.