Послание апостола Павла к Ефесянам, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1 См.: 🔗Втор. 5:16 🔗Прит. 23:22 🔗Мф. 15:4 🔗Мк. 7:10 🔗Кол. 3:20	Чада, послушайте своих родителей о Господе: сие бо есть праведно.
6:2	Чти отца твоего и матерь: яже есть заповедь первая во обетовании:
6:3 См.: 🔗Исх. 20:12	да благо ти будет, и будеши долголетен на земли.
6:4 См.: 🔗Прит. 13:25	И отцы, не раздражайте чад своих, но воспитовайте их в наказании и учении Господни.
6:5 См.: 🔗1Пет. 2:18 🔗Кол. 3:22 🔗Тит. 2:9	Раби, послушайте господий своих по плоти со страхом и трепетом, в простоте сердца вашего, якоже и Христа,
6:6	не пред очима точию работающе яко человекоугодницы, но якоже раби Христовы, творяще волю Божию от души,
6:7	со благоразумием служаще якоже Господу, а не яко человеком,
6:8 См.: 🔗2Кор. 5:10	ведяще, яко кийждо, еже аще сотворит благое, сие приимет от Господа, аще раб, аще свободь.
6:9 См.: 🔗Втор. 10:17 🔗2Пар. 19:7 🔗Иов. 34:19 🔗Прем. 6:7 🔗Сир. 35:12 🔗Гал. 2:6	И господие, таяжде творите к ним, послабляюще им прещения, ведуще, яко и вам самем и тем Господь есть на небесех, и обиновения лица несть у Него.
6:10	Прочее же, братие моя, возмогайте во Господе и в державе крепости Его:
6:11 См.: 🔗Рим. 13:12 🔗1Фес. 5:8	облецытеся во вся оружия Божия, яко возмощи вам стати противу кознем диаволским,
6:12 См.: 🔗Ин. 12:31 🔗Ин. 14:30 🔗Еф. 2:2	яко несть наша брань к крови и плоти, но к началом и ко властем (и) к миродержителем тмы века сего, к духовом злобы поднебесным.
6:13	Сего ради приимите вся оружия Божия, да возможете противитися в день лют и вся содеявше стати.
6:14 См.: 🔗Лк. 12:35 🔗1Пет. 1:13	Станите убо препоясани чресла ваша истиною, и оболкшеся в броня правды,
6:15	и обувше нозе во уготование благовествования мира:
6:16	над всеми же восприимше щит веры, в немже возможете вся стрелы лукаваго разжженныя угасити:
6:17 См.: 🔗Ис. 59:17 🔗1Фес. 5:8 🔗Евр. 4:12	и шлем спасения восприимите, и мечь духовныи, иже есть Глаголгол Божий:
6:18 См.: 🔗Лк. 18:1 🔗Кол. 4:2	всякою молитвою и молением молящеся на всяко время духом, и в сие истое бдяще во всяком терпении и молитве о всех святых
6:19 См.: 🔗2Фес. 3:1	и о мне, да дастся ми слово во отверзение уст моих, с дерзновением сказати тайну благовествования,
6:20 См.: 🔗Деян. 21:11	о немже посолствую во узах, да в нем дерзаю, якоже подобает ми глаголати.
6:21 См.: 🔗Деян. 20:4 🔗Кол. 4:7	Да увесте же и вы, яже о мне, что делаю, вся скажет вам Тихик, возлюбленный брат и верен служитель о Господе,
6:22	егоже послах к вам на сие истое, да увесте, яже о нас, и да утешит сердца ваша.
6:23	Мир братии и любовь с верою от Бога Отца и Господа Иисуса Христа.
6:24	Благодать со всеми любящими Господа нашего Иисуса Христа в неистлении. Аминь.