Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 | И хождаше Иисус по сих в Галилеи: не хотяше бо во Иудеи ходити, яко искаху Его Иудее убити. |
7:2 См.: 🔗Лев. 23:34 | Бе же близ праздник Иудейский, потчение сени. |
7:3 | Реша убо к Нему братия Его: прейди отсюду, и иди во Иудею, да и ученицы Твои видят дела Твоя, яже твориши: |
7:4 | никтоже бо в тайне творит что, и ищет сам яве быти: аще сия твориши, яви Себе мирови. |
7:5 | Ни братия бо Его вероваху в Него. |
7:6 | Глагола убо им Иисус: время Мое не у прииде: время же ваше всегда готово есть: |
7:7 См.: 🔗Ин. 3:19 | не может мир ненавидети вас, Мене же ненавидит, яко Аз свидетелствую о нем, яко дела Его зла суть: |
7:8 | вы взыдите в праздник сей, Аз не взыду в праздник сей, яко время Мое не у исполнися. |
7:9 | Сия рек им, оста в Галилеи. |
7:10 | Егда же взыдоша братия Его в праздник, тогда и Сам взыде, не яве, но яко тай. |
7:11 | Жидове же искаху Его в праздник и глаголаху: где есть Он? |
7:12 См.: 🔗Ин. 9:16 | И ропот мног бе о Нем в народех: овии глаголаху, яко благ есть: инии же глаголаху: ни, но льстит народы. |
7:13 См.: 🔗Ин. 12:42 | Никтоже убо яве глаголаше о Нем, страха ради Иудейскаго. |
7:14 | Абие же в преполовение праздника взыде Иисус во церковь и учаше. |
7:15 | И дивляхуся Иудее, глаголюще: како Сей книги весть не учився? |
7:16 | Отвеща (убо) им Иисус и рече: Мое учение несть Мое, но Пославшаго Мя: |
7:17 См.: 🔗Ин. 8:47 | аще кто хощет волю Его творити, разумеет о учении, кое от Бога есть, или Аз от Себе глаголю: |
7:18 | глаголяй от себе славы своея ищет: а Ищяй славы Пославшаго Его, Сей истинен есть, и несть неправды в Нем. |
7:19 См.: 🔗Исх. 20:1 🔗Ин. 5:18 | Не Моисей ли даде вам закон? И никтоже от вас творит закона. Что Мене ищете убити? |
7:20 | Отвеща народ и рече: беса ли имаши? Кто Тебе ищет убити? |
7:21 | Отвеща Иисус и рече им: едино дело сотворих, и вси дивитеся: |
7:22 См.: 🔗Быт. 17:10 🔗Лев. 12:3 | сего ради Моисей даде вам обрезание, не яко от Моисеа есть, но от отец: и в субботу обрезаете человека: |
7:23 | аще обрезание приемлет человек в субботу, да не разорится закон Моисеов, на Мя ли гневаетеся, яко всего человека здрава сотворих в субботу? |
7:24 См.: 🔗Втор. 1:17 🔗Втор. 16:19 | Не судите на лица, но праведный суд судите. |
7:25 | Глаголаху убо нецыи от Иерусалимлян: не Сей ли есть, Егоже ищут убити? |
7:26 | И се, не обинуяся глаголет, и ничесоже Ему не глаголют: еда како разумеша князи, яко Сей есть Христос? |
7:27 См.: 🔗Мф. 13:55 | Но Сего вемы, откуду есть: Христос же егда приидет, никтоже весть, откуду будет. |
7:28 См.: 🔗Ин. 8:42 | Воззва убо в церкви учя Иисус и глаголя: и Мене весте, и весте, откуду есмь: и о Себе не приидох, но есть истинен Пославый Мя, Егоже вы не весте: |
7:29 | Аз вем Его, яко от Него есмь, и Той Мя посла. |
7:30 См.: 🔗Ин. 8:20 | Искаху убо, да имут Его: и никтоже возложи Нань руки, яко не у бе пришел час Его. |
7:31 См.: 🔗Ин. 8:30 | Мнози же от народа вероваша в Него и глаголаху, яко Христос, егда приидет, еда болша знамения сотворит, яже Сей творит? |
7:32 | Слышаша фарисее народ ропщущь о Нем сия, и послаша фарисее и архиерее слуги, да имут Его. |
7:33 | Рече убо Иисус: еще мало время с вами есмь, и иду к Пославшему Мя: |
7:34 См.: 🔗Ин. 13:33 | взыщете Мене и не обрящете: и идеже есмь Аз, вы не можете приити. |
7:35 | Реша же Иудее к себе: камо Сей хощет ити, яко мы не обрящем Его? Еда в разсеяние Еллинское хощет ити и учити Еллины? |
7:36 | Что есть сие слово, еже рече: взыщете Мене и не обрящете: и идеже есмь Аз, вы не можете приити? |
7:37 | В последний же день великий праздника стояше Иисус и зваше, глаголя: аще кто жаждет, да приидет ко Мне и пиет: |
7:38 См.: 🔗Ис. 12:3 🔗Иоил. 3:18 | веруяй в Мя, якоже рече Писание, реки от чрева его истекут воды живы. |
7:39 | Сие же рече о Дусе, Егоже хотяху приимати верующии во имя Его: не у бо бе Дух Святый, яко Иисус не у бе прославлен. |
7:40 См.: 🔗Мф. 26:5 | Мнози же от народа слышавше слово, глаголаху: Сей есть воистинну пророк. |
7:41 | Друзии глаголаху: Сей есть Христос. Овии же глаголаху: еда от Галилеи Христос приходит? |
7:42 | Не Писание ли рече, яко от семене Давидова и от Вифлеемския веси, идеже бе Давид, Христос приидет? |
7:43 См.: 🔗Ин. 9:16 | Распря убо бысть в народе Его ради. |
7:44 | Нецыи же от них хотяху яти Его: но никтоже возложи Нань руце. |
7:45 | Приидоша же слуги ко архиереом и фарисеом: и реша им тии: почто не приведосте Его? |
7:46 | Отвещаша слуги: николиже тако есть глаголал человек, яко Сей Человек. |
7:47 | Отвещаша убо им фарисее: еда и вы прельщени бысте? |
7:48 | Еда кто от князь верова в Онь, или от фарисей? |
7:49 | Но народ сей, иже не весть закона, прокляти суть. |
7:50 См.: 🔗Ин. 3:1 | Глагола Никодим к ним, иже пришедый к Нему нощию, един сый от них: |
7:51 См.: 🔗Втор. 1:17 🔗Втор. 17:8 | еда закон наш судит человеку, аще не слышит от него прежде и разумеет, что творит? |
7:52 | Отвещаша и рекоша ему: еда и ты от Галилеи еси? Испытай и виждь, яко пророк от Галилеи не приходит. |
7:53 | И иде кийждо в дом свой. |