Святое Дабравесце паводле Матфея, главы 10–1

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 10
10:1 См.: 🔗Мк. 3:14 🔗Лк. 9:1	І паклікаўшы дванаццаць вучняў Сваіх, Ён даў ім уладу над нячыстымі духамі, каб выганяць іх, і ацаляць усякую хваробу і ўсякую немач.
10:2	А дванаццаці Апосталаў імёны вось такія: першы Сіман, якога называюць Пятром, і Андрэй, брат ягоны, Іакаў Зевядзееў і Іаан, брат яго.
10:3	Філіп і Варфаламей, Фама і Матфей мытнік, Іакаў Алфееў і Леўвей, празваны Фадзеем,
10:4	Сіман Кананіт і Іуда Іскарыёт, які і здрадзіў Яму.
10:5	Гэтых дванаццаць паслаў Іісус і запавядаў ім, кажучы: на шлях язычнікаў не хадзіце і ў горад Самаранскі не ўваходзьце;
10:6 См.: 🔗Мф. 15:24	а ідзіце найболей да пагіблых авечак дому Ізраілевага;
10:7 См.: 🔗Лк. 9:2	і ходзячы, прапаведуўце, што наблізілася Царства Нябеснае;
10:8	хворых ацаляйце, пракажоных ачышчайце, мёртвых уваскрашайце, дэманаў выганяйце; задарам атрымалі, задарам давайце.
10:9 См.: 🔗Мк. 6:8 🔗Лк. 9:3	Не бярыце з сабою ні золата, ні срэбра, ні медзі ў паясы свае,
10:10 См.: 🔗Лк. 10:7 🔗1Цім. 5:18	ні торбы ў дарогу, ні дзве вопраткі, ні абутку, ні посаха. Бо хто працуе, той варты пракорму.
10:11	У які горад ці селішча вы ні ўвайшлі б, даведайцеся, хто ў ім годны, і там заставайцеся, пакуль не выйдзеце;
10:12 См.: 🔗Лк. 10:5	а ўваходзячы ў дом, вітайце яго, кажучы: «мір дому гэтаму»;
10:13	і калі дом будзе годны, дык сыдзе мір ваш на яго; калі ж не будзе годны, дык мір ваш да вас вернецца.
10:14 См.: 🔗Мк. 6:11 🔗Лк. 9:5 🔗Дзеян. 13:51	А калі хто не прыме вас і не паслухаецца слоў вашых, дык, выходзячы з дому, альбо з горада таго, абтрасіце пыл з ног вашых;
10:15	праўду кажу вам: лягчэй будзе зямлі Садомскай і Гаморскай у дзень судны, чым гораду таму.
10:16 См.: 🔗Лк. 10:3 🔗Рым. 16:19 🔗2Кар. 1:12	Вось, я пасылаю вас, як авечак сярод ваўкоў: дык вось, будзьце мудрыя, як змеі, і простыя, як галубы.
10:17	Сцеражыцеся ж людзей: бо яны аддаваць будуць вас на судзілішчы і ў сінагогах сваіх біць будуць вас,
10:18	і павядуць вас да правіцеляў і да цароў за Мяне, на сведчанне перад імі і язычнікамі.
10:19 См.: 🔗Мк. 13:11 🔗Лк. 12:11	Калі ж будуць выдаваць вас, не турбуйцеся, як або што сказаць; бо дадзена будзе вам у той час, што сказаць;
10:20	бо не вы будзеце гаварыць, а Дух Айца вашага гаварыць будзе ў вас.
10:21	І выдасць брат брата на смерть, і бацька — дзіця; і паўстануць дзеці на бацькоў і заб'юць іх;
10:22	і будзеце зненавіджаныя ўсімі за імя Маё; а хто вытрывае да канца, уратаваны будзе.
10:23	Калі ж будуць вас гнаць у адным горадзе, уцякайце ў другі, Бо праўду кажу вам: не паспееце абысці гарадоў Ізраілевых, як прыйдзе Сын Чалавечы.
10:24 См.: 🔗Лк. 6:40 🔗Iн. 13:16 🔗Iн. 15:20	Вучань не вышэйшы за настаўніка, і слуга не вышэйшы за гаспадара свайго.
10:25 См.: 🔗Мф. 9:34	Даволі вучню, каб ён быў, як настаўнік ягоны, і слузе, каб ён быў, як гаспадар ягоны. Калі гаспадара дома назвалі вельзевулам, дык ці не тым болей дамашніх яго?
10:26 См.: 🔗Мк. 4:22 🔗Лк. 8:17 🔗Лк. 12:2	Дык вось, не бойцеся іх: бо няма нічога схаванага, што не адкрылася б, і таемнага, што не было б уведана.
10:27	Што кажу вам у цемры, кажыце пры святле; і што на вуха чуеце, прапаведуйце з дахаў.
10:28 См.: 🔗Лк. 12:4	І не бойцеся тых, што забіваюць цела, але ж душы забіць не могуць; а бойцеся болей таго, хто можа і душу, і цела загубіць у геене.
10:29 См.: 🔗Лк. 12:6	Ці ж не два вараб’і прадаюцца за асарый? І ніводны з іх не ўпадзе на зямлю без волі Айца вашага;
10:30	а ў вас і валасы на галаве ўсе палічаны;
10:31	дык не бойцеся: вы больш вартыя, чым мноства вераб’ёў.
10:32 См.: 🔗Мк. 8:38 🔗Лк. 9:26 🔗Лк. 12:8	Дык вось, кожнага, хто вызнае Мяне перад людзьмі, таго вызнаю і Я перад Айцом Маім, Які ёсць у нябёсах;
10:33 См.: 🔗2Цім. 2:12	а хто адрачэцца ад Мяне перад людзьмі, ад таго адракуся і Я перад Айцом Маім, Які ёсць у нябёсах.
10:34 См.: 🔗Лк. 12:51	Не думайце, што Я прыйшоў прынесці мір на зямлю; не мір прыйшоў Я прынесці, а меч;
10:35	бо Я прыйшоў падзяліць чалавека з бацькам ягоным, і дачку з маці яе, і нявестку са свякрухай яе.
10:36 См.: 🔗Мих. 7:6	І ворагі чалавеку — дамашнія яго.
10:37 См.: 🔗Лк. 14:26	Хто любіць бацьку ці маці больш за Мяне, не варты Мяне; і хто любіць сына ці дачку больш за Мяне, не варты Мяне;
10:38 См.: 🔗Мф. 16:24 🔗Мк. 8:34	і хто не бярэ крыжа свайго і не ідзе следам за Мною, той не варты Мяне.
10:39 См.: 🔗Мк. 8:35 🔗Лк. 9:24 🔗Iн. 12:25	Хто зберагае душу сваю, страціць яе; а хто страціў душу сваю за Мяне, зберажэ яе.
10:40 См.: 🔗Лк. 10:16 🔗Iн. 13:20	Хто прымае вас, Мяне прымае; а хто Мяне прымае, прымае Таго, Хто паслаў Мяне;
10:41	хто прымае прарока ў імя прарока, узнагароду прарокаву атрымае; і хто прымае праведніка ў імя праведніка, узнагароду праведнікаву атрымае.
10:42 См.: 🔗Мк. 9:41	І хто напоіць аднаго з малых гэтых толькі чашай халоднай вады ў імя вучня, праўду кажу вам, не страціць узнагароды сваёй.

	Раздзел 1
1:1 См.: 🔗Лк. 3:23	Кніга роду Іісуса Хрыста, Сына Давідавага, Сына Аўраамавага.
1:2 См.: 🔗Быт. 21:2 🔗Быт. 25:26 🔗Быт. 29:35	Аўраам нарадзіў Ісаака; Ісаак нарадзіў Іакава; Іакаў нарадзіў Іуду і братоў ягоных;
1:3 См.: 🔗Быт. 38:30 🔗Быт. 46:12 🔗Руф. 4:18 🔗1Пар. 2:5	Іуда нарадзіў Фарэса і Зару ад Фамары; Фарэс нарадзіў Эсрома; Эсром нарадзіў Арама;
1:4	Арам нарадзіў Амінадава; Амінадаў нарадзіў Наасона; Наасон нарадзіў Салмона;
1:5 См.: 🔗Руф. 4:21 🔗1Пар. 2:11	Салмон нарадзіў Ваоза ад Рахавы; Ваоз нарадзіў Авіда ад Руфі; Авід нарадзіў Іесея;
1:6 См.: 🔗1Цар. 17:12 🔗2Цар. 12:24	Іесей нарадзіў Давіда цара; Давід цар нарадзіў Саламона ад былой жонкі Урыевай;
1:7 См.: 🔗3Цар. 11:43 🔗3Цар. 14:31 🔗3Цар. 15:8 🔗1Пар. 3:10	Саламон нарадзіў Раваама; Раваам нарадзіў Авію; Авія нарадзіў Асу;
1:8	Аса нарадзіў Іасафата; Іасафат нарадзіў Іарама; Іарам нарадзіў Азію;
1:9	Азія нарадзіў Іаафама; Іаафам нарадзіў Ахаза; Ахаз нарадзіў Езекію;
1:10 См.: 🔗4Цар. 20:21 🔗1Пар. 3:13	Езекія нарадзіў Манасію; Манасія нарадзіў Амона; Амон нарадзіў Іасію;
1:11 См.: 🔗4Цар. 23:34 🔗4Цар. 24:6 🔗1Пар. 3:16 🔗2Пар. 36:4	Іасія нарадзіў Іаакіма; Іаакім нарадзіў Іеханію і братоў яго, падчас перасялення вавілонскага.
1:12 См.: 🔗1Пар. 3:17 🔗2Пар. 36:8 🔗1Езд. 3:2 🔗1Езд. 5:2	Пасля ж перасялення вавілонскага Іеханія нарадзіў Салафііля; Салафііль нарадзіў Зарававеля;
1:13	Зарававель нарадзіў Авіуда; Авіуд нарадзіў Еліакіма; Еліакім нарадзіў Азора;
1:14	Азор нарадзіў Садока; Садок нарадзіў Ахіма; Ахім нарадзіў Еліуда;
1:15	Еліуд нарадзіў Елеазара; Елеазар нарадзіў Матфана; Матфан нарадзіў Іакава;
1:16	Іакаў нарадзіў Іосіфа, мужа Марыі, ад Якой нарадзіўся Іісус, Якога называюць Хрыстос.
1:17	І вось усіх пакаленняў ад Аўраама да Давіда чатырнаццаць пакаленняў; і ад Давіда да перасялення вавілонскага чатырнаццаць пакаленняў; і ад перасялення вавілонскага да Хрыста чатырнаццаць пакаленняў.
1:18 См.: 🔗Лк. 1:27	Нараджэнне Іісуса Хрыста было так: па заручынах Маці Яго Марыі з Іосіфам, перш чым сышліся яны, выявілася, што Яна мае ва ўлонні ад Духа Святога.
1:19	А Іосіф, муж Яе, будучы праведны і не жадаючы зняславіць Яе, хацеў употай адпусціць Яе.
1:20	Калі ж надумаў ён гэта, — вось, Ангел Гасподні ў сне явіўся яму і сказаў: Іосіфе, сыне Давідаў! не бойся прыняць Марыю, жонку тваю; бо зачатае ў Ёй ёсць ад Духа Святога;
1:21 См.: 🔗Лк. 1:31 🔗Дзеян. 4:12 🔗1Iн. 2:2 🔗Рым. 3:24	і народзіць Сына, і дасі Яму імя: Іісус; бо Ён збавіць людзей Сваіх ад грахоў іх.
1:22	А ўсё гэта сталася, каб збылося сказанае Госпадам праз прарока, які кажа:
1:23 См.: 🔗Ис. 7:14	«Вось, Дзева ва ўлонні зачне і народзіць Сына, і дадуць Яму імя: Эмануіл, што азначае: з намі Бог».
1:24	Устаўшы ад сну, Іосіф зрабіў, як загадаў яму Ангел Гасподні, і прыняў жонку сваю,
1:25 См.: 🔗Лк. 2:21	і не знаў Яе, пакуль нарадзіла Сына Свайго першароднага, і ён даў Яму імя: Іісус.