Первое послание апостола Павла к Коринфянам, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Гал. 1:11	[Зач. 158.] Сказую же вамъ, братiе, Благовѣ­ст­вованiе, еже благовѣстихъ вамъ, еже и прiясте, въ немже и сто­ите,
15:2 См.: 🔗Рим. 1:16	имже и спасаетеся, кацѣмъ словомъ благовѣстихъ вамъ, аще содержите: развѣ аще не всуе вѣровасте.
15:3 См.: 🔗Пс. 21:7 🔗Ис. 53:5 🔗Дан. 9:24 🔗Зах. 13:7	Предахъ бо вамъ исперва, еже и прiяхъ, яко Христосъ умре грѣхъ нашихъ ради, по Писаниемъ,
15:4 См.: 🔗Пс. 15:10 🔗Ис. 53:11 🔗Ос. 6:2 🔗Ион. 2:1	и яко погребенъ бысть, и яко воста въ третiй день, по Писаниемъ,
15:5 См.: 🔗Мф. 28:17 🔗Мк. 16:14 🔗Лк. 24:34	и яко явися Кифѣ, таже едино­на­де­ся­тимъ:
15:6	потомъ же явися болѣ пяти сотъ братiямъ единою, от­ нихже множайшiи пребываютъ доселѣ, нѣцыи же и почиша:
15:7	потомъ же явися Иакову, таже апостоломъ всѣмъ:
15:8 См.: 🔗Деян. 9:3	послѣди же всѣхъ, яко нѣко­ему извергу, явися и мнѣ.
15:9 См.: 🔗Деян. 8:3 🔗Еф. 3:8 🔗1Тим. 1:13	Азъ бо есмь мній апостоловъ, иже нѣсмь достоинъ нарещися апостолъ, зане гонихъ церковь Божiю.
15:10 См.: 🔗Мф. 10:20 🔗Мк. 16:20 🔗Еф. 3:7	Благодатiю же Божiею есмь, еже есмь, и благодать Его, яже во мнѣ, не тща бысть, но паче всѣхъ ихъ потрудихся: не азъ же, но благодать Божiя, яже со мною.
15:11	Аще убо азъ, аще ли они, тако проповѣдуемъ, и тако вѣровасте.
15:12 См.: 🔗Деян. 17:18 🔗2Тим. 2:18	[Зач. 159.] Аще же Христосъ проповѣдует­ся, яко изъ мертвыхъ воста, како глаголютъ нѣцыи въ васъ, яко воскресенiя мертвыхъ нѣсть?
15:13 См.: 🔗Ин. 11:25 🔗Рим. 8:11	И аще воскресенiя мертвыхъ нѣсть, то ни Христосъ воста:
15:14	аще же Христосъ не воста, тще убо проповѣданiе на­ше, тща же и вѣра ваша.
15:15	Обрѣтаемся же и лжесвидѣтеле Божiи, яко послуше­с­т­вовахомъ на Бога, яко воскреси Христа, Егоже не воскреси, аще убо мертвiи не востаютъ:
15:16	аще бо мертвiи не востаютъ, то ни Христосъ воста:
15:17 См.: 🔗Деян. 13:38 🔗Рим. 4:25	аще же Христосъ не воста, суетна вѣра ваша, еще есте во грѣсѣхъ вашихъ:
15:18	убо и умершiи о Христѣ, погибоша.
15:19	[И] аще въ животѣ семъ точiю уповающе есмы во Христа, окаян­нѣйши всѣхъ человѣкъ есмы.
15:20 См.: 🔗Деян. 26:23 🔗Кол. 1:18 🔗Отк. 1:5	[Зач. 160.] Нынѣ же Христосъ воста от­ мертвыхъ, начатокъ умершымъ бысть.
15:21 См.: 🔗Быт. 2:17 🔗Быт. 3:19 🔗Ин. 6:39	Понеже бо человѣкомъ смерть [бысть], и человѣкомъ воскресенiе мертвыхъ.
15:22	Якоже бо о Адамѣ вси умираютъ, такожде и о Христѣ вси оживутъ,
15:23 См.: 🔗1Фес. 4:15	кійждо же во сво­емъ чину: начатокъ Христосъ, потомъ же Христу вѣровав­шiи въ при­­ше­ст­вiи Его.
15:24 См.: 🔗Дан. 7:14 🔗Мф. 28:18 🔗1Тим. 6:15	Таже кончина, егда предастъ Цар­ст­во Богу и Отцу, егда испразднитъ всяко начал­ст­во и всяку власть и силу:
15:25 См.: 🔗Пс. 109:1 🔗Деян. 2:34 🔗Евр. 1:13	подобаетъ бо Ему цар­ст­вовати, дондеже положитъ вся враги подъ ногама Сво­има.
15:26 См.: 🔗Отк. 20:14	Послѣднiй же врагъ испразднит­ся смерть,
15:27 См.: 🔗Пс. 8:7 🔗Евр. 2:8	вся бо покори подъ нозѣ Его: внегда же рещи, яко вся покорена суть Ему, явѣ, яко развѣ Покоршаго Ему вся.
15:28 См.: 🔗1Кор. 11:3	Егда же покоритъ Ему всяческая, тогда и Самъ Сынъ покорит­ся Покоршему Ему всяческая, да будетъ Богъ всяческая во всѣхъ.
15:29	[Зач. 161.] Понеже что сотворятъ крестящiися мертвыхъ ради? Аще от­нюдъ мертвiи не востаютъ, что и крещают­ся мертвыхъ ради?
15:30 См.: 🔗2Кор. 11:26	Почто [же] и мы бѣды прiемлемъ на всякъ часъ?
15:31 См.: 🔗Рим. 8:36	По вся дни умираю: тако ми ваша похвала, братiе, юже имамъ о Христѣ Иисусѣ Господѣ на­шемъ.
15:32 См.: 🔗Прем. 2:6 🔗Ис. 22:13 🔗Лк. 12:19	Аще [бо] по человѣку со звѣремъ боряхся въ Ефесѣ, кая ми польза, аще мертвiи не востаютъ? Да ямы и пiемъ, утрѣ бо умремъ.
15:33	Не льститеся: тлятъ обычаи благи бесѣды злы.
15:34 См.: 🔗Рим. 13:11	Истрезвитеся праведно и не согрѣшайте: невѣдѣнiе бо Божiе нѣцыи имутъ, къ сраму вамъ глаголю.
15:35	Но речетъ нѣкто: како востанутъ мертвiи? Коимъ же тѣломъ прiидутъ?
15:36 См.: 🔗Ин. 12:24	Безумне, ты еже сѣеши, не оживетъ, аще не умретъ:
15:37	и еже сѣеши, не тѣло будущее сѣеши, но голо зерно, аще случит­ся, пшеницы или иного от­ прочихъ:
15:38	Богъ же даетъ ему тѣло, якоже восхощетъ, и ко­емуждо сѣмени свое тѣло.
15:39	[Зач. 162.] Не всяка плоть таже плоть: но ина убо плоть человѣкомъ, ина же плоть скотомъ, ина же рыбамъ, ина же птицамъ.
15:40	И тѣлеса небесная, и тѣлеса земная: но ина убо небеснымъ слава, и ина земнымъ:
15:41	ина слава солнцу, и ина слава лунѣ, и ина слава звѣздамъ: звѣзда бо от­ звѣзды разн­ствуетъ во славѣ.
15:42 См.: 🔗Дан. 12:3	Такожде и воскресенiе мертвыхъ: сѣет­ся въ тлѣнiе, востаетъ въ нетлѣнiи:
15:43	сѣет­ся не въ честь, востаетъ въ славѣ: сѣет­ся въ немощи, востаетъ въ силѣ:
15:44 См.: 🔗Мф. 22:30	сѣет­ся тѣло душевное, востаетъ тѣло духовное. Есть тѣло душевное, и есть тѣло духовное.
15:45 См.: 🔗Рим. 5:18 🔗Быт. 2:7	Тако и писано есть: бысть первый человѣкъ Адамъ въ душу живу, послѣднiй Адамъ въ духъ животворящь.
15:46	Но не прежде духовное, но душевное, потомъ же духовное.
15:47 См.: 🔗Быт. 2:7 🔗Ин. 3:31	[Зач. 163.] Первый человѣкъ от­ земли, перстенъ: вторый человѣкъ Господь съ небесе.
15:48 См.: 🔗Ин. 3:6	Яковъ перстный, такови и перстнiи: и яковъ небесный, тацы же и небеснiи:
15:49 См.: 🔗Быт. 5:3 🔗Рим. 8:29	и якоже облекохомся во образъ перстнаго, да облечемся и во образъ небеснаго.
15:50 См.: 🔗Ин. 1:13 🔗Ин. 3:3	Сiе же глаголю, братiе, яко плоть и кровь Цар­ст­вiя Божiя наслѣдити не могутъ, ниже тлѣнiе нетлѣнiя наслѣд­ст­вуетъ.
15:51 См.: 🔗1Фес. 4:17	Се, тайну вамъ глаголю: вси бо не успнемъ, вси же измѣнимся
15:52 См.: 🔗Мф. 24:31 🔗Ин. 5:28 🔗1Фес. 4:16	вскорѣ, во мгновенiи ока, въ послѣдней трубѣ: вострубитъ бо, и мертвiи востанутъ нетлѣн­ни, и мы измѣнимся:
15:53	подобаетъ бо тлѣн­ному сему облещися въ нетлѣнiе и мертвен­ному сему облещися въ безсмертiе.
15:54 См.: 🔗Ис. 25:8	Егда же тлѣн­ное сiе облечет­ся въ нетлѣнiе и смертное сiе облечет­ся въ безсмертiе, тогда будетъ слово написан­но­е: пожерта бысть смерть побѣдою.
15:55 См.: 🔗Ос. 13:14	Гдѣ ти, смерте, жало? Гдѣ ти, аде, побѣда?
15:56 См.: 🔗Рим. 4:15	Жало же смерти грѣхъ: сила же грѣха законъ.
15:57 См.: 🔗1Ин. 5:4	Богу же благодаренiе, дав­шему намъ побѣду Господемъ нашимъ Иисусъ Христомъ.
15:58 См.: 🔗Кол. 1:23	[Зач. 164.] Тѣмже, братiе моя воз­люблен­ная, тверди бывайте, непоступни, избыточе­ст­ву­ю­ще въ дѣлѣ Господни всегда, вѣдяще, яко трудъ вашъ нѣсть тощь предъ Господемъ.