Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 См.: 🔗1Кор. 1:17 | И аз пришед к вам, братие, приидох не по превосходному словеси или премудрости возвещая вам свидетелство Божие: |
2:2 | не судих бо ведети что в вас, точию Иисуса Христа, и Сего распята: |
2:3 См.: 🔗Деян. 18:1 | и аз в немощи и страсе и трепете мнозе бых в вас. |
2:4 См.: 🔗2Пет. 1:16 | И слово мое и проповедь моя не в препретелных человеческия премудрости словесех, но в явлении духа и силы, |
2:5 См.: 🔗2Кор. 6:7 | да вера ваша не в мудрости человечестей, но в силе Божией будет. |
2:6 См.: 🔗Иак. 3:15 | Премудрость же глаголем в совершенных, премудрость же не века сего, ни князей века сего престающих, |
2:7 См.: 🔗Рим. 14:24 🔗Еф. 3:9 | но глаголем премудрость Божию, в тайне сокровенную, юже предустави Бог прежде век в славу нашу, |
2:8 | юже никтоже от князей века сего разуме: аще бо быша разумели, не быша Господа славы распяли. |
2:9 См.: 🔗Ис. 64:4 | Но якоже есть писано: ихже око не виде, и ухо не слыша, и на сердце человеку не взыдоша, яже уготова Бог любящым Его. |
2:10 | Нам же Бог открыл есть Духом Своим: Дух бо вся испытует, и глубины Божия. |
2:11 См.: 🔗Рим. 11:33 | Кто бо весть от человек, яже в человеце, точию дух человека, живущий в нем? Такожде и Божия никтоже весть, точию Дух Божий. |
2:12 См.: 🔗Рим. 8:15 | Мы же не духа мира сего прияхом, но Духа иже от Бога, да вемы яже от Бога дарованная нам, |
2:13 См.: 🔗1Кор. 1:17 | яже и глаголем не в наученых человеческия премудрости словесех, но в наученых Духа Святаго, духовная духовными сразсуждающе. |
2:14 См.: 🔗Рим. 8:5 | Душевен же человек не приемлет яже Духа Божия: юродство бо ему есть, и не может разумети, зане духовне востязуется. |
2:15 См.: 🔗Прит. 28:5 | Духовный же востязует убо вся, а сам той ни от единаго востязуется. |
2:16 | Кто бо разуме ум Господень, иже изяснит и? Мы же ум Христов имамы. |