Первое послание апостола Павла к Коринфянам, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗1Кор. 1:17	И азъ при­­шедъ къ вамъ, братiе, прiидохъ не по превосходному словеси или премудрости воз­вѣщая вамъ свидѣтел­ст­во Божiе:
2:2 См.: 🔗1Кор. 1:23 🔗1Кор. 15:3 🔗Флп. 3:8	не судихъ бо вѣдѣти что въ васъ, точiю Иисуса Христа, и Сего распята:
2:3 См.: 🔗Деян. 18:1	и азъ въ немощи и страсѣ и трепетѣ мнозѣ быхъ въ васъ.
2:4 См.: 🔗2Пет. 1:16	И слово мое и проповѣдь моя не въ препрѣтелныхъ человѣческiя премудрости словесѣхъ, но въ явленiи духа и силы,
2:5 См.: 🔗2Кор. 6:7	да вѣра ваша не въ мудрости человѣчестѣй, но въ силѣ Божiей будетъ.
2:6 См.: 🔗Иак. 3:15	[Зач. 126.] Премудрость же глаголемъ въ совершен­ныхъ, премудрость же не вѣка сего, ни князей вѣка сего престающихъ,
2:7 См.: 🔗Рим. 14:24 🔗Еф. 3:9	но глаголемъ премудрость Божiю, въ тайнѣ сокровен­ную, юже предустави Богъ прежде вѣкъ въ славу нашу,
2:8 См.: 🔗Мф. 11:25 🔗Деян. 13:27 🔗2Кор. 3:14	юже никтоже от­ князей вѣка сего разумѣ: аще бо быша разумѣли, не быша Господа славы распяли.
2:9 См.: 🔗Ис. 64:4	Но якоже есть писано: [Зач. 127.] ихже око не видѣ, и ухо не слыша, и на сердце человѣку не взыдоша, яже уготова Богъ любящымъ Его.
2:10 См.: 🔗Мф. 13:11 🔗Мк. 4:11 🔗Ин. 14:26	Намъ же Богъ от­крылъ есть Духомъ Сво­имъ: Духъ бо вся испытуетъ, и глубины Божiя.
2:11 См.: 🔗Рим. 11:33	Кто бо вѣсть от­ человѣкъ, яже въ человѣцѣ, точiю духъ человѣка, живущiй въ немъ? Такожде и Божiя никтоже вѣсть, точiю Духъ Божiй.
2:12 См.: 🔗Рим. 8:15	Мы же не духа мiра сего прiяхомъ, но Духа иже от­ Бога, да вѣмы яже от­ Бога дарован­ная намъ,
2:13 См.: 🔗1Кор. 1:17	яже и глаголемъ не въ наученыхъ человѣческiя премудрости словесѣхъ, но въ наученыхъ Духа Святаго, духовная духовными сразсуждающе.
2:14 См.: 🔗Рим. 8:5	Душевенъ же человѣкъ не прiемлетъ яже Духа Божiя: юрод­ст­во бо ему есть, и не можетъ разумѣти, зане духовнѣ востязует­ся.
2:15 См.: 🔗Прит. 28:5	Духовный же востязуетъ убо вся, а самъ той ни от­ единаго востязует­ся.
2:16 См.: 🔗Прем. 9:13 🔗Ис. 40:13 🔗Рим. 11:34	Кто бо разумѣ умъ Господень, иже изъяснитъ и? Мы же умъ Христовъ имамы.