Первое послание апостола Павла к Фессалоникийцам (Солунянам), глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Деян. 16:1 🔗Гал. 1:3	[Зач. 262.] Павелъ и Силуанъ и Тимоѳей церкви Солунстѣй о Бозѣ Отцѣ и Господѣ Иисусѣ Христѣ: благодать вамъ и миръ от­ Бога Отца на­шего и Господа Иисуса Христа.
1:2 См.: 🔗Флп. 1:3 🔗2Фес. 1:3	Благодаримъ Бога всегда о всѣхъ васъ, поминанiе о васъ творяще въ молитвахъ нашихъ,
1:3 См.: 🔗Деян. 17:4	непрестан­но поминающе ва­ше дѣло вѣры, и трудъ любве, и терпѣнiе упованiя Господа на­шего Иисуса Христа, предъ Богомъ и Отцемъ нашимъ,
1:4	вѣдяще, братiе воз­люблен­ная, от­ Бога избранiе ва­ше:
1:5 См.: 🔗Рим. 15:19	яко благовѣ­ст­вованiе на­ше не бысть къ вамъ въ словѣ точiю, но и въ силѣ, и въ Дусѣ Святѣ, и во извѣщенiи мнозѣ, якоже и вѣсте, какови быхомъ въ васъ ради васъ.
1:6 См.: 🔗Флп. 3:17	[Зач. 263.] И вы подобницы бысте намъ и Господу, прiемше слово въ скорби мнозѣ съ радостiю Духа Святаго,
1:7	яко быти вамъ образъ всѣмъ вѣру­ю­щымъ въ Македонiи и Ахаiи.
1:8	От васъ бо промчеся слово Господне не токмо въ Македонiи и Ахаiи, но и во всяко мѣсто вѣра ваша, яже къ Богу, изыде, яко не требовати намъ глаголати что.
1:9	Тіи бо о насъ воз­вѣщаютъ, каковъ входъ имѣхомъ къ вамъ, и како обратистеся къ Богу от­ идолъ, работати Богу живу и истин­ну
1:10 См.: 🔗Ос. 13:14	и ждати Сына Его съ небесъ, Егоже воскреси изъ мертвыхъ, Иисуса, избавляющаго насъ от­ гнѣва грядущаго.