Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Деян. 16:1 🔗Гал. 1:3 | Павел и Силуан и Тимофей церкви Солунстей о Бозе Отце и Господе Иисусе Христе: благодать вам и мир от Бога Отца нашего и Господа Иисуса Христа. |
1:2 См.: 🔗Флп. 1:3 🔗2Фес. 1:3 | Благодарим Бога всегда о всех вас, поминание о вас творяще в молитвах наших, |
1:3 См.: 🔗Деян. 17:4 | непрестанно поминающе ваше дело веры, и труд любве, и терпение упования Господа нашего Иисуса Христа, пред Богом и Отцем нашим, |
1:4 | ведяще, братие возлюбленная, от Бога избрание ваше: |
1:5 См.: 🔗Рим. 15:19 | яко благовествование наше не бысть к вам в слове точию, но и в силе, и в Дусе Святе, и во извещении мнозе, якоже и весте, какови быхом в вас ради вас. |
1:6 См.: 🔗Флп. 3:17 | И вы подобницы бысте нам и Господу, приемше слово в скорби мнозе с радостию Духа Святаго, |
1:7 | яко быти вам образ всем верующым в Македонии и Ахаии. |
1:8 | От вас бо промчеся слово Господне не токмо в Македонии и Ахаии, но и во всяко место вера ваша, яже к Богу, изыде, яко не требовати нам глаголати что. |
1:9 | Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну |
1:10 См.: 🔗Ос. 13:14 | и ждати Сына Его с небес, Егоже воскреси из мертвых, Иисуса, избавляющаго нас от гнева грядущаго. |