Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Деян. 1:7 | А о летех и о временех, братие, не требе есть вам писати, |
5:2 | сами бо вы известно весте, яко день Господень, якоже тать в нощи, тако приидет. |
5:3 См.: 🔗Лк. 21:35 | Егда бо рекут: мир и утверждение, тогда внезапу нападет на них всегубительство, якоже болезнь во чреве имущей, и не имут избежати. |
5:4 | Вы же, братие, несте во тме, да день вас якоже тать постигнет: |
5:5 См.: 🔗Рим. 13:12 | вси бо вы сынове света есте: и сынове дне: несмы нощи, ниже тьмы. |
5:6 См.: 🔗Мф. 24:42 | Темже убо да не спим, якоже и прочии, но да бодрствуим и трезвимся. |
5:7 | Спящии бо, в нощи спят, и упивающиися в нощи упиваются. |
5:8 См.: 🔗Ис. 59:17 🔗Еф. 6:14 | Мы же, сынове суще дне, да трезвимся, оболкшеся в броню веры и любве и шлем упования спасения, |
5:9 См.: 🔗2Фес. 2:14 | яко не положи нас Бог в гнев, но в получение спасения Господем нашим Иисус Христом, |
5:10 См.: 🔗Рим. 14:9 | умершим за нас, да, аще бдим, аще ли спим, купно с Ним живем. |
5:11 | Сего ради утешайте друг друга, и созидайте кийждо ближняго, якоже и творите. |
5:12 | Молим же вы, братие, знайте труждающихся у вас, и настоятелей ваших о Господе, и наказующих вы, |
5:13 | и имейте их по преизлиха в любви за дело их: мирствуйте в себе. |
5:14 См.: 🔗Гал. 6:2 | Молим же вы, братие, вразумляйте безчинныя, утешайте малодушныя, заступайте немощныя, долготерпите ко всем. |
5:15 | Блюдите, да никтоже зла за зло кому воздаст: но всегда доброе гоните и друг ко другу и ко всем. |
5:16 | Всегда радуйтеся. |
5:17 | Непрестанно молитеся. |
5:18 | О всем благодарите: сия бо есть воля Божия о Христе Иисусе в вас. |
5:19 | Духа не угашайте. |
5:20 См.: 🔗1Кор. 14:1 | Пророчествия не уничижайте. |
5:21 См.: 🔗1Ин. 4:1 | Вся же искушающе, добрая держите. |
5:22 | От всякия вещи злыя огребайтеся. |
5:23 См.: 🔗1Фес. 3:13 | Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится. |
5:24 См.: 🔗1Кор. 1:9 | Верен Призвавый вас, Иже и сотворит. |
5:25 См.: 🔗Кол. 4:3 | Братие, молитеся о нас. |
5:26 | Целуйте братию всю лобзанием святым. |
5:27 | Заклинаю вы Господем, прочести послание сие пред всею святою братиею. |
5:28 | Благодать Господа нашего Иисуса Христа с вами. Аминь. |