Первое послание апостола Павла к Фессалоникийцам (Солунянам), глава 5

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 5
5:1 См.: 🔗Деян. 1:7	[Зач. 271.] А о лѣтѣхъ и о временѣхъ, братiе, не требѣ есть вамъ писати,
5:2 См.: 🔗Мф. 24:43 🔗2Пет. 3:10 🔗Отк. 3:3 🔗Отк. 16:15	сами бо вы извѣстно вѣсте, яко день Господень, якоже тать въ нощи, тако прiидетъ.
5:3 См.: 🔗Лк. 21:35	Егда бо рекутъ: миръ и утвержденiе, тогда внезапу нападетъ на нихъ всегубител­ст­во, якоже болѣзнь во чревѣ имущей, и не имутъ избѣжати.
5:4	Вы же, братiе, нѣсте во тмѣ, да день васъ якоже тать постигнетъ:
5:5 См.: 🔗Рим. 13:12	вси бо вы сынове свѣта есте: и сынове дне: нѣсмы нощи, ниже тмы.
5:6 См.: 🔗Мф. 24:42	Тѣмже убо да не спимъ, якоже и прочiи, но да бодр­ст­вуимъ и трезвимся.
5:7	Спящiи бо, въ нощи спятъ, и упивающiися въ нощи упивают­ся.
5:8 См.: 🔗Ис. 59:17 🔗Еф. 6:14	Мы же, сынове суще дне, да трезвимся, оболкшеся въ броню вѣры и любве и шлемъ упованiя спасенiя,
5:9 См.: 🔗2Фес. 2:14	[Зач. 272.] яко не положи насъ Богъ въ гнѣвъ, но въ полученiе спасенiя Господемъ нашимъ Иисусъ Христомъ,
5:10 См.: 🔗Рим. 14:9	умершимъ за насъ, да, аще бдимъ, аще ли спимъ, купно съ Нимъ живемъ.
5:11	Сего ради утѣшайте другъ друга, и созидайте кійждо ближняго, якоже и творите.
5:12	Молимъ же вы, братiе, знайте труждающихся у васъ, и настоятелей вашихъ о Господѣ, и наказующихъ вы,
5:13	и имѣйте ихъ по преизлиха въ любви за дѣло ихъ: мир­ст­вуйте въ себѣ.
5:14 См.: 🔗Гал. 6:2	[Зач. 273.] Молимъ же вы, братiе, вразумляйте безчин­ныя, утѣшайте малодушныя, заступайте немощныя, долготерпите ко всѣмъ.
5:15 См.: 🔗Прит. 17:13 🔗Мф. 5:39 🔗1Пет. 3:9 🔗Рим. 12:17	Блюдите, да никтоже зла за зло кому воз­дастъ: но всегда доброе гоните и другъ ко другу и ко всѣмъ.
5:16	Всегда радуйтеся.
5:17 См.: 🔗Лк. 18:1 🔗Кол. 4:2	Непрестан­но молитеся.
5:18	О всемъ благодарите: сiя бо есть воля Божiя о Христѣ Иисусѣ въ васъ.
5:19	Духа не угашайте.
5:20 См.: 🔗1Кор. 14:1	Пророче­ст­вiя не уничижайте.
5:21 См.: 🔗1Ин. 4:1	Вся же искушающе, добрая держите.
5:22	От всякiя вещи злыя {от­ всякаго вида злаго} огребайтеся.
5:23 См.: 🔗1Фес. 3:13	Самъ же Богъ мира да освятитъ васъ всесовершен­ныхъ во всемъ: и всесовершенъ вашъ духъ и душа и тѣло непорочно въ при­­ше­ст­вiе Господа на­шего Иисуса Христа да сохранит­ся.
5:24 См.: 🔗1Кор. 1:9	Вѣренъ При­­звавый васъ, Иже и сотворитъ.
5:25 См.: 🔗Кол. 4:3	Братiе, молитеся о насъ.
5:26	Цѣлуйте братiю всю лобзанiемъ святымъ.
5:27	Заклинаю вы Господемъ, прочести посланiе сiе предъ всею святою братiею.
5:28	Благодать Господа на­шего Иисуса Христа съ вами. Аминь. Конецъ первому посланiю еже къ Ѳессалоникомъ: имать въ себѣ главъ 5, зачалъ же церковныхъ 12.