Второе послание апостола Павла к Тимофею, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	[Зач. 290А.] Павелъ, апостолъ Иисусъ Христовъ волею Божiею, по обѣтованiю жизни, яже о Христѣ Иисусѣ,
1:2	Тимоѳею воз­люблен­ному чаду: благодать, милость, миръ от­ Бога Отца и Христа Иисуса Господа на­шего.
1:3 См.: 🔗Флп. 3:3	[Зач. 290Б.] Благодарю Бога, Емуже служу от­ прародителей чистою совѣстiю, яко непрестан­ную имамъ о тебѣ память въ молитвахъ мо­ихъ день и нощь,
1:4	желая видѣти тя, поминая слезы твоя, да радости исполнюся,
1:5	воспоминанiе прiемля о сущей въ тебѣ нелицемѣрнѣй вѣрѣ, яже вселися прежде въ бабу твою Лоиду и въ матерь твою Евникію: извѣстенъ же есмь, яко и въ тебе.
1:6 См.: 🔗Деян. 6:6	Еяже ради вины воспоминаю тебѣ воз­грѣвати даръ Божiй живущiй въ тебѣ воз­ложенiемъ руку моею:
1:7 См.: 🔗Рим. 8:15 🔗Евр. 2:15	не бо даде намъ Богъ духа страха, но силы и любве и цѣломудрiя.
1:8 См.: 🔗Мф. 10:33	[Зач. 291.] Не постыдися убо страстiю {свидѣтел­ст­вомъ} Господа на­шего Иисуса Христа, ни мною юзникомъ Его: но спостражди благовѣ­ст­вованiю [Христову] по силѣ Бога,
1:9 См.: 🔗Еф. 1:4 🔗Тит. 3:5	спасшаго насъ и при­­звав­шаго званiемъ святымъ, не по дѣломъ нашымъ, но по Сво­ему благоволенiю {предложенiю} и благодати дан­нѣй намъ о Христѣ Иисусѣ прежде лѣтъ вѣчныхъ,
1:10 См.: 🔗1Пет. 1:20 🔗Рим. 14:25 🔗Еф. 3:9 🔗Кол. 1:26 🔗Тит. 1:2	явльшейся же нынѣ просвѣщенiемъ Спасителя на­шего Иисуса Христа, разрушив­шаго убо смерть и воз­сiяв­шаго жизнь и нетлѣнiе благовѣ­ст­вованiемъ,
1:11 См.: 🔗1Тим. 2:7	въ неже поставленъ быхъ азъ проповѣдникъ и апостолъ и учитель языковъ.
1:12	Еяже ради вины и сiя стражду: но не стыждуся. Вѣмъ бо, Емуже вѣровахъ, и извѣстихся, яко силенъ есть преданiе мое сохранити въ день онъ.
1:13 См.: 🔗1Ин. 2:24 🔗Рим. 6:17	Образъ имѣй здравыхъ словесъ, ихже от­ мене слышалъ еси, въ вѣрѣ и любви, яже о Христѣ Иисусѣ.
1:14 См.: 🔗1Тим. 6:20 🔗Отк. 3:11	Доброе завѣщанiе соблюди Духомъ Святымъ живущимъ въ насъ.
1:15	Вѣси ли сiе, яко от­вратишася от­ мене вси, иже от­ Асіи, от­ нихже есть Фигеллъ и Ермогенъ.
1:16 См.: 🔗2Тим. 4:19	Да дастъ [же] милость Господь Онисифорову дому, яко многажды мя упокои и веригъ мо­ихъ не постыдѣся,
1:17	но при­­шедъ въ Римъ, тощнѣе взыска мя и обрѣте:
1:18 См.: 🔗Мф. 25:34	да дастъ ему Господь обрѣсти милость от­ Господа въ день онъ: и елико во Ефесѣ послужи ми, добрѣе ты вѣси.