Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 | Павел, Апостол Иисус Христов волею Божиею, по обетованию жизни, яже о Христе Иисусе, |
1:2 | Тимофею возлюбленному чаду: благодать, милость, мир от Бога Отца и Христа Иисуса Господа нашего. |
1:3 См.: 🔗Флп. 3:3 | Благодарю Бога, Емуже служу от прародителей чистою совестию, яко непрестанную имам о тебе память в молитвах моих день и нощь, |
1:4 | желая видети тя, поминая слезы твоя, да радости исполнюся, |
1:5 | воспоминание приемля о сущей в тебе нелицемерней вере, яже вселися прежде в бабу твою Лоиду и в матерь твою Евникию: известен же есмь, яко и в тебе. |
1:6 См.: 🔗Деян. 6:6 | Еяже ради вины воспоминаю тебе возгревати дар Божий живущий в тебе возложением руку моею: |
1:7 См.: 🔗Рим. 8:15 🔗Евр. 2:15 | не бо даде нам Бог духа страха, но силы и любве и целомудрия. |
1:8 См.: 🔗Мф. 10:33 | Не постыдися убо страстию Господа нашего Иисуса Христа, ни мною юзником Его: но спостражди благовествованию (Христову) по силе Бога, |
1:9 | спасшаго нас и призвавшаго званием святым, не по делом нашым, но по Своему благоволению и благодати данней нам о Христе Иисусе прежде лет вечных, |
1:10 | явльшейся же ныне просвещением Спасителя нашего Иисуса Христа, разрушившаго убо смерть и возсиявшаго жизнь и нетление благовествованием, |
1:11 См.: 🔗1Тим. 2:7 | в неже поставлен бых аз проповедник и Апостол и учитель языков. |
1:12 | Еяже ради вины и сия стражду: но не стыждуся. Вем бо, Емуже веровах, и известихся, яко силен есть предание мое сохранити в день он. |
1:13 См.: 🔗1Ин. 2:24 🔗Рим. 6:17 | Образ имей здравых словес, ихже от мене слышал еси, в вере и любви, яже о Христе Иисусе. |
1:14 См.: 🔗1Тим. 6:20 🔗Отк. 3:11 | Доброе завещание соблюди Духом Святым живущим в нас. |
1:15 | Веси ли сие, яко отвратишася от мене вси, иже от Асии, от нихже есть Фигелл и Ермоген. |
1:16 См.: 🔗2Тим. 4:19 | Да даст (же) милость Господь Онисифорову дому, яко многажды мя упокои и вериг моих не постыдеся, |
1:17 | но пришед в Рим, тощнее взыска мя и обрете: |
1:18 См.: 🔗Мф. 25:34 | да даст ему Господь обрести милость от Господа в день он: и елико во Ефесе послужи ми, добрее ты веси. |