Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗2Кор. 10:4 🔗Еф. 6:10 | [Зач. 292.] Ты убо, чадо мое, возмогай во благодати, яже о Христѣ Иисусѣ, |
2:2 См.: 🔗1Тим. 6:20 | и яже слышалъ еси от мене многими свидѣтели, сiя предаждь вѣрнымъ человѣкомъ, иже доволни будутъ и иныхъ научити. |
2:3 | Ты убо злопостражди яко добръ воинъ Иисусъ Христовъ. |
2:4 См.: 🔗1Кор. 9:25 | Никтоже [бо] воинъ бывая обязуется куплями житейскими, да воеводѣ угоденъ будетъ. |
2:5 | Аще же и постраждетъ {подвизается} кто, не вѣнчается, аще не законно мученъ будетъ {будетъ подвизатися}. |
2:6 | Труждающемуся дѣлателю прежде подобаетъ от плода вкусити. |
2:7 | Разумѣй, яже глаголю: да дастъ убо тебѣ Господь разумъ о всемъ. |
2:8 См.: 🔗1Кор. 15:4 | Поминай [Господа] Иисуса Христа воставшаго от мертвыхъ, от сѣмене Давидова, по благовѣствованiю моему, |
2:9 См.: 🔗Деян. 21:11 🔗1Кор. 4:9 | въ немже злостражду даже до узъ, яко злодѣй: но слово Божiе не вяжется. |
2:10 | Сего ради вся терплю избранныхъ ради, да и тіи спасенiе улучатъ еже о Христѣ Иисусѣ, со славою вѣчною. |
2:11 См.: 🔗Рим. 6:4 | [Зач. 293.] Вѣрно слово: аще бо съ Нимъ умрохомъ, то съ Нимъ и оживемъ: |
2:12 | аще терпимъ, съ Нимъ и воцаримся: аще отвержемся, и Той отвержется насъ: |
2:13 См.: 🔗Рим. 3:3 | аще не вѣруемъ, Онъ вѣренъ пребываетъ: отрещися бо Себе не можетъ. |
2:14 | Сiя воспоминай, засвидѣтелствуя предъ Господемъ, не словопрѣтися, ни на куюже потребу, на разоренiе слышащихъ. |
2:15 | Потщися себе искусна поставити предъ Богомъ, дѣлателя непостыдна, право правяща слово истины. |
2:16 | Скверныхъ же тщегласiй отметайся: наипаче бо преспѣютъ въ нечестiе, |
2:17 См.: 🔗1Тим. 1:20 | и слово ихъ яко гаггрена жиръ обрящетъ: от нихже есть Именей и Филитъ, |
2:18 | иже о истинѣ погрѣшиста, глаголюща, яко воскресенiе уже бысть: и возмущаютъ нѣкоторыхъ вѣру. |
2:19 | Твердое убо основанiе Божiе стоитъ, имущее печать сiю: позна Господь сущыя Своя, и: да отступитъ от неправды всякъ именуяй имя Господне. |
2:20 См.: 🔗Рим. 9:21 | [Зач. 294.] Въ велицѣмъ же дому не точiю сосуди злати и сребряни суть, но и древяни и глиняни: и ови убо въ честь, ови же не въ честь. |
2:21 См.: 🔗Ис. 52:11 🔗2Тим. 3:17 | Аще убо кто очиститъ себе от сихъ, будетъ сосудъ въ честь, освященъ и благопотребенъ Владыцѣ, на всякое дѣло благое уготованъ. |
2:22 См.: 🔗Гал. 5:16 🔗1Тим. 6:11 | Похотей юныхъ бѣгай, держися же правды, вѣры, любве, мира со всѣми призывающими Господа от чистаго сердца. |
2:23 | Буихъ же и ненаказанныхъ стязанiй отрицайся, вѣдый, яко раждаютъ свары: |
2:24 См.: 🔗Тит. 3:2 | рабу же Господню не подобаетъ сваритися, но тиху быти ко всѣмъ, учителну, незлобиву, |
2:25 См.: 🔗Деян. 8:22 | съ кротостiю наказующу противныя, еда како дастъ имъ Богъ покаянiе въ разумъ истины, |
2:26 | и возникнутъ от дiаволскiя сѣти, живи уловлени от него въ свою его волю. |