Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 | [Зач. 76.] Старецъ Гаiеви возлюбленному, егоже азъ люблю воистинну. |
1:2 | Возлюбленне, во всѣхъ молюся [о тебѣ] благоспѣятися тебѣ и здравствовати, якоже благоспѣется тебѣ душа. |
1:3 | Возрадовахся зѣло, пришедшымъ братiямъ и свидѣтелствующымъ твою истину, якоже ты во истинѣ ходиши. |
1:4 См.: 🔗1Кор. 4:15 | Болши сея не имамъ радости, да слышу моя чада во истинѣ ходяща. |
1:5 | Возлюбленне, вѣрно твориши, еже аще дѣлаеши въ братiю и въ странныя, |
1:6 | иже свидѣтелствоваша о твоей любви предъ церковiю: ихже предпославъ достойно Богу, добрѣ твориши, |
1:7 | о имени бо Его изыдоша, ничтоже прiемлюще от языкъ. |
1:8 См.: 🔗Мф. 10:40 | Мы убо должни есмы прiимати таковыхъ, да поспѣшницы будемъ истинѣ. |
1:9 | Писахъ церкви: но первенстволюбецъ ихъ Дiотрефъ не прiемлетъ насъ. |
1:10 | Сего ради, аще прiиду, воспомяну его дѣла, яже творитъ, словесы лукавыми укоряя насъ: и недоволенъ бывая о сихъ, ни самъ прiемлетъ братiю, и хотящымъ возбраняетъ, и от церкве изгонитъ. |
1:11 См.: 🔗1Ин. 2:29 | Возлюбленне, не уподобляйся злому, но благому. Благотворяй от Бога есть: а злотворяй не видѣ Бога. |
1:12 | Димитрiеви свидѣтелствовася от всѣхъ и от самыя истины: и мы же свидѣтелствуемъ, и вѣсте, яко свидѣтелство наше истинно есть. |
1:13 | Многа имѣхъ писати, но не хощу черниломъ и тростiю писати тебѣ, |
1:14 | уповаю же абiе видѣти тя и усты ко устомъ глаголати. |
1:15 | Миръ тебѣ. Цѣлуютъ тя друзи: цѣлуй други по имени. Аминь. Конецъ соборному посланiю Иоаннову третiему: имать въ себѣ главу 1 и зачало церковное 1. |