Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 | Старец Гаиеви возлюбленному, егоже аз люблю воистинну. |
1:2 | Возлюбленне, во всех молюся (о тебе) благоспеятися тебе и здравствовати, якоже благоспеется тебе душа. |
1:3 | Возрадовахся зело, пришедшым братиям и свидетельствующым твою истину, якоже ты во истине ходиши. |
1:4 См.: 🔗1Кор. 4:15 | Болши сея не имам радости, да слышу моя чада во истине ходяща. |
1:5 | Возлюбленне, верно твориши, еже аще делаеши в братию и в странныя, |
1:6 | иже свидетельствоваша о твоей любви пред церковию. Ихже предпослав достойно Богу, добре твориши. |
1:7 | О имени бо Его изыдоша, ничтоже приемлюще от язык. |
1:8 См.: 🔗Мф. 10:40 | Мы убо должни есмы приимати таковых, да поспешницы будем истине. |
1:9 | Писах церкви: но первенстволюбец их Диотреф не приемлет нас. |
1:10 | Сего ради, аще прииду, воспомяну его дела, яже творит, словесы лукавыми укоряя нас: и недоволен бывая о сих, ни сам приемлет братию, и хотящым возбраняет, и от церкве изгонит. |
1:11 См.: 🔗1Ин. 2:29 | Возлюбленне, не уподобляися злому, но благому. Благотворяй от Бога есть: а злотворяй не виде Бога. |
1:12 | Димитриеви свидетельствовася от всех и от самыя истины: и мы же свидетельствуем, и весте, яко свидетельство наше истинно есть. |
1:13 | Многа имех писати, но не хощу чернилом и тростию писати тебе, |
1:14 | уповаю же абие видети тя и усты ко устом глаголати. |
1:15 | Мир тебе. Целуют тя друзи: целуй други по имени. Аминь. |