Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | [Зач. 253.] Хощу убо васъ вѣдѣти, коликъ подвигъ имамъ о васъ и о сущихъ въ Лаодикіи и во Иераполи, и елицы не видѣша лица моего во плоти, |
2:2 См.: 🔗Флп. 3:8 | да утѣшатся сердца ихъ, снемшихся въ любви и во всяцѣмъ богатствѣ извѣщенiя разума, въ познанiе тайны Бога и Отца и Христа, |
2:3 См.: 🔗1Кор. 1:30 | въ Немже суть вся сокровища премудрости и разума сокровенна. |
2:4 | Сiе же глаголю, да никтоже васъ прельститъ въ словопрѣнiи: |
2:5 См.: 🔗1Кор. 5:3 | аще бо и плотiю отстою, но духомъ съ вами есмь, радуяся и видя вашъ чинъ и утвержденiе вашея вѣры, яже во Христа. |
2:6 | Якоже убо прiясте Христа Иисуса Господа, [такожде] въ Немъ ходите, |
2:7 См.: 🔗1Кор. 1:5 🔗Еф. 3:17 | укоренени и наздани въ Немъ и извѣствовани вѣрою, якоже научистеся, избыточествующе въ ней благодаренiемъ. |
2:8 См.: 🔗Еф. 5:6 🔗Евр. 13:9 | [Зач. 254.] [Братiе,] блюдитеся, да никтоже васъ будетъ прельщая философiею и тщетною лестiю, по преданiю человѣческому, по стихіамъ мiра, а не по Христѣ: |
2:9 См.: 🔗Ин. 1:14 🔗Кол. 1:19 | яко въ Томъ живетъ всяко исполненiе Божества тѣлеснѣ: |
2:10 См.: 🔗Еф. 1:22 | и да будете въ Немъ исполнени, Иже есть глава всякому началу и власти: |
2:11 См.: 🔗Рим. 2:29 🔗Гал. 3:27 | о Немже и обрѣзани бысте обрѣзанiемъ нерукотвореннымъ, въ совлеченiи тѣла грѣховнаго плоти, во обрѣзанiи Христовѣ, |
2:12 | спогребшеся Ему крещенiемъ: о Немже и совостасте вѣрою дѣйствiя Бога, Воскресившаго Его изъ мертвыхъ: |
2:13 См.: 🔗Еф. 2:1 | [Зач. 255.] и васъ, мертвыхъ сущихъ въ прегрѣшенiихъ и въ необрѣзанiи плоти вашея, сооживилъ есть съ Нимъ, даровавъ намъ вся прегрѣшенiя, |
2:14 См.: 🔗Еф. 2:15 | истребивъ еже на насъ рукописанiе ученьми, еже бѣ сопротивно намъ, и то взятъ от среды, пригвоздивъ е на крестѣ: |
2:15 См.: 🔗Еф. 4:8 🔗Евр. 2:14 | совлекъ начала и власти, изведе въ позоръ дерзновенiемъ, изобличивъ ихъ въ Себѣ {побѣдивъ ихъ на Немъ}. |
2:16 См.: 🔗Рим. 14:6 | Да никтоже убо васъ осуждаетъ о яденiи, или о питiи, или о части праздника, или о новомесячiихъ, или о субботахъ: |
2:17 См.: 🔗Евр. 10:1 | яже суть стѣнь грядущихъ, тѣло же Христово. |
2:18 См.: 🔗2Кор. 11:14 | Никтоже васъ да прельщаетъ изволеннымъ ему смиреномудрiемъ и службою Ангеловъ, яже не увѣдѣ учя, [[въ тѣхъ] ходя], безъ ума {всуе} дмяся от ума плоти своея, |
2:19 См.: 🔗Еф. 4:15 | а не держя главы, изъ неяже все тѣло, составы и соузы подаемо и снемлемо, раститъ возращенiе Божiе. |
2:20 См.: 🔗Рим. 7:4 | [Зач. 256.] Аще убо умросте со Христомъ от стихій мiра, почто аки живуще въ мiрѣ стязаетеся? |
2:21 | Не коснися, ниже вкуси, ниже осяжи: |
2:22 См.: 🔗Ис. 29:13 🔗Мф. 15:9 | яже суть вся во истлѣнiе употребленiемъ, по заповѣдемъ и учениемъ человѣческимъ: |
2:23 | яже суть слово убо имуща премудрости въ самовольнѣй службѣ и смиреномудрiи и непощадѣнiи тѣла, не въ чести коей къ сытости плоти. |