Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Хощу убо вас ведети, колик подвиг имам о вас и о сущих в Лаодикии и во Иераполи, и елицы не видеша лица моего во плоти, |
2:2 См.: 🔗Флп. 3:8 | да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа, |
2:3 См.: 🔗1Кор. 1:30 | в Немже суть вся сокровища премудрости и разума сокровенна. |
2:4 | Сие же глаголю, да никтоже вас прельстит в словопрении. |
2:5 См.: 🔗1Кор. 5:3 | Аще бо и плотию отстою, но духом с вами есмь, радуяся и видя ваш чин и утверждение вашея веры, яже во Христа. |
2:6 | Якоже убо приясте Христа Иисуса Господа, такожде в Нем ходите, |
2:7 См.: 🔗1Кор. 1:5 🔗Еф. 3:17 | укоренени и наздани в Нем и извествовани верою, якоже научистеся, избыточествующе в ней благодарением. |
2:8 См.: 🔗Еф. 5:6 🔗Евр. 13:9 | (Братие,) блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе. |
2:9 См.: 🔗Ин. 1:14 🔗Кол. 1:19 | Яко в Том живет всяко исполнение Божества телесне: |
2:10 См.: 🔗Еф. 1:22 | и да будете в Нем исполнени, Иже есть глава всякому началу и власти: |
2:11 См.: 🔗Рим. 2:29 🔗Гал. 3:27 | о Немже и обрезани бысте обрезанием нерукотворенным, в совлечении тела греховнаго плоти, во обрезании Христове, |
2:12 | спогребшеся Ему крещением: о Немже и совостасте верою действия Бога, Воскресившаго Его из мертвых. |
2:13 См.: 🔗Еф. 2:1 | И вас, мертвых сущих в прегрешениих и в необрезании плоти вашея, сооживил есть с Ним, даровав нам вся прегрешения, |
2:14 См.: 🔗Еф. 2:15 | истребив еже на нас рукописание ученьми, еже бе сопротивно нам, и то взят от среды, пригвоздив е на кресте: |
2:15 См.: 🔗Еф. 4:8 🔗Евр. 2:14 | совлек начала и власти, изведе в позор дерзновением, изобличив их в Себе. |
2:16 См.: 🔗Рим. 14:6 | Да никтоже убо вас осуждает о ядении, или о питии, или о части праздника, или о новомесячиих, или о субботах: |
2:17 См.: 🔗Евр. 10:1 | яже суть стень грядущих, тело же Христово. |
2:18 См.: 🔗2Кор. 11:14 | Никтоже вас да прельщает изволенным ему смиреномудрием и службою Ангелов, яже не уведе учя, без ума дмяся от ума плоти своея, |
2:19 См.: 🔗Еф. 4:15 | а не держя главы, из неяже все тело, составы и соузы подаемо и снемлемо, растит возращение Божие. |
2:20 См.: 🔗Рим. 7:4 | Аще убо умросте со Христом от стихий мира, почто аки живуще в мире стязаетеся? |
2:21 | Не коснися, ниже вкуси, ниже осяжи: |
2:22 См.: 🔗Ис. 29:13 🔗Мф. 15:9 | яже суть вся во истление употреблением, по заповедем и учением человеческим: |
2:23 | яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти. |