Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 См.: 🔗1Кор. 1:1 🔗2Кор. 1:1 | [Зач. 216.] Павелъ, посланникъ Иисусъ Христовъ волею Божiею, святымъ сущымъ во Ефесѣ и вѣрнымъ о Христѣ Иисусѣ: |
1:2 | благодать вамъ и миръ от Бога Отца нашего и Господа Иисуса Христа. |
1:3 См.: 🔗1Пет. 1:3 🔗2Кор. 1:3 | Благословенъ Богъ и Отецъ Господа нашего Иисуса Христа, благословивый насъ всяцѣмъ благословенiемъ духовнымъ въ небесныхъ о Христѣ, |
1:4 См.: 🔗Рим. 8:29 🔗2Тим. 1:9 | якоже избра насъ въ Немъ прежде сложенiя мiра, быти намъ святымъ и непорочнымъ предъ Нимъ въ любви, |
1:5 | прежде нарекъ насъ во усыновленiе Иисусъ Христомъ въ Него, по благоволенiю хотѣнiя Своего, |
1:6 См.: 🔗Мф. 3:17 🔗Рим. 5:15 | въ похвалу славы благодати Своея, еюже облагодати насъ о Возлюбленнѣмъ: |
1:7 См.: 🔗Рим. 3:25 | [Зач. 217.] о Немже имамы избавленiе Кровiю Его, и оставленiе прегрѣшенiи, по богатству благодати Его, |
1:8 | юже преумножилъ есть въ насъ во всяцѣй премудрости и разумѣ, |
1:9 См.: 🔗Еф. 3:9 | сказавъ намъ тайну воли Своея по благоволенiю Своему, еже прежде положи въ Немъ, |
1:10 | въ смотренiе исполненiя временъ, возглавити всяческая о Христѣ, яже на небесѣхъ и яже на земли въ немъ: |
1:11 См.: 🔗Лк. 7:30 🔗Деян. 20:27 | въ Немже и наслѣдницы сотворихомся, прежде наречени бывше по прозрѣнiю Божiю вся Дѣйствующаго по совѣту воли Своея, |
1:12 | яко быти намъ въ похваленiе славы Его, прежде уповавшымъ во Христа: |
1:13 См.: 🔗Еф. 4:30 | въ Немже и вы, слышавше слово истины, благовѣствованiе спасенiя нашего, въ Немже и вѣровавше знаменастеся Духомъ обѣтованiя Святымъ, |
1:14 См.: 🔗2Кор. 5:5 | Иже есть обрученiе наслѣдiя нашего, во избавленiе снабдѣнiя, въ похвалу славы Его. |
1:15 | Сего ради и азъ слышавъ вашу вѣру о Христѣ Иисусѣ и любовь, яже ко всѣмъ святымъ, |
1:16 См.: 🔗Флп. 1:3 | [Зач. 218.] не престаю благодаря о васъ, поминанiе о васъ творя въ молитвахъ моихъ, |
1:17 См.: 🔗1Кор. 12:8 | да Богъ Господа нашего Иисуса Христа, Отецъ славы, дастъ вамъ Духа премудрости и откровенiя, въ познанiе Его, |
1:18 См.: 🔗Деян. 26:18 | просвѣщенна очеса сердца вашего, яко увѣдѣти вамъ, кое есть упованiе званiя Его, и кое богатство славы достоянiя Его во святыхъ, |
1:19 | и кое преспѣющее величество силы Его въ насъ вѣрующихъ по дѣйству державы крѣпости Его, |
1:20 См.: 🔗Пс. 109:1 🔗Мк. 16:19 | юже содѣя о Христѣ, воскресивъ Его от мертвыхъ и посадивъ одесную Себе на небесныхъ, |
1:21 См.: 🔗Кол. 2:10 | превыше всякаго Началства и Власти и Силы и Господства, и всякаго имене именуемаго не точiю въ вѣцѣ семъ, но и во грядущемъ: |
1:22 | [Зач. 219.] и вся покори подъ нозѣ Его, и Того даде главу выше всѣхъ Церкви, |
1:23 | яже есть Тѣло Его, исполненiе Исполняющаго всяческая во всѣхъ. |