Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 См.: 🔗Кол. 2:13 | И вас сущих прегрешеньми мертвых и грехи вашими, |
2:2 | в нихже иногда ходисте по веку мира сего, по князю власти воздушныя, духа, иже ныне действует в сынех противления, |
2:3 | в нихже и мы вси жихом иногда в похотех плоти нашея, творяще волю плоти и помышлений, и бехом естеством чада гнева, якоже и прочии: |
2:4 См.: 🔗Рим. 2:4 | Бог же, богат сый в милости, за премногую любовь Свою, еюже возлюби нас, |
2:5 См.: 🔗Рим. 8:11 | и сущих нас мертвых прегрешеньми, сооживи Христом: благодатию есте спасени: |
2:6 | и с Ним воскреси, и спосади на небесных во Христе Иисусе, |
2:7 См.: 🔗Еф. 3:8 | да явит в вецех грядущих презелное богатство благодати Своея благостынею на нас о Христе Иисусе. |
2:8 См.: 🔗Деян. 15:11 | Благодатию бо есте спасени чрез веру: и сие не от вас, Божии дар: |
2:9 См.: 🔗Рим. 3:20 | не от дел, да никтоже похвалится. |
2:10 | Того бо есмы творение, создани во Христе Иисусе на дела благая, яже прежде уготова Бог, да в них ходим. |
2:11 | Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго, |
2:12 | яко бесте во время оно без Христа, отчуждени жития Израилева и чужди от завет обетования, упования не имуще и безбожни в мире: |
2:13 См.: 🔗Деян. 2:39 | ныне же о Христе Иисусе вы, бывшии иногда далече, близ бысте Кровию Христовою. |
2:14 См.: 🔗Ис. 9:6 🔗Ин. 16:33 | Той бо есть мир наш, сотворивый обоя едино, и средостение ограды разоривый, |
2:15 См.: 🔗2Кор. 5:17 | вражду Плотию Своею, закон заповедий ученьми упразднив, да оба созиждет Собою во единаго новаго человека, творя мир, |
2:16 | и примирит обоих во единем теле Богови крестом, убив вражду на нем: |
2:17 См.: 🔗Ис. 57:19 🔗Зах. 9:10 | и пришед благовести мир вам, дальним и ближним, |
2:18 | зане Тем имамы приведение обои во единем Дусе ко Отцу. |
2:19 | Темже убо ктому несте странни и пришелцы, но сожителе святым и приснии Богу, |
2:20 См.: 🔗Ис. 28:16 🔗1Пет. 2:4 | наздани бывше на основании Апостол и пророк, сущу краеугольну Самому Иисусу Христу, |
2:21 См.: 🔗Кол. 2:19 | о немже всяко создание составляемо растет в церковь святую о Господе: |
2:22 См.: 🔗2Кор. 6:16 | о немже и вы созидаетеся в жилище Божие Духом. |