Послание апостола Павла к Ефесянам, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Кол. 2:13	И васъ сущихъ прегрѣшеньми мертвыхъ и грѣхи вашими,
2:2 См.: 🔗Ин. 12:31 🔗1Кор. 6:11 🔗Кол. 3:7	въ нихже иногда ходисте по вѣку мiра сего, по князю власти воз­душныя, духа, иже нынѣ дѣй­ст­вуетъ въ сынѣхъ противленiя,
2:3	въ нихже и мы вси жихомъ иногда въ похотехъ плоти на­шея, творяще волю плоти и помышленiй, и бѣхомъ есте­с­т­вомъ чада гнѣва, якоже и прочiи:
2:4 См.: 🔗Рим. 2:4	[Зач. 220А.] Богъ же, богатъ сый въ милости, за премногую любо­вь Свою, еюже воз­люби насъ,
2:5 См.: 🔗Рим. 8:11	и сущихъ насъ мертвыхъ прегрѣшеньми, сооживи Христомъ: благодатiю есте спасени:
2:6	и съ Нимъ воскреси, и спосади на небесныхъ во Христѣ Иисусѣ,
2:7 См.: 🔗Еф. 3:8	да явитъ въ вѣцѣхъ грядущихъ презѣлное богат­ст­во благодати Сво­ея благостынею на насъ о Христѣ Иисусѣ.
2:8 См.: 🔗Деян. 15:11	Благодатiю бо есте спасени чрезъ вѣру: и сiе не от­ васъ, Божiй даръ:
2:9 См.: 🔗Рим. 3:20	не от­ дѣлъ, да никтоже похвалит­ся.
2:10 См.: 🔗Ис. 44:21 🔗Тит. 2:14 🔗Евр. 13:21	Того бо есмы творенiе, создани во Христѣ Иисусѣ на дѣла благая, яже прежде уготова Богъ, да въ нихъ ходимъ.
2:11	[Зач. 220Б.] Тѣмже поминайте, яко вы, иже иногда языцы во плоти, глаголемiи необрѣзанiе от­ рекомаго обрѣзанiя во плоти, рукотворен­наго,
2:12 См.: 🔗Неем. 2:20 🔗Иез. 13:9 🔗Рим. 9:4 🔗Кол. 1:21	яко бѣсте во время оно безъ Христа, от­чуждени житiя Израилева и чужди от­ завѣтъ обѣтованiя, упованiя не имуще и безбожни въ мiрѣ:
2:13 См.: 🔗Деян. 2:39	нынѣ же о Христѣ Иисусѣ вы, быв­шiи иногда далече, близъ бысте Кровiю Христовою.
2:14 См.: 🔗Ис. 9:6 🔗Ин. 16:33	[Зач. 221.] Той бо есть миръ нашъ, сотворивый обоя едино, и средостѣнiе ограды разоривый,
2:15 См.: 🔗2Кор. 5:17	вражду Плотiю Сво­ею, законъ заповѣдiй ученьми упразднивъ, да оба созиждетъ Собою во единаго новаго человѣка, творя миръ,
2:16	и при­­миритъ обо­ихъ во единѣмъ тѣлѣ Богови крестомъ, убивъ вражду на немъ:
2:17 См.: 🔗Ис. 57:19 🔗Зах. 9:10	и при­­шедъ благовѣсти миръ вамъ, дальнимъ и ближнимъ,
2:18 См.: 🔗Ин. 14:6 🔗Рим. 5:2 🔗Евр. 10:19	зане Тѣмъ имамы при­­веденiе обои во единѣмъ Дусѣ ко Отцу.
2:19	[Зач. 222.] Тѣмже убо ктому нѣсте стран­ни и при­­шелцы, но сожителе святымъ и приснiи Богу,
2:20 См.: 🔗Ис. 28:16 🔗1Пет. 2:4	наздани быв­ше на основанiи апостолъ и пророкъ, сущу крае­уголну Самому Иисусу Христу,
2:21 См.: 🔗Кол. 2:19	о немже всяко созданiе составляемо растетъ въ церковь святую о Господѣ:
2:22 См.: 🔗2Кор. 6:16	о немже и вы созидаетеся въ жилище Божiе Духомъ.