Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 См.: 🔗Деян. 21:33 | Сего ради азъ Павелъ юзникъ Иисусъ Христовъ о васъ языцѣхъ. |
3:2 См.: 🔗Деян. 9:15 🔗Гал. 1:16 | Аще убо {понеже} слышасте смотренiе благодати Божiя данныя мнѣ въ васъ, |
3:3 См.: 🔗Еф. 1:9 | яко по откровенiю сказася мнѣ тайна, якоже преднаписахъ вмалѣ: |
3:4 | о немже {поелику} можете чтуще разумѣти разумъ мой въ тайнѣ Христовѣ, |
3:5 См.: 🔗1Пет. 1:12 | яже во инѣхъ родѣхъ не сказася сыномъ человѣческимъ, якоже нынѣ открыся святымъ Его апостоломъ и пророкомъ Духомъ Святымъ: |
3:6 См.: 🔗Рим. 15:12 | [яко] быти языкомъ снаслѣдникомъ и стѣлесникомъ и спричастникомъ обѣтованiя Его о Христѣ Иисусѣ, благовѣствованiемъ, |
3:7 См.: 🔗Деян. 9:15 | емуже быхъ служитель по дару благодати Божiя, данныя мнѣ по дѣйству силы Его. |
3:8 | [Зач. 223.] Мнѣ меншему всѣхъ святыхъ дана бысть благодать сiя, во языцѣхъ благовѣстити неизслѣдованное богатство Христово |
3:9 | и просвѣтити всѣхъ, что есть смотренiе тайны сокровенныя от вѣковъ въ Бозѣ, создавшемъ всяческая Иисусъ Христомъ, |
3:10 См.: 🔗1Пет. 1:12 | да скажется нынѣ началомъ и властемъ на небесныхъ Церковiю многоразличная премудрость Божiя, |
3:11 | по предложенiю вѣкъ, еже сотвори о Христѣ Иисусѣ Господѣ нашемъ, |
3:12 См.: 🔗Еф. 2:18 | о Немже имамы дерзновенiе и приведенiе въ надѣянiи вѣрою Его. |
3:13 См.: 🔗2Тим. 2:10 | Тѣмже молю [вы] не стужати си въ скорбехъ моихъ о васъ, яже есть слава ваша. |
3:14 | Сего ради преклоняю колѣна моя ко Отцу Господа нашего Иисуса Христа, |
3:15 См.: 🔗Еф. 1:10 | изъ Негоже всяко отечество на небесѣхъ и на земли именуется: |
3:16 См.: 🔗Еф. 1:7 | да дастъ вамъ по богатству славы Своея, силою утвердитися Духомъ Его во внутреннемъ человѣцѣ, |
3:17 См.: 🔗Ин. 14:23 | вселитися Христу вѣрою въ сердца ваша: въ любви вкоренени и основани, |
3:18 | да возможете разумѣти со всѣми святыми, что широта и долгота и глубина и высота, |
3:19 | разумѣти же преспѣющую разумъ любовь Христову, да исполнитеся во всяко исполненiе Божiе. |
3:20 См.: 🔗Рим. 14:24 | Могущему же паче вся творити по преизбыточествiю, ихже просимъ или разумѣемъ, по силѣ дѣйствуемѣй въ насъ, |
3:21 | Тому слава въ Церкви о Христѣ Иисусѣ во вся роды вѣка вѣковъ. Аминь. |