Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗Деян. 21:33 | Сего ради аз Павел юзник Иисус Христов о вас языцех. |
3:2 См.: 🔗Деян. 9:15 🔗Гал. 1:16 | Аще убо слышасте смотрение благодати Божия данныя мне в вас, |
3:3 См.: 🔗Еф. 1:9 | яко по откровению сказася мне тайна, якоже преднаписах вмале: |
3:4 | о немже можете чтуще разумети разум мой в тайне Христове, |
3:5 См.: 🔗1Пет. 1:12 | яже во инех родех не сказася сыном человеческим, якоже ныне открыся святым Его Апостолом и пророком Духом Святым: |
3:6 См.: 🔗Рим. 15:12 | яко быти языком снаследником и стелесником и спричастником обетования Его о Христе Иисусе, благовествованием, |
3:7 См.: 🔗Деян. 9:15 | емуже бых служитель по дару благодати Божия, данныя мне по действу силы Его. |
3:8 | Мне меншему всех святых дана бысть благодать сия, во языцех благовестити неизследованное богатство Христово |
3:9 | и просветити всех, что есть смотрение тайны сокровенныя от веков в Бозе, создавшем всяческая Иисус Христом, |
3:10 См.: 🔗1Пет. 1:12 | да скажется ныне началом и властем на небесных Церковию многоразличная премудрость Божия, |
3:11 | по предложению век, еже сотвори о Христе Иисусе Господе нашем, |
3:12 См.: 🔗Еф. 2:18 | о Немже имамы дерзновение и приведение в надеянии верою Его. |
3:13 См.: 🔗2Тим. 2:10 | Темже молю (вы) не стужати си в скорбех моих о вас, яже есть слава ваша. |
3:14 | Сего ради преклоняю колена моя ко Отцу Господа нашего Иисуса Христа, |
3:15 См.: 🔗Еф. 1:10 | из Негоже всяко отечество на небесех и на земли именуется: |
3:16 См.: 🔗Еф. 1:7 | да даст вам по богатству славы Своея, силою утвердитися Духом Его во внутреннем человеце, |
3:17 См.: 🔗Ин. 14:23 | вселитися Христу верою в сердца ваша: в любви вкоренени и основани, |
3:18 | да возможете разумети со всеми святыми, что широта и долгота и глубина и высота, |
3:19 | разумети же преспеющую разум любовь Христову, да исполнитеся во всяко исполнение Божие. |
3:20 См.: 🔗Рим. 14:24 | Могущему же паче вся творити по преизбыточествию, ихже просим или разумеем, по силе действуемей в нас, |
3:21 | Тому слава в Церкви о Христе Иисусе во вся роды века веков. Аминь. |