Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Деян. 9:15 | Павел, Апостол ни от человек, ни человеком, но Иисус Христом и Богом Отцем воскресившим Его из мертвых, |
1:2 | и иже со мною вся братия, церквам Галатийским: |
1:3 | благодать вам и мир от Бога Отца и Господа нашего Иисуса Христа, |
1:4 См.: 🔗Мф. 20:28 🔗Лк. 1:74 | давшаго Себе по гресех наших, яко да избавит нас от настоящаго века лукаваго, по воли Бога и Отца нашего, |
1:5 | Емуже слава во веки веков. Аминь. |
1:6 | Чуждуся, яко тако скоро прелагаетеся от звавшаго вы благодатию Христовою, во ино благовествование: |
1:7 См.: 🔗Деян. 15:24 | еже несть ино, точию нецыи суть смущающии вы и хотящии превратити благовествование Христово. |
1:8 | Но и аще мы, или Ангел с небесе благовестит вам паче, еже благовестихом вам, анафема да будет. |
1:9 | Якоже предрекохом, и ныне паки глаголю: аще кто вам благовестит паче, еже приясте, анафема да будет. |
1:10 См.: 🔗1Фес. 2:4 | Ныне бо человеки препираю, или Бога, или ищу человеком угождати? Аще бо бых еще человеком угождал, Христов раб не бых убо был. |
1:11 См.: 🔗1Кор. 15:1 | Сказую же вам, братие, Благовествование благовещенное от мене, яко несть по человеку: |
1:12 См.: 🔗Деян. 26:16 | ни бо аз от человека приях е, ниже научихся, но явлением Иисус Христовым. |
1:13 См.: 🔗Деян. 9:21 | Слышасте бо мое житие иногда в Жидовстве, яко по премногу гоних Церковь Божию и разрушах ю, |
1:14 | и преспевах в Жидовстве паче многих сверстник моих в роде моем, излиха ревнитель сый отеческих моих преданий. |
1:15 См.: 🔗Деян. 9:15 | Егда же благоволи Бог, избравый мя от чрева матере моея и призвавый благодатию Своею, |
1:16 См.: 🔗Еф. 3:8 | явити Сына Своего во мне, да благовествую Его во языцех, абие не приложихся плоти и крови, |
1:17 | ни взыдох во Иерусалим к первейшым мене Апостолом, но идох во Аравию, и паки возвратихся в Дамаск. |
1:18 См.: 🔗Деян. 9:26 | Потом же по триех летех взыдох во Иерусалим соглядати Петра, и пребых у него дний пятьнадесять. |
1:19 См.: 🔗Мф. 13:55 | Иного же от Апостол не видех, токмо Иакова брата Господня. |
1:20 См.: 🔗2Кор. 11:31 | А яже пишу вам, се пред Богом, яко не лгу. |
1:21 См.: 🔗Деян. 9:30 | Потом же приидох в страны Сирския и Киликийския. |
1:22 | Бех же не знаемь лицем церквам Иудейским, яже о Христе, |
1:23 | точию же слышаще бяху, яко гоняй нас иногда, ныне благовествует веру, юже иногда разрушаше: |
1:24 | и славляху о мне Бога. |