Послание апостола Павла к Галатам, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Деян. 9:15	[Зач. 198.] Павелъ, апостолъ ни от­ человѣкъ, ни человѣкомъ, но Иисусъ Христомъ и Богомъ Отцемъ воскресив­шимъ Его изъ мертвыхъ,
1:2	и иже со мною вся братiя, церквамъ Галатийскимъ:
1:3	[Зач. 199.] благодать вамъ и миръ от­ Бога Отца и Господа на­шего Иисуса Христа,
1:4 См.: 🔗Мф. 20:28 🔗Лк. 1:74	дав­шаго Себе по грѣсѣхъ нашихъ, яко да избавитъ насъ от­ настоящаго вѣка лукаваго, по воли Бога и Отца на­шего,
1:5	Емуже слава во вѣки вѣковъ. Аминь.
1:6	Чуждуся, яко тако скоро прелагаетеся от­ звав­шаго вы благодатiю Христовою, во ино благовѣ­ст­вованiе:
1:7 См.: 🔗Деян. 15:24	еже нѣсть ино, точiю нѣцыи суть смущающiи вы и хотящiи превратити благовѣ­ст­вованiе Христово.
1:8	Но и аще мы, или Ангелъ съ небесе благовѣститъ вамъ паче, еже благовѣстихомъ вамъ, анаѳема да будетъ.
1:9	Якоже предрекохомъ, и нынѣ паки глаголю: аще кто вамъ благовѣститъ паче, еже прiясте, анаѳема да будетъ.
1:10 См.: 🔗1Фес. 2:4	Нынѣ бо человѣки препираю, или Бога, или ищу человѣкомъ угождати? Аще бо быхъ еще человѣкомъ угождалъ, Христовъ рабъ не быхъ убо былъ.
1:11 См.: 🔗1Кор. 15:1	[Зач. 200.] Сказую же вамъ, братiе, Благовѣ­ст­вованiе благовѣщен­ное от­ мене, яко нѣсть по человѣку:
1:12 См.: 🔗Деян. 26:16	ни бо азъ от­ человѣка прiяхъ е, ниже научихся, но явленiемъ Иисусъ Христовымъ.
1:13 См.: 🔗Деян. 9:21	Слышасте бо мое житiе иногда въ Жидов­ст­вѣ, яко по премногу гонихъ Церковь Божiю и разрушахъ ю,
1:14	и преспѣвахъ въ Жидов­ст­вѣ паче многихъ сверст­никъ мо­ихъ въ родѣ мо­емъ, излиха ревнитель сый отеческихъ мо­ихъ преданiй.
1:15 См.: 🔗Деян. 9:15	Егда же благоволи Богъ, избравый мя от­ чрева матере мо­ея и при­­звавый благодатiю Сво­ею,
1:16 См.: 🔗Еф. 3:8	явити Сына Сво­его во мнѣ, да благовѣ­ст­вую Его во языцѣхъ, абiе не при­­ложихся плоти и крови,
1:17	ни взыдохъ во Иерусалимъ къ первѣйшымъ мене апостоломъ, но идохъ во Аравію и паки воз­вратихся въ Дамаскъ.
1:18 См.: 🔗Деян. 9:26	Потомъ же по трiехъ лѣтѣхъ взыдохъ во Иерусалимъ соглядати Петра, и пребыхъ у него дній пять­на­де­сять.
1:19 См.: 🔗Мф. 13:55	Иного же от­ апостолъ не видѣхъ, токмо Иакова брата Господня.
1:20 См.: 🔗2Кор. 11:31	А яже пишу вамъ, се предъ Богомъ, яко не лгу.
1:21 См.: 🔗Деян. 9:30	Потомъ же прiидохъ въ страны Сирскiя и Киликийскiя.
1:22	Бѣхъ же не знаемь лицемъ церквамъ Иудейскимъ, яже о Христѣ,
1:23	точiю же слышаще бяху, яко гоняй насъ иногда, нынѣ благовѣ­ст­вуетъ вѣру, юже иногда разруша­ше:
1:24	и славляху о мнѣ Бога.