Послание апостола Павла к Евреям, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Рим. 8:24	Есть же вѣра уповаемыхъ извѣщенiе, вещей обличенiе невидимыхъ.
11:2	Въ сей бо свидѣтел­ст­вовани быша древнiи.
11:3 См.: 🔗Быт. 1:1 🔗Пс. 32:6	Вѣрою разумѣваемъ совершитися вѣкомъ глаголомъ Божiимъ, во еже от­ неявляемыхъ видимымъ быти.
11:4 См.: 🔗Быт. 4:4 🔗Мф. 23:35	Вѣрою множайшую жертву Авель паче Каина при­­несе Богу, еюже свидѣтел­ст­вованъ бысть быти праведникъ, свидѣтел­ст­ву­ю­щу о дарѣхъ его Богу: и тою умерый еще глаголетъ.
11:5 См.: 🔗Быт. 5:24 🔗Сир. 44:15 🔗Сир. 49:16	Вѣрою Енохъ преложенъ бысть не видѣти смерти: и не обрѣта­шеся, зане преложи его Богъ: прежде бо преложенiя его свидѣтел­ст­вованъ бысть, яко угоди Богу.
11:6	Безъ вѣры же невоз­можно угодити [Богу]: вѣровати же подобаетъ при­­ходящему къ Богу, яко есть, и взыскающымъ Его мздовоз­датель бываетъ.
11:7 См.: 🔗Быт. 6:22 🔗Сир. 44:17 🔗Иез. 14:14	Вѣрою от­вѣтъ прiимъ Ное о сихъ, яже не у видѣ, убоявся сотвори ковчегъ во спасенiе дому сво­его: еюже осуди [весь] мiръ, и правды, яже по вѣрѣ, бысть наслѣдникъ.
11:8 См.: 🔗Быт. 12:4	[Зач. 327.] Вѣрою зовомъ Авраамъ послуша изыти на мѣсто, еже хотяше прiяти въ наслѣдiе, и изыде не вѣдый, камо грядетъ.
11:9	[Зач. 328.] Вѣрою прiиде Авраамъ на землю обѣтованiя, якоже на чужду, въ кровы вселися со Исаакомъ и Иаковомъ снаслѣдникома обѣтованiя тогожде:
11:10 См.: 🔗Евр. 12:22	жда­ше бо основанiя имущаго града, емуже художникъ и содѣтель Богъ.
11:11 См.: 🔗Быт. 17:19 🔗Быт. 21:2 🔗Рим. 4:19	Вѣрою и сама Сарра неплоды силу во удержанiе сѣмене прiятъ и паче времене возраста роди, понеже вѣрна непщева Обѣтовав­шаго.
11:12 См.: 🔗Быт. 15:5 🔗Быт. 22:17	Тѣмже и от­ единаго родишася, да еще умерщвлен­наго, якоже звѣзды небесныя множе­с­т­вомъ и яко песокъ вскрай моря безчислен­ный.
11:13 См.: 🔗Быт. 23:4 🔗Быт. 47:9	По вѣрѣ умроша сіи вси, не прiемше обѣтованiй, но издалеча видѣв­ше я, и цѣловав­ше, и исповѣдав­ше, яко стран­нiи и при­­шелцы суть на земли:
11:14	ибо таковая глаголющiи являют­ся, яко отече­ст­вiя взыскуютъ.
11:15	И аще бы убо оно помнили, изъ негоже изыдоша, имѣли бы время воз­вратитися:
11:16 См.: 🔗Исх. 3:15 🔗Мф. 22:32	нынѣ же лучшаго желаютъ, сирѣчь небеснаго: тѣмже не стыдит­ся сими Богъ, Богъ нарицатися ихъ: уготова бо имъ градъ.
11:17 См.: 🔗Быт. 22:9	[Зач. 329А.] Вѣрою при­­веде Авраамъ Исаака искушаемь, и единороднаго при­­ноша­ше, обѣтованiя прiемый,
11:18 См.: 🔗Быт. 21:12 🔗Рим. 9:7	къ немуже глаголано бысть: яко о Исаацѣ наречет­ся тебѣ сѣмя:
11:19	помысливъ, яко и изъ мертвыхъ воскресити силенъ [есть] Богъ, тѣмже того и въ притчѣ прiятъ.
11:20 См.: 🔗Быт. 27:27	Вѣрою о грядущихъ благослови Исаакъ Иакова и Исава.
11:21 См.: 🔗Быт. 47:31 🔗Быт. 48:14	Вѣрою Иаковъ умирая ко­егождо сына Иосифова благослови и поклонися на верхъ жезла его.
11:22 См.: 🔗Быт. 50:24	Вѣрою Иосифъ умирая о исхожденiи сыновъ Израилевыхъ памят­ст­вова и о костехъ сво­ихъ заповѣда.
11:23 См.: 🔗Исх. 2:2 🔗Деян. 7:20	Вѣрою Моисей родився сокровенъ бысть три месяцы от­ отецъ сво­ихъ, зане видѣша красно отроча и не убояшася повелѣнiя царева.
11:24 См.: 🔗Исх. 2:11	[Зач. 329Б.] Вѣрою Моисей, великъ бывъ, от­вержеся нарицатися сынъ дщере фараоновы:
11:25	паче [же] изволи страдати съ людьми Божiими, нежели имѣти времен­ную грѣха сладость,
11:26	болшее богат­ст­во вмѣнивъ Египетскихъ сокровищъ поношенiе Христово: взира­ше бо на мздовоз­даянiе.
11:27 См.: 🔗Исх. 10:29 🔗Исх. 13:17	Вѣрою остави Египетъ, не убоявся ярости царевы: Невидимаго бо яко видя, терпяше.
11:28 См.: 🔗Исх. 12:3	Вѣрою сотвори Пасху и пролитiе крове, да не погубляяй перворожден­ная коснет­ся ихъ.
11:29 См.: 🔗Исх. 14:21	Вѣрою преидоша Чермное море аки по сусѣ земли: егоже искушенiе прiемше Египтяне истопишася.
11:30 См.: 🔗Нав. 6:19	Вѣрою стѣны Иерихонскiя падоша обхожденiемъ седмихъ дній.
11:31 См.: 🔗Нав. 2:1 🔗Нав. 6:24	Вѣрою Раавъ блудница не погибе съ сопротивльшимися, прiимши сходники {соглядатели} съ миромъ [и инымъ путемъ изведши].
11:32 См.: 🔗Суд. 4:6 🔗Суд. 7:15 🔗Суд. 11:11 🔗Суд. 13:24 🔗1Цар. 7:10 🔗1Цар. 17:45	И что еще глаголю? Не достанетъ бо ми повѣ­ст­вующу времене о Гедеонѣ, Варацѣ же и Сампсонѣ и Иефѳаи, о Давидѣ же и Самуилѣ, и о [другихъ] пророцѣхъ,
11:33 См.: 🔗Дан. 6:22	[Зач. 330.] иже вѣрою побѣдиша цар­ст­вiя, содѣяша правду, получиша обѣтованiя, заградиша уста львовъ,
11:34 См.: 🔗1Цар. 14:6 🔗3Цар. 19:3 🔗Ис. 38:9 🔗Дан. 3:25	угасиша силу огнен­ную, избѣгоша острея меча, воз­могоша от­ немощи, быша крѣпцы во бранехъ, обратиша въ бѣг­ст­во полки чуждихъ:
11:35 См.: 🔗3Цар. 17:22 🔗4Цар. 4:36	прiяша жены от­ воскресенiя мертвыхъ сво­ихъ: иніи же избiени быша, не прiемше избавленiя, да лучшее воскресенiе улучатъ:
11:36 См.: 🔗Быт. 39:20 🔗Суд. 16:25 🔗Иер. 20:2	друзіи же руганiемъ и ранами искушенiе прiяша, еще же и узами и темницею,
11:37 См.: 🔗3Цар. 21:13 🔗2Пар. 24:21 🔗Иер. 26:23	каменiемъ побiени быша, претрени быша, искушени быша, убій­ст­вомъ меча умроша, про­идоша въ милотехъ [и] въ козiяхъ кожахъ, лишени, скорбяще, озлоблени:
11:38 См.: 🔗1Цар. 22:1 🔗3Цар. 17:3	ихже не бѣ достоинъ [весь] мiръ, въ пустынехъ скитающеся и въ горахъ и въ вертепахъ и въ пропастехъ земныхъ.
11:39 См.: 🔗Лк. 10:24	И сіи вси послуше­ст­вани быв­ше вѣрою, не прiяша обѣтованiя,
11:40	Богу лучшее что о насъ предзрѣв­шу, да не безъ насъ совершен­ство прiимутъ.