Послание апостола Павла к Евреям, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	Сего ради подобаетъ намъ лишше внимати слышан­нымъ, да не когда от­падемъ.
2:2 См.: 🔗Исх. 20:1 🔗Деян. 7:38 🔗Гал. 3:19 🔗Евр. 10:28	[Зач. 305.] Аще бо глаголан­ное Ангелы слово бысть извѣстно, и всяко преступленiе и ослушанiе праведное прiятъ мздовоз­даянiе:
2:3 См.: 🔗Мф. 4:17 🔗Лк. 1:2	како мы убѣжимъ, о толицѣмъ нерадив­ше спасенiи, еже зачало прiемь глаголатися от­ Господа, слышав­шими въ насъ извѣстися,
2:4 См.: 🔗Мк. 16:20	сосвидѣтел­ст­ву­ю­щу Богу знаменьми же и чудесы, и различными силами, и Духа Святаго раздѣленьми, по Сво­ей Ему воли?
2:5 См.: 🔗Мф. 28:18	Не Ангеломъ бо покори Богъ вселен­ную грядущую, о нейже глаголемъ:
2:6 См.: 🔗Пс. 143:3	засвидѣтел­ст­вова же нѣгдѣ нѣкто, глаголя: что есть человѣкъ, яко помниши его? Или сынъ человѣческiй, яко посѣщаеши и?
2:7 См.: 🔗Мф. 27:46	Умалилъ еси его малымъ нѣчимъ от­ Ангелъ: славою и чистiю вѣнчалъ еси его и поставилъ еси его надъ дѣлы руку Твоею,
2:8 См.: 🔗Пс. 8:5 🔗Мф. 28:18 🔗1Кор. 15:27	вся покорилъ еси подъ нозѣ его. Внегда же покорити ему всяческая, ничтоже остави ему непокорено. Нынѣ же не у видимъ ему всяческая покорена:
2:9 См.: 🔗Ин. 3:16 🔗Флп. 2:7 🔗Отк. 5:9	а умаленаго малымъ чимъ от­ Ангелъ видимъ Иисуса, за прiятiе смерти славою и честiю вѣнчан­на, яко да благодатiю Божiею за всѣхъ вкуситъ смерти.
2:10 См.: 🔗Прит. 16:4 🔗Лк. 24:26 🔗Ин. 1:3	Подоба­ше бо ему, Егоже ради всяческая и Имже всяческая, при­­ведшу многи сыны въ славу, началника спасенiя ихъ страданьми совершити.
2:11 См.: 🔗Мф. 28:10 🔗Ин. 20:17	[Зач. 306.] И святяй бо и освящаемiи, от­ Единаго вси: еяже ради вины не стыдит­ся братiю нарицати ихъ, глаголя:
2:12 См.: 🔗Пс. 21:23	воз­вѣщу имя Твое братiи Мо­ей, посредѣ церкве воспою Тя.
2:13 См.: 🔗Ис. 8:17 🔗2Цар. 22:3	И паки: Азъ буду надѣяся Нань. И паки: се, Азъ и дѣти, яже Ми далъ есть Богъ.
2:14 См.: 🔗Ин. 1:14 🔗Рим. 8:3 🔗1Кор. 15:54 🔗2Тим. 1:10	Понеже убо дѣти при­­общишася плоти и крови, и Той прiискрен­нѣ при­­общися тѣхже, да смертiю упразднитъ имущаго державу смерти, сирѣчь дiавола,
2:15 См.: 🔗Лк. 1:74 🔗Рим. 8:15	и избавитъ сихъ, елицы страхомъ смерти чрезъ все житiе повин­ни бѣша работѣ.
2:16	Не от­ Ангелъ бо когда {во­истин­ну} прiемлетъ, но от­ сѣмене Авраамова прiемлетъ:
2:17 См.: 🔗Флп. 2:7 🔗Евр. 5:2	от­нюдуже долженъ бѣ по всему подобитися братiи, да милостивъ будетъ и вѣренъ первосвящен­никъ въ тѣхъ, яже къ Богу, во еже очистити грѣхи людскія.
2:18 См.: 🔗Евр. 4:15	Въ немже бо пострада, Самъ искушенъ бывъ, можетъ и искушаемымъ помощи.