Послание апостола Павла к Евреям, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	Сего ради подобает нам лишше внимати слышанным, да не когда отпадем.
2:2 См.: 🔗Исх. 20:1 🔗Деян. 7:38 🔗Гал. 3:19 🔗Евр. 10:28	Аще бо глаголанное Ангелы слово бысть известно, и всяко преступление и ослушание праведное прият мздовоздаяние:
2:3 См.: 🔗Мф. 4:17 🔗Лк. 1:2	како мы убежим, о толицем нерадивше спасении, еже зачало приемь глаголатися от Господа, слышавшими в нас известися,
2:4 См.: 🔗Мк. 16:20	сосвидетелствующу Богу знаменьми же и чудесы, и различными силами, и Духа Святаго разделеньми, по Своей Ему воли?
2:5 См.: 🔗Мф. 28:18	Не Ангелом бо покори Бог вселенную грядущую, о нейже глаголем:
2:6 См.: 🔗Пс. 143:3	засвидетелствова же негде некто, глаголя: что есть человек, яко помниши его? Или сын человеческий, яко посещаеши и?
2:7 См.: 🔗Мф. 27:46	Умалил еси его малым нечим от Ангел: славою и честию венчал еси его и поставил еси его над делы руку Твоею,
2:8 См.: 🔗Пс. 8:5 🔗Мф. 28:18 🔗1Кор. 15:27	вся покорил еси под нозе его. Внегда же покорити ему всяческая, ничтоже остави ему непокорено. Ныне же не у видим ему всяческая покорена:
2:9 См.: 🔗Ин. 3:16 🔗Флп. 2:7 🔗Отк. 5:9	а умаленаго малым чим от Ангел видим Иисуса, за приятие смерти славою и честию венчанна, яко да благодатию Божиею за всех вкусит смерти.
2:10 См.: 🔗Прит. 16:4 🔗Лк. 24:26 🔗Ин. 1:3	Подобаше бо ему, Егоже ради всяческая и Имже всяческая, приведшу многи сыны в славу, началника спасения их страданьми совершити.
2:11 См.: 🔗Мф. 28:10 🔗Ин. 20:17	И святяй бо и освящаемии, от Единаго вси: еяже ради вины не стыдится братию нарицати их, глаголя:
2:12 См.: 🔗Пс. 21:23	возвещу имя Твое братии Моей, посреде церкве воспою Тя.
2:13 См.: 🔗Ис. 8:17 🔗2Цар. 22:3	И паки: Аз буду надеяся Нань. И паки: се, Аз и дети, яже Ми дал есть Бог.
2:14 См.: 🔗Ин. 1:14 🔗Рим. 8:3 🔗1Кор. 15:54 🔗2Тим. 1:10	Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола,
2:15 См.: 🔗Лк. 1:74 🔗Рим. 8:15	и избавит сих, елицы страхом смерти чрез все житие повинни беша работе.
2:16	Не от Ангел бо когда приемлет, но от семене Авраамова приемлет:
2:17 См.: 🔗Флп. 2:7 🔗Евр. 5:2	отнюдуже должен бе по всему подобитися братии, да милостив будет и верен первосвященник в тех, яже к Богу, во еже очестити грехи людския.
2:18 См.: 🔗Евр. 4:15	В немже бо пострада, Сам искушен быв, может и искушаемым помощи.