Послание апостола Иакова, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Лев. 19:15	[Зач. 52.] Братiе моя, не на лица зряще имѣйте вѣру Господа на­шего Иисуса Христа славы.
2:2	Аще бо внидетъ въ сонмище ва­ше мужъ, златъ перстень нося, въ ризѣ свѣтлѣ, внидетъ же и нищь въ худѣ одѣжди,
2:3	и воз­зрите на носящаго ризу свѣтлу, и речете ему: ты сяди здѣ добрѣ: и нищему речете: ты стани тамо, или сяди здѣ на подножiи мо­емъ:
2:4	и не разсмотристе въ себѣ, и бысте судiи помышленiй злыхъ.
2:5 См.: 🔗Исх. 20:6 🔗Мф. 5:3	Слышите, братiе моя воз­люблен­ная, не Богъ ли избра нищыя мiра сего богаты въ вѣрѣ и наслѣдники Цар­ст­вiя, еже обѣща любящымъ Его?
2:6	вы же укористе нищаго. Не богатiи ли насилуютъ вамъ, и тіи влекутъ вы на судища?
2:7	не тіи ли хулятъ доброе имя наречен­ное на васъ?
2:8 См.: 🔗Лев. 19:18 🔗Мф. 5:43	Аще убо законъ совершаете царскiй, по Писанiю: воз­любиши искрен­няго сво­его якоже себе самаго, добрѣ творите:
2:9 См.: 🔗Лев. 19:15	аще же на лица зрите, то грѣхъ содѣваете, обличаеми от­ закона якоже преступницы.
2:10 См.: 🔗Мф. 5:19	Иже бо весь законъ соблюдетъ, согрѣшитъ же во единѣмъ, бысть всѣмъ повиненъ.
2:11 См.: 🔗Исх. 20:13 🔗Мф. 19:18	Рекій бо: не прелюбы сотвориши, реклъ есть и: не убiеши. Аще же не прелюбы сотвориши, убiеши же, былъ еси преступникъ закона.
2:12	Тако глаголите и тако творите, яко закономъ свободнымъ имущiи судъ прiяти.
2:13 См.: 🔗Прит. 21:13 🔗Мф. 6:15	Судъ бо безъ милости не сотворшему милости: и хвалит­ся милость на судѣ.
2:14 См.: 🔗Мф. 7:26	[Зач. 53.] Кая польза, братiе моя, аще вѣру глаголетъ кто имѣти, дѣлъ же не имать? Еда можетъ вѣра спасти его?
2:15 См.: 🔗Лк. 3:11 🔗1Ин. 3:17	Аще же братъ или сестра нага будета и лишена будета дневныя пищи,
2:16	речетъ же има кто от­ васъ: идита съ миромъ, грѣйтася и насыщайтася: не дастъ же има требованiя тѣлеснаго: кая польза?
2:17	Такожде и вѣра, аще дѣлъ не имать, мертва есть о себѣ.
2:18	Но речетъ кто: ты вѣру имаши, азъ же дѣла имамъ: покажи ми вѣру твою от­ дѣлъ тво­ихъ, и азъ тебѣ покажу от­ дѣлъ мо­ихъ вѣру мою.
2:19 См.: 🔗Мк. 1:24 🔗Мк. 12:29 🔗Деян. 19:15	Ты вѣруеши, яко Богъ единъ есть: добрѣ твориши: и бѣси вѣруютъ, и трепещутъ.
2:20	Хощеши же ли разумѣти, о, человѣче суетне, яко вѣра безъ дѣлъ мертва есть?
2:21 См.: 🔗Быт. 22:9 🔗Евр. 11:17	Авраамъ отецъ нашъ не от­ дѣлъ ли оправдася, воз­несъ Исаака сына сво­его на жертвен­никъ?
2:22	Видиши ли, яко вѣра поспѣше­с­т­воваше дѣломъ его, и от­ дѣлъ совершися вѣра?
2:23 См.: 🔗Быт. 15:6 🔗2Пар. 20:7 🔗Ис. 41:8 🔗Рим. 4:3 🔗Гал. 3:6	И совершися Писанiе глаголющее: вѣрова же Авраамъ Богови, и вмѣнися ему въ правду, и другъ Божiй наречеся.
2:24	Зрите ли убо, яко от­ дѣлъ оправдает­ся человѣкъ, а не от­ вѣры единыя?
2:25 См.: 🔗Нав. 2:1 🔗Евр. 11:31	Такожде же и Раавъ блудница не от­ дѣлъ ли оправдася, прiемши сходники и инымъ путемъ изведши ихъ?
2:26	Якоже бо тѣло безъ духа мертво есть, тако и вѣра безъ дѣлъ мертва есть.